დღის TOP 10 მნიშვნელოვანი ამბავი:

1. „სინერჯიმ“ თევზისა და ხიზილალას პროდუქტების მწარმოებელი ყველაზე დიდი კომპანია შეიძინა

კაპიტალის ზრდის კომპანია 2021 წელს 7-მდე ახალი კომპანიის წილის შეძენას გეგმავს. ხელშეკრულება უკვე გაფორმებულია თევზისა და ხიზილალას პროდუქტების მწარმოებელი ყველაზე დიდ კომპანია „უმალთან“.

2. ორნიშნა ეკონომიკური ზრდა შესაძლოა აგვისტოში დასრულდეს

საქართველოს ეკონომიკის ორნიშნა ზრდა შესაძლოა აგვისტოში დასრულდეს. კოვიდშემთხვევების ზრდა და ახალი შეზღუდვები ზრდის ტემპის შემცირების წინაპირობას ქმნის.

3. ხორბლის გაძვირების შემთხვევაში იმპორტიორები დღგ-ის გაუქმებას მოითხოვენ

შესაძლოა, საქართველოში ფქვილის სუბსიდიის აუცილებლობა დადგეს. ამის მიზეზი გლობალურ ბაზრებზე მოსავალთან დაკავშირებით ნეგატიური პროგნოზია, რაც ფასებზე უკვე აისახა. 2-3 კვირის წინ 1 ბუშელი ხორბალი $6.5 ღირდა, ამ ეტაპზე ფასი $7,10–ის ფარგლებში მერყეობს.

4. „ზედაზენი“ მეორე წელია ზარალზეა

ალკოჰოლური და უალკოჰოლო სასმელების ერთ-ერთი წამყვანი მწარმოებელი საქართველოში სს „ქართული ლუდის კომპანია“ ზედაზენი მეორე წელია ზარალზეა. 2019 წლის შემდეგ კომპანიმ პანდემიური 2020 წელი კიდევ უფრო დიდი ₾ 6,8 მლნ-იანი ზარალით დაასრულა.

5. 2020–ში პირდაპირმა უცხოურმა ინვესტიციებმა ფულადი გზავნილების 30% შეადგინა

2020 წელს ქვეყანაში პირდაპირი უცხოური ინვესტიციების მაჩვენებელი კიდევ უფრო მეტად შემცირებულია და სულ $572 მლნ–ა. ეს მაჩვენებელი 57.2%-ით ნაკლებია 2019 წელთან შედარებით და 7.3%-ით ნაკლები 2020 წლის წინასწარ მონაცემებზე.

6. ავღანეთის ტრაგედია:  ტრამპი ბაიდენს „სამარცხვინო გადადგომისკენ“ მოუწოდებს – ქართველები ქაბულს ვერ ტოვებენ

ავღანეთში თალიბანის საბოლოო გამარჯვების პირობებში შექმნილი უკიდურესი დაძაბულობის ფონზე საქართველოს მოქალაქეები ქაბულის აეროპორტამდე მისვლას ვერ ახერხებენ, რის გამოც მათი სამშობლოში დაბრუნება ამ დრომდე ვერ ხერხდება.

7. როგორი იქნება გმირთა ხეივანი ბათუმში

ბათუმში, ჟიული შარტავას გამზირზე, გმირთა ხეივანი „მწვანე დერეფნის“ მოწყობის მიზნით შემოღობეს.

8. აბუდელაურის ტბებთან ტურისტული თავშესაფარი „სინდაურა“ აშენდება

ხევსურეთში, აბუდელაურის ტბების დასათვალიერებლად წასულ ტურისტებს და ადგილობრივ მოლაშქრეებს, ტურისტული თავშესაფარი და კაფე–ბარი „სინდაურა“ დახვდებათ.

9. სპეცსამსახურებთან თანამშრომლობის გამო WhatsApp-ს პაველ დუროვი კრახს უწინასწარმეტყველებს

Vkontakte–სა და Telegram-ის შემქმნელი პაველ დუროვი, რომელიც რუსეთის უმდიდრეს ადამიანებს შორის მეცხრე ადგილს იკავებს, აცხადებს, რომ მალე WhatsApp-ის მომხმარებლები Telegram-ში გაიქცევიან.

10. ისრაელელმა მეცნიერებმა სიცოცხლის 39%–ით გახანგრძლივება შეძლეს – ჯერ თაგვების

ისრაელელი მკვლევარების ჯგუფმა დაბერების პროცესის შენელება შეძლო, VEGF ცილიდან სიგნალის გადაცემის გაუმჯობესებით, რომელიც სისხლძარღვების გადაღლას იწვევს.