დაბერების საწინააღმდეგო პრეპარატების ეფექტი სქესზეა დამოკიდებული. აღნიშნული დასკვნა მეცნიერებმა ბუზებსა და თაგვებზე ჩატარებული კვლევების შემდეგ გააკეთეს. ამის შესახებ Technology Org.-ი წერს.
დღემდე ყველაზე იმედისმომცემი დაბერების საწინააღმდეგო პრეპარატი - რაპამიცინი სხვადასხვაგვარად მოქმედებს ქალებსა და მამაკაცებზე, აცხადებენ მაქს პლანკის დაბერების ბიოლოგიის ინსტიტუტის მკვლევრები კიოლნიდან და ლონდონის საუნივერსიტეტო კოლეჯიდან.
ისინი ამტკიცებენ, რომ პრეპარატს მდედრობითი სქესის ბუზების სიცოცხლის გახანგრძლივება შეუძლია, მაგრამ არა მამაკაცის. გარდა ამისა, რაპამიცინი ასაკთან დაკავშირებული პათოლოგიური ცვლილებების განვითარებას მხოლოდ ქალის ნაწლავებში ანელებს. აქედან გამომდინარე, მეცნიერები მივიდნენ დასკვნამდე, რომ ბიოლოგიური სქესი გადამწყვეტი ფაქტორია დაბერების საწინააღმდეგო საშუალებების ეფექტურობაში. ამას გარდა, ქალების სიცოცხლის ხანგრძლივობა საგრძნობლად მაღალია, ვიდრე მამაკაცების. თუმცა, ისინი უფრო მეტად განიცდიან ასაკთან დაკავშირებულ დაავადებებსა.
ბუზების გარდა, ეს ეფექტი თაგვებშიც განმეორდა. მდედრი თაგვები უფრო მეტად რეაგირებდნენ რაპამიცინზე სიცოცხლის გახანგრძლივების კუთხით, ვიდრე მამრი თაგვები.
„ჩვენი მიზანია დავრწმუნდეთ, რომ კაცები იცოცხლებენ იმდენ ხანს, რამდენ ხანსაც ქალები და ქალებიც ისეთივე ჯანმრთელები იქნებიან, როგორც მამაკაცები სიბერეში. მაგრამ ამისათვის საჭიროა გავიგოთ, საიდან მოდის ეს განსხვავებები", - განმარტავს კვლევის ერთ-ერთი წამყვანი ავტორი იუ-ქსუან ლუ.
სიბერე
