დღეს, 14 აპრილს, Qari Electric-ს ახალი მიკრო-ელექტრო მანქანები უკვე ქალაქში გამოჩნდა. ამ ეტაპზე მანქანები სატესტო რეჟიმშია გაშვებული.
მიიღე ინფორმაცია უფრო სწრაფად „კომერსანტის“ Telegram-ზე.
კომპანიაში აცხადებენ, რომ Citroen Ami-ის ულტრა კომპაქტური ელექტრო მანქანის დიზაინი ისეა შექმნილი, რომ მისი ყველა ნაწილი მთლიანად ექვემდებარება გადამუშავებას, რითიც პლანეტა ნაკლებად დაზიანდება. მანქანები არ გამოყოფს გამონაბოლქვს და არც ხმაურით აბინძურებს ქალაქს.
“დღეიდან, ქარის აპლიკაცია მულტიმოდალურია, რაც ერთ აპლიკაციაში რამდენიმე სატრანსპორტო არჩევანს ნიშნავს. ელექტრო მოპედთან ერთად ახლა უკვე სატესტო რეჟიმში ელექტრო მანქანებიც გამოჩნდება. Qari App-ში ორივე ელექტრო ტრანსპორტისთვის განსაზღვრულია სპეციალური საპარკინგე ზონები.
Citroen Ami-ით გადაადგილება შეუძლია ორ ადამიანს. მანქანის კომპაქტური დიზაინის გათვალისწინებით, საკმაოდ ბევრი ადგილი რჩება ბარგისთვის. Citroen Ami-ს მაქსიმალური სიჩქარე - 45კმ/სთ-ია და სრული დამუხტვით მაქსიმუმ 75 კმ-ის დაფარვა შეუძლია. მისი ზომა მოსახერხებელია იმ ურბანული გარემოსთვის, სადაც პარკინგი ყოველდღიური პრობლემაა.
მიკრო-მანქანით სარგებლობისთვის აუცილებელი პირობაა, აპლიკაციის ჩამოტვირთვა და რეგისტრაცია. Მანქანის სამართავად საჭიროა B ან B1 კატეგორიის მართვის მოწმობა, ხოლო მოპედის სამართავად - AM ან ნებისმიერი სხვა კატეგორიის მართვის მოწმობა.
Qari Ami-ით სარგებლობის შემდეგ, მომხმარებელს მისი დატოვება ქარის აპლიკაციის პარკირების ზონებში შეუძლია.“ — აცხადებენ კომპანიაში.
ქარი ეკო-მეგობრული ელექტრო ტრანსპორტის საზიარო სერვისია, რომელიც ურბანულ პირობებში სწრაფი და მარტივი გადაადგილებისთვის შეიქმნა . სიტროენით მგზავრობის დაწყება 1 ლარი, ხოლო შემდეგ 1 წუთი 0.80 თეთრი ჯდება.
თაკო კვაჭანტირაძე