სამწლიანი პაუზის შემდეგ, შვეიცარიის სამთო კურორტზე მსოფლიო ეკონომიკური ფორუმი გაიმართა. 2023 წლის ეკონომიკურ ფორუმზე ბიზნეს ლიდერების რეკორდული რაოდენობა იყო მიწვეული. დავოსს ხუთი დღის განმავლობაში 130 ქვეყნიდან 2700-მდე ბიზნეს ლიდერი ეწვია.
მიმდინარე წლის ეკონომიკური ფორუმის მთავარი საკითხები რეცესია და ეკონომიკურად გაურკვეველი მომავალი იყო, თუმცა შემაჯამებელ პანელზე გლობალური ეკონომიკის პერსპექტივა იმაზე უფრო დადებითად შეფასდა, ვიდრე მოსალოდნელი იყო.
მსოფლიო ეკონომიკურ ფორუმზე განხილული იყო შემდეგი მნიშვნელოვანი საკითხები:
ეკონომიკა: დავოსში არსებული სიბნელე და განწირულობა ბოლოსკენ ფრთხილ ოპტიმიზმში გადაიზარდა, რადგან მომავალი წლის გლობალური ეკონომიკური პერსპექტივა იმაზე უკეთესი ჩანს, ვიდრე მოლოდინი არსებობდა.
თუმცა WEF-ის ყოველწლიური შეხვედრა სავსე იყო მრავალი რისკების განხილვით, მათ შორის ინფლაციური ზეწოლით ჩინეთის ხელახალი გახსნის გამო და განვითარებად სამყაროში მზარდი ვალის სტატისტიკით. იქვე აღინიშნა, რომ დასავლური ქვეყნებისთვის ყველაზე რთული გზა ჯერ კიდევ წინ არის - ინფლაციის 2%-მდე შემცირება.
„საქმე არ არის კარგად, მაგრამ ის ბევრად უკეთესია, ვიდრე შეიძლებოდა ყოფილიყო.” – განაცხადა დანიელ პინტომ, JP Morgan-ის პრეზიდენტმა და ოპერაციულმა დირექტორმა.
უკრაინა: უკრაინის მოკავშირეებისთვის დავოსი მიზნად ისახავდა კიევისთვის უკეთესი იარაღისა და ფინანსური მხარდაჭერის მიწოდების გაორმაგებას, რუსეთის წინააღმდეგ თავის დასაცავად. თუმცა, უკრაინის დახმარების გაძლიერების პარალელურად, შეხვედრაზე დელეგატთა ნაწილი მოლაპარაკებების მაგიდასთან დაუყოვნებლივი დაბრუნების მოწოდებითაც გამოდიოდა.
„ამ კვირაში პოლიტიკოსების მოსმენისას გაკვირვებული დავრჩი, რადგან ისეთი შეგრძნება დამეუფლა, რომ არავინ იცის ზუსტად სად მივდივართ და რა შეიძლება იყოს გამოსავალი“, – აღნიშნა სლოვენიის ვიცე-პრემიერმა და საგარეო საქმეთა მინისტრმა ტანია ფაიონმა.
„თუ გვსურს ხვალ მოლაპარაკებების გზით მშვიდობიანი გადაწყვეტა, დღეს უფრო მეტი იარაღი უნდა მივაწოდოთ“, — თქვა ნატოს გენერალურმა მდივანმა იენს სტოლტენბერგმა.
ვაჭრობა: „შეშფოთებული ვარ, რადგან გლობალიზაციის გარდაქმნა ჩვენ სწორედ იმ ქვეყნებისა და რეგიონების ჩასართავად უნდა გამოვიყენოთ, რომელიც აქამდე ამ სიტუაციის გარეთ იყო დარჩენილი“, — განაცხადა ნგოზი ოკონჯო-ივეალამ, სამი ქვეყნის „ინდუსტრიული მეგობრობის“ შეფასებისას.
გაუგებარია, თუ როგორ მოერგება დანარჩენი მსოფლიო ახალ სავაჭრო სისტემას, რომელიც მუშახელის დაცვასა და მიწოდების ჯაჭვების განახლებას ითვალისწინებს.
კლიმატი: მსოფლიო ეკონომიკურ ფორუმზე ნავთობკომპანიების მონაწილეობა ეკოაქტივისტების კრიტიკის საგანი გახდა. ფორუმზე დამსწრეთა შორის იყვნენ BP-ის, Chevron-ის, Occidental Petroleum Corp-ისა და Saudi Aramco-ს წარმომადგენლები. პოლიტიკური ლიდერები, როგორიცაა კიერ სტარმერი, აპროტესტებდნენ ნავთობის ახალ ინვესტიციებს, ხოლო პაკისტანის კლიმატის მინისტრი შერი რეჰმანი უბიძგებდა ზარალისა და ზიანის დაფინანსებისკენ.
„როგორ მივიდეთ იქ? გაკვეთილი, რომელიც მე ვისწავლე ბოლო წლებში… არის ფული, ფული, ფული, ” – აღნიშნა აშშ-ის ელჩმა ჯონ კერიმ პარიზის შეთანხმების გლობალური დათბობის მიზნის შესრულებაზე.
დავოსი
