დღგ-ს დეკლარირებით დასაბრუნებელი ზედმეტად გადახდილი თანხების ავტომატური დაბრუნების წესში ცვლილება შევიდა.

ცვლილება შეეხო ავტომატური წესით დასაბრუნებელი დღგ-ის გაანგარიშების წესს. გაანგარიშებაში ყოველი წლის 31 დეკემბრის მდგომარეობით რიცხული ზედმეტად გადახდილი თანხა დაექვემდებარება გაანგარიშებაში განულებას, არაუგვიანეს მომდევნო წლის პირველი სამუშაო დღისა.

საკონსულტაციო კომპანია Kreston georgia-ს ინფორმაციით, აღნიშნული ცვლილება თავისი შინაარსით გულისხმობს, რომ თუ პირს წლის დასრულებამდე ანუ 31 დეკემბრამდე ავტომატურად არ დაუბრუნდა დღგ-ის დეკლარირებით წარმოშობილი ზედმეტობა, აღნიშნული თანხა წლის ბოლოსთვის, ავტომატურად დასაბრუნებელი თანხის გაანგარიშების მიზნებისთვის, განულდა და მომდევნო წლიდან მისი ავტომატური წესით დაბრუნება აღარ მოხდება.

„გამოდის, რომ ამ შემთხვევაში პირს აღნიშნული ზედმეტობის დაბრუნებისთვის რჩება მხოლოდ ერთი გზა, რომ „ზედმეტად გადახდილი გადასახადის ან/და სანქციის თანხის დაბრუნების შესახებ“ განცხადებით მიმართოს შემოსავლების სამსახურს, რაც ხშირ შემთხვევაში გარკვეულ სირთულეებს იწვევს პირისათვის“, - განმარტავენ აუდიტორულ კომპანიაში.

bpn.ge