ანტრეპრენერი სანდრო ლილუაშვილი სოციალური ქსელის მეშვეობით რუსულ ენერგოგიგანტებს მიმართავს. ის წერს საკუთარ პროექტსა და ზოგადად საქართველოს ჰიდროლოგიურ რესურსებზე, რაშიც რუსეთის ენერგოდამოკიდებულების შემცირების პერსპექტივას ხედავს.
,,გამარჯობა @Газпром და @Роснефть.
მე ვარ სანდრო ლილუაშვილი, ანტრეპრენერი საქართველოდან.
დღეს განსაკუთრებულად ამაყი ვარ, რადგანაც ჩემს ქარხანაში დავასრულე მზის პანელების მონტაჟი და შესაბამისად დავასრულე ჩემი წარმოების ელექტრო ენეგრიაზე დამოკიდებულება.
საქმე იმაშია, რომ საქართველო მდიდარია ჰიდროლოგიური რესურსებით, მაგრამ მიუხეხავად ამისა, ჩვენ მაინც რუსული თბოსადგურების მიერ გამომუშავებული ელ. ენერგიას მოვიხმართ, რაც საზიანოა როგორც გარემოსთვის, ისე ჩვენი ენერგო უსაფრთხოებისთვის და ვფიქრობ ეს ყველაფერი რუსული სპეცსამსახურების დახმარების გარეშე არ ხდება.
ყველასთვის ნათელია, რომ რუსული ენერგომატარებლები ჰიბრიდული ომის ნაწილია და სანამ ევროპა ვერ ახერხებს მათზე უარის თქმას, ცალსახაა, რომ ჩვენს რეგიონში არ დამთავრდება სისხლისღვრა.
თავისთავად ჩვენ ამის წინააღმდეგი ვართ და როგორც ქართული საწარმო, ყველაფერს გავაკეთებთ ამის შესაცვლელად. ჩვენ ვაპირებთ ხელი შევუწყოთ ჩვენს სხვა მოქალაქეებს ანალოგიური პროექტების განხორციელებაში და დარწმუნებული ვარ ასეთი მიდგომით სულ მალე თქვენი ენერგორესურსები აღარავის დაჭირდება.
ამ ნოტაზე კი ტენეს სახელით გემშვიდობებით სამუდამოდ“, - წერს სანდრო ლილუაშვილი სოციალურ ქსელში.
ტენე
