დღის TOP 10 მნიშვნელოვანი ამბავი:
1. შეძლებს თუ არა დღიურად 33 000 აცრას ჯანდაცვა, წლის ბოლომდე 60%–იანი შედეგის მისაღწევად
ზოგიერთ შემთხვევაში კითხვარის შევსების ხანგრძლივობის ზრდის ან რაიმე სხვა გაუთვალისწინებელ ფაქტორის გათვალისწინების შემთხვევაშიც კი, თვეში 1 მლნ აცრისთვის დღიურად 33 ათასი აცრაც საკმარისია.
2. შეაფერხებს თუ არა ტურიზმს ახალი რეგულაციები
გართობა-დასვენების სეგმენტში რეგულაციების დაწესების გამო ტურისტული ინდუსტრიის წარმომადგენლები პრობლემას ნაკლებად ელიან.
3. ბიზნესი ვაქცინაციის კამპანიაში აქტიურად ჩაერთო
დამსაქმებლები თანამშრომლების წახალისებას სხვადასხვა ღონისძიების ფარგლებში ცდილობენ. მათი მიზანია ვაქცინაციის პროცესის გააქტიურების ხელშეწყობა, რისთვისაც ვაქცინირებულ ადამიანებს გარკვეულ ბენეფიტებს სთავაზობენ.
4. რატომ დამძიმდა ეპიდვითარება საქართველოში
ნათლად ჩანს ისიც, რომ საქართველოს მთავრობა პროცესს ვერ მართავს და ჯანდაცვის სისტემა ყველაზე ცუდი სცენარისთვის მომზადებული არ აღმოჩნდა. რა შეცდომები დაუშვა მმართველმა გუნდმა და როგორ მივედით კრიტიკულ მდგომარეობამდე – ამ საკითხზე „კომერსანტთან“ ჯანმრთელობის დაცვისა და სოციალურ საკითხთა კომიტეტის ყოფილი თავმჯდომარე, საზოგადოებრივი ჯანდაცვის ექსპერტი აკაკი ზოიძე საუბრობს.
5. ისრაელში მძიმე პაციენტებს კორონავირუსის ახალი წამლით უმკურნალებენ
ისრაელის ჯანდაცვის სამინისტრომ მძიმე მდგომარეობაში მყოფი კოვიდინფიცირებულების სამკურნალოდ კომპანიის Bonus BioGroup–ის წარმოებული პრეპარატის MesenCure გამოყენების ნებართვა გასცა.
6. თხილის სექტორში გაურკვევლობაა
ცივი გაზაფხულის გამო საქართველოში თხილის მოსავლის აღება მოსალოდნელზე 1–2 კვირით კვიან დაიწყო. ექსპერტები დიდ მოსავალსა და მაღალ ხარისხს ელოდებიან. თუმცა, წვიმამ, რომელსაც ბოლო 5 დღის განმავლობაში არ გადაუღია დასავლეთ საქართველოში და კვირის ბოლომდე გამოდარება არც არის მოსალოდნელი, შეიძლება მოსავლის აღება კიდევ გადაავადოს.
7. „რკოს“ ტანსაცმლის ახალი კოლექცია შემოდგომიდან გაიყიდება
საქართველოში ხელით მოქსოვილი საბავშვო ტანსაცმელი დიდ ბრიტანეთში, გერმანიაში, იაპონიაში, ჩინეთში, საფრანგეთსა და კორეაში გადის.
8. „ანგუსი ჯგუფის“ პრემიუმ ხაზის სტეიკების საფირმო მაღაზია ფალიაშვილზე გაიხსნება
ხორცის მწარმოებელი „ანგუსი ჯგუფი“ პრემიუმ ხაზის სტეიკების პირველი საფირმო მაღაზიის გახსნას თბილისში, ფალიაშვილის ქუჩაზე, სექტემბერში გეგმავს. კომპანიის დამფუძნებელი ოთარ კობახიძე ამბობს, რომ პროექტის განხორციელება იმ შემთხვევაში შეიძლება დადგეს კითხვის ნიშნის ქვეშ, თუ ეპიდვითარება დამძიმდება ქვეყანაში.
9. ჰაწვალის საბაგირო მთლიანად განახლდება
მომდევნო ზამთრის სეზონზე ჰაწვალზე ასვლას დამსვენებლები ახალი ულტრათანამედროვე საბაგირო გზით შეძლებენ. ამის შესახებ ინფორმაციას ეკონომიკის სამინისტრო ავრცელებს.
10. ხვიჩა კვარაცხელია აღმოსავლეთ ევროპაში ყველაზე ძვირადღირებული ახალგაზრდა ფეხბურთელია
ბელარუსულმა გამოცემამ „ტრიბუნა“ აღმოსავლეთ ევროპის ქვეყნების საინტერესო ახალგაზრდებს სტატია მიუძღვნა. ჟურნალისტმა მონაცემები „ტრანსფერმარკტზე“ დაყრდნობით შეადგინა და აღმოჩნდა, რომ ამ უამრავ ქვეყნებს შორის ყველაზე ძვირადღირებული ახალგაზრდა ხვიჩა კვარაცხელიაა.
მთავარი ამბები
