კომპანია Daimler მისი კუთვნილი Mercedes-Benz-ის თანამშრომლებს მსუყე ფულად დანამატებს შეჰპირდა. როგორც კომპანიის განცხადებაში ვკითხულობთ, კონცერნი კომპანიის - მხოლოდ გერმანიის ქარხნებში დასაქმებულ თანამშრომლებს საახალწლოდ 6 ათასი ევროს პრემიას გადასცემს. საუბარია 100 ათასი თანამშრომელზე, რაზეც კონცერნი 600 მილიონ ევროს დახარჯავს. გადახდა მოხდება მომავალი წლის თებერვალში.
როგორ დაასრულებს მიმდინარე ფინანსურ წელს Mercedes-Benz-ი, ჯერ უცნობია, თუმცა განცხადებაში Daimler აღნიშნავს იმ „შედეგს“, რომლის მიღწევაც თანამშრომლების თავდაუზოგავი შრომის შედეგად მოხერხდა. ცნობისთვის, კომპანიამ 2021 წლის პირველ 9 თვეში 1 617 508 ავტომობილი გაყიდა მთელი მსოფლიოს მასშტაბით, რითაც გასული წლის მაჩვენებელი მხოლოდ 3%-ით გააუმჯობესა. ეს ზრდა ბევრად უფრო მაღალი იქნებოდა, რომ არა წლის მეორე ნახევრიდან განვითარებული გლობალური მიკროჩიპების დეფიციტი, რამაც კომპანია აიძულა, დაგეგმილზე ბევრად ნაკლები ავტომობილი გამოეშვა. როგორი იქნება ბოლო მესამე კვარტალი, ამის შესახებ ინფორმაცია იანვრის 15 რიცხვამდე გავრცელდება.
წყარო: "ბიზნესპრესნიუსი"