Bloomberg - ის ცნობით წამყვანმა შვეიცარიულმა ბანკმა, Credit Suisse - მა ბიძინა ივანიშვილს კომპენსაციის სახით 210 მილიონი დოლარი  გადაუხადა, თუმცა იმის შესახებ თუ რომელი სასამართლო დავის კომპენსაციად გადაიხადა 210 მილიონი დოლარი ბანკს არ განუმარტავს, ასევე არ არის ცნობილი ტრანზაქციის თარიღიც.

Bloomberg-ი წერს, რომ ეს ის თანხაა, რომელიც ბანკმა დროთა განმავლობაში მოსარჩელის ყველა ანგარიშზე გადარიცხა.

გამოცემა წერს, რომ ქართველმა  მაგნატმა,  ბიძინა  ივანიშვილმა  ბანკს ტრასტის ერთეულის ზარალის და თანხის უსაფრთხოდ განთავსების შემთხვევაში დაკარგული მოგების საკომპენსაციოდ  800 მილიონი  დოლარის  გამო  უჩივლა. პატრის ლესკოდრონი 2018 წელს გაასამართლეს თაღლითობისთვის იმ სქემის გამო, რითაც მან ივანიშვილის ანგარიშებიდან ფული სხვა კლიენტების პორტფელებში მზარდი ზარალის დასაფარად აიღო.

Credit Suisse Trust მუდმივად ამტკიცებდა, რომ მისი პასუხისმგებლობა შემოიფარგლებოდა ბიძინა ივანიშვილის კუთვნილი აქტივების ადმინისტრირებით და ივანიშვილი და მისი ქართველი მრჩეველი პასუხისმგებლები უნდა ყოფილიყვნენ მათი სახელით მიღებულ საინვესტიციო გადაწყვეტილებებზე. ბანკის ცნობით ლეკოდრონი თავის დანაშაულს  კოლეგებისგან  მალავდა.

არსებობს „ვალდებულება, რომ ეს დანაკარგი ანაზღაურდეს “, - თქვა ტრასტის ადვოკატმა ლი ენგ ბენგმა, თავის დასკვნით სიტყვებში, მან ასევე დასძინა, რომ „ეს ვალდებულება არ ვრცელდება ტრასტის ანგარიშზე მართულ აქტივებზე“

Bloomberg-ის თანახმად, ეს გადაწყვეტილება  Credit Suisse Life-მა გაასაჩივრა, შესაბამისად ბერმუდის სააპელაციო სასამართლოში საქმის განხილვა იწყება. შესაბამისად, ბანკი ამ კომპენსაციის გადახდისგან თავის არიდებას ცდილობს. პარალელურად, სასამართლო დავა გრძელდება სინგაპურშიც.

2005 წელს Credit Suisse-მა სინგაპურში  ტრასტი სახელწოდებით Mandalay Trust-ი დააფუძნა, რომელშიც ივანიშვილმა $550 მილიონის დეპოზიტი განათავსა. 2014 წლის დეკემბერში კომპანიის სახელზე $697.68 მილიონი ირიცხებოდა, ხოლო 2015 წლის სექტემბერში ტრასტის ანგარიშზე მხოლოდ $437.8 მილიონი იყო დარჩენილი. ივანიშვილი მიუთითებს, რომ ეს თანხა მისი პირადი ბანკირის, პატრიკ ლესკადრონის თაღლითობით დაიკარგა, რაზეც პასუხისმგებლობა Credit Suisse-მა უნდა აიღოს.

ბერმუდაში კი დავა ბიძინა ივანიშვილის და მისი ოჯახის წევრების სახელზე განხორციელებულ პირად სადაზღვევო შენატანებს ეხებოდა. სასამართლო მასალებში აღნიშნულია, რომ ივანიშვილმა ბერმუდის კუნძულებზე, Credit Suisse Life-ის ოფისს 2011 და 2012 წლებში დადებული ხელშეკრულებით, $755 მილიონის მოცულობის დეპოზიტი მიანდო.