უკრაინის საგარეო საქმეთა სამინისტროს მიერ მხარდაჭერილმა პროექტმა, WAR AND SANCTIONS-მა („ომი და სანქციები“) კომაპნია, PETROCAS ENERGY INTERNATIONAL სანქციების რისკის ქვეშ მოხვედრილ ფიზიკურ და იურიდიულ პირთა სიაში შეიყავანა და საკითხი განსახილველად თავის პორტალზე გამოიტანა. კომპანიის თანამფლობელად დავით იაკობაშვილი სახელდება.
პროექტის მიხედვით, სანქციების რისკის ქვეშ მოხვედრილი პირებისა და კომპანიების სია უკრაინის მთავრობის მიერ წინადადებების სახით საერთაშორისო პარტნიორებისთვის უკვე წარდგენილია. თუმცა, პორტალზე აღნიშნულია, რომ „სწორედ სოციალურ ქსელებში განხილვაზე არის დამოკიდებული, თუ რამდენად სწრაფად მიიღებენ ეს პირები და კომპანიები დამსახურებულ სასჯელს.“
პორტალის მიხედვით, კომპანია, PETROCAS ENERGY „ოლიგარქის/მისი ოჯახის წევრების“ საკუთრების კატეგორიაში მოხვდა. ამასთან, სანქციების დადების საფუძვლად იმ რეჟიმთან მჭიდრო კავშირი სახელდება, რომელმაც „მოამზადა და გაეროს წესდების დოკუმენტების საწინააღმდეგოდ აგრესიულ ომს აწარმოებს უკრაინის წინააღმდეგ, რომელშიც ჩადენილია დანაშაული კაცობრიობის წინაშე და უკრაინელი ხალხის გენოციდი მიმდინარეობს.“
ამჟამად PETROCAS ENERGY-ის სტატუსი პორტალზე ასახავს, რომ კომპანიის მიმართ „სანქციები ჯერ არ არის გამოყენებული“ და საკითხის განხილვა სოციალურ ქსელებში უნდა მოხდეს, რომ კომპანიის დასანქცირება დაჩქარდეს. თუმცა უკრაინის მთავრობას საერთაშორისო პარტნიორებისთვის კომპანიის დასანქცირების მოთხოვნა უკვე გაგზავნილი აქვს.
ივნისის დასაწყისში Petrocas Energy Group-მა, რომელიც საქართველში „გალფის” ბენზინგასამართი სადგურების ქსელის მფლობელია, ჯგუფში „როსნეფტის“ 49%-იანი მინოტარული წილი გამოისყიდა, რის შედეგადაც რუსული კომპანია „გალფის” აქციონერი აღარ არის. Petrocas Energy Group-მა და Rosneft Oil Company-მ ერთობლივი საწარმო 2014 წლის დეკემბერში შექმნეს, რომელშიც „როსნეფტმა“ 49%-იანი მინორიტარული წილი შეიძინა.
Petrocas Energy Group 2010 წელს დაარსდა. მისი ყოფილი მფლობელი დავით კეზერაშვილი იყო. 2012 წელს მან კომპანიის აქტივები დავით იაკობაშვილს მიჰყიდა. ამაჟამად იაკობაშვილის პარტნიორი Petrocas Energy Group-ის პრეზიდენტი, ვანო ნაკაიძეა.
Petrocas Energy Group შავი ზღვის, სამხრეთ კავკასიის, კასპიისა და აღმოსავლეთ ხმელთაშუა ზღვის რეგიონში ნავთობპროდუქტების ვაჭრობაში, ასევე, საცალო და საავიაციო საწვავის დისტრიბუციასა და ნავთობპროდუქტების ლოგისტიკურ ბიზნესში მონაწილეობს.
Petrocas საქართველოში „გალფის” ბრენდის ბენზინგასამართი სადგურების ქსელს, ფოთის ნავთობტერმინალსა და კომპანია „პეტროკას ფიუელ სერვის ჯორჯიას” ფლობს, რომელიც საავიაციო საწვავის ერთ-ერთი უმსხვილესი მიმწოდებელია.
bpn.ge