გაურკვეველია, რუსეთის ფედერაციის წარმომადგენელთაგან ვისთან არის შესაძლებელი მოლაპარაკება, ასევე დარწმუნებულადაც არ შეიძლება იმის თქმა, ცოცხალია თუ არა რუსეთის დიქტატორი ვლადიმერ პუტინი. ამის შესახებ უკრაინის პრეზიდენტმა ვოლოდიმირ ზელენსკიმ დავოსში გამოსვლისას განაცხადა.
"მოლაპარაკება მშვიდობას არ ნიშნავს. ეს მხარეებმა უნდა აღიარონ. მიუხედავად ამისა, ჩემი პრეზიდენტობის დაწყებიდან ჩვენ ყველაფერი გავაკეთეთ, დიპლომატიური გზით ჩვენი მიწების გასათავისუფლებლად და მუდმივად ვთავაზობდით ამას. მაგრამ ხან ვიღაცას არ სურდა, მერე ვიღაცას ამისთვის დრო არ ჰქონდა. ზოგს არ სჯეროდა, ზოგმა კი პირობები წამოაყენა“, - განაცხადა ზელენსკიმ.
ზელენსკის თქმით, მოსკოვში ბევრი ასეთი „ვიღაც“ არსებობს.
„დღესაც მთლად არ მესმის, ვისთან უნდა ვილაპარაკო და რაზე. დარწმუნებული არ ვარ რომ რუსეთის ისაა პრეზიდენტი, ვინც ზოგჯერ chroma key-ზე (მწვანე ფონი) გამოჩნდება ხოლმე. იქ კი ჩნდება, მაგრამ მთლად არ მესმის, ნამდვილად ისაა თუ არა და არც ბოლომდე დარწმუნებული ვარ რომ ცოცხალია. იღებს თუ არა ის გადაწყვეტილებას, თუ არის ვინმე იქ, ვინც იღებს გადაწყვეტილებას? როგორი ხალხის წრეა? მე არ მაქვს ასეთი ინფორმაცია“, - განაცხადა ზელენსკიმ.