დღეიდან რუსულ ნავთობპროდუქტებზე ზღვრული ფასი ამოქმედდა. G7-ის ქვეყნებმა (აშშ-მა, კანადამ, დიდმა ბრიტანეთმა, საფრანგეთმა, გერმანიამ, იტალიამ, იაპონიამ) ევროკავშირმა, ავსტრალიამ და ნორვეგიამ 3 თებერვლის გადაწყვეტილებით რუსეთის ნავთობპროდუქტებზე კატეგორიის მიხედვით ორი ზღვრული ფასი დააწესეს - ამის შესახებ ინფორმაციას financial times ავრცელებს.
ევროკავშირის 27 ქვეყნის ელჩები პარასკევს გამართულ შეხვედრაზე შეთანხმდნენ, რომ დააწესონ ზღვრული ფასები ისეთ პროდუქციაზე, როგორიცაა დიზელი (100 დოლარად ბარელზე) და მაზუთზე (45 დოლარად ბარელზე)
G7-ის ქვეყნებსა და ევროკავშირში რეგისტრირებულ კომპანიებს რუსული ნავთობისა და ნავთობპროდუქტების ტრანსპორტირება, ასევე, მათი საზღვაო გადაზიდვის შესაბამისი მომსახურება მხოლოდ იმ შემთხვევაში შეუძლიათ, თუ ისინი დაწესებულ ზღვრულ ფასში გაიყიდება.
როგორც financial Times ორმა წყარომ უთხრა ევროკავშირის წამყვანი სახელმწიფოები, მათ შორის პოლონეთი და ბალტიისპირეთის ქვეყნები, ყოველ ორ თვეში ერთხელ ლიმიტის დონის გადახედვას ითხოვენ, თუმა G7-ის სხვა ქვეყნები, მათ შორის აშშ, ნაკლებად ამ მექანიზმს ნაკლებად, პოტენციური არასტაბილურობის გათვალისწინებით ნაკლებად ემხრობიან.
აშშ-ის ხაზინა აცხადებს, რომ რუსული ნავთობის ლიმიტირებულ ფასად შემსყიდველმა კომპანიებმა სერვისის პროვაიდერებს უნდა მიაწოდონ შესაბამისი დოკუმენტაცია, რომელიც ზღვრულ ან დაბალ ფასად საწვავის შეძენას დაადასტურებს. ხაზინამ ხაზგასმით აღნიშნა, რომ რუსული ნავთობის იმპორტის აკრძალვა, რომელიც შეერთებულმა შტატებმა მარტში დააწესა, ძალაში რჩება.
ბრძანებულება 1-ელი თებერვლიდან ამოქმედდა და 2023 წლის 1-ელ ივლისამდე დარჩება ძალაში.
აკრძალვა საბოლოო მყიდველამდე მიწოდების ყველა ეტაპზე ვრცელდება. განკარგულების შესრულების რეგულარული მონიტორინგი ენერგეტიკის სამინისტროს დაევალა. ამასთან, პუტინს სპეციალური გადაწყვეტილების საფუძველზე აკრძალვაში გამონაკლისის დაშვება შეუძლია.
ნედლეულის მიმწოდებლებმა უნდა წარუდგინონ ფედერალურ საბაჟო სამსახურს ხელშეკრულება, ასევე, განცხადება, რომელიც დაადასტურებს, რომ მასში არ არსებობს დებულებები ფასის ლიმიტის გამოყენების შესახებ. დადგენილება 1-ლი თებერვლიდან ექსპორტირებული საქონლის ექსპორტზე ვრცელდება. ამასთან, მიმწოდებლებმა, ენერგეტიკის სამინისტროს მოთხოვნით, საბაჟო დეპარტამენტს რუსულ ენაზე თარგმნილი ხელშეკრულებების ასლები და მათზე დამატებები უნდა მიაწოდონ. ასევე, კომპანიები ენერგეტიკის სამინისტროს წარუდგენენ საინფორმაციო მასალებს მიწოდების ხელშეკრულებების ფაქტობრივი შესრულების, მათ შორის, უცხოელი მყიდველების, საქონლის მიწოდების მიმართულებებისა და პირობების შესახებ.