Reuters-ის ცნობით, უკრაინის პრემიერ მინისტრი დენის შმიჰალი მომავალ კვირაში ვაშინგტონს ეწვევა. ეს იქნება პირველი შანსი უკრაინელი ჩინოვნიკებისთვის, პირადად შეხვდნენ მოწინავე ეკონომიკების ფინანსურ წარმომადგენლებს ომის დაწყების შემდეგ.
შმიჰალი, ფინანსთა მინისტრი სერხი მარჩენკო და ცენტრალური ბანკის მმართველი, კირილო შევჩენკო აპირებენ ორმხრივ შეხვედრებს დიდი შვიდეულისა და სხვა ქვეყნების ფინანსთა მინისტრებთან და მონაწილეობას მიიღებენ მრგვალ მაგიდაში უკრაინაზე, რომელსაც მსოფლიო ბანკი უმასპინძლებს.
ცნობისთვის, უკრაინა იქნება განხილვის მთავარი თემა მსოფლიო ბანკისა და საერთაშორისო სავალუტო ფონდის წევრი ქვეყნების, ასევე G7-ისა და G20-ის მაღალი რანგის ეკონომიკური წარმომადგენლების შეხვედრებზე. მოსალოდნელია, რომ სავალუტო ფონდი გლობალური ზრდის პროგნოზს შეამცირებს.
შეხვედრებზე განიხილავენ ომის ეკონომიკურ გავლენას, ასევე უკრაინის საბანკო და ფინანსური სექტორის ფუნქციონირების ხელშეწყობას.
რუსეთ-უკრაინის ომი
