დღის TOP 10 მნიშვნელოვანი ამბავი:
1. „არა ცეცხლითა და მახვილით!..“ – მაია ბუწაშვილი ჯანდაცვის მესვეურების აგრესიულ რიტორიკას აკრიტიკებს
ცნობილი ინფექციონისტი მაია ბუწაშვილი სოციალურ ქსელში ვრცელ პოსტს აქვეყნებს, რომელშიც ვაქცინაციისკენ მოწოდებებში აგრესიულ რიტორიკას აკრიტიკებს და აცხადებს, რომ მოსახლეობის დარწმუნება ვაქცინაციის აუცილებლობაში არა „ცეცხლითა და მახვილით“, არამედ ახსნა–განმარტებით უნდა მოხდეს.
2. გახდება თუ არა გონიო „აღმოსავლეთის ლუქსემბურგი“
პრემიერის განცხადებამ გონიოს ყოფილ საბჭოთა სამხედრო პოლიგონზე ახალი ქალაქის აშენების გეგმის შესახებ ბიზნესი კომენტარს არ აკეთებს, სპეციალისტებს კი ამ ამბავმა ლაზიკას პროექტი შეახსენა.
3. ლოქდაუნის პერიოდში გაჩერებული კომპანიების 18% გაკოტრდა
მცირე და საშუალო კომპანიების ნაწილმა, რომელიც ლოქდაუნის პერიოდში გაჩერებული იყო, საქმიანობის გაგრძელება ვერ შეძლო, ასეთი დაახლოებით 18%-ია.
4. თბილისის სატელევიზიო კოშკზე ტურისტული ინფრასტრუქტურა განთავსდება - ხელშეკრულება ოფიციალურად გაფორმდა
თბილისის სავიზიტო ბარათი უახლოესს მომავალში ახალ ფუნქციებს შეიძენს. დედაქალაქის მთავრობის მიერ მეორედ გამოცხადებული ინტერესთა გამოხატვა წარმატებით დასრულდა, შესაბმისად თბილისის სატელევიზიო კოშკზე ვიზიტორთა ცენტრი, პანორამული რესტორანი და გადასახედი მოეწყობა.
5. ივლისში ადგილობრივი ექსპორტი 2020–ის შესაბამის პერიოდთან შედარებით 48.5%–ით, 2019–თან კი 52.4%-ით გაიზარდა
საგარეო ვაჭრობის კუთხით პოზიტიური ტენდენციები და ზრდის დინამიკა ბოლო თვის მონაცემებითაც შენარჩუნებულია - ივლისში ადგილობრივი ექსპორტი (ექსპორტი რეექსპორტის გარეშე), გასული 2020 წლის შესაბამის პერიოდთან შედარებით 48.5 პროცენტით გაიზარდა და 285.1 მლნ. აშშ დოლარი შეადგინა.
6. რეანიმაციაში ორჯერადად აცრილი 10 ინფიცირებული მოხვდა, არცერთი მათგანი არ გარდაცვლილა
ჯანდაცვის მინისტრის მოადგილის თამარ გაბუნიას თქმით, მარტიდან 17 აგვისტომდე პერიოდში ჩატარებული კვლევით ირკვევა, რომ ინფიცირებულთა 98%-ზე მეტი არ იყო ვაქცინირებული.
7. სსფ–მ თალიბებს ფონდის რესურსებზე წვდომა გადაუკეტა, გაეროს მისია ევაკუირებულია
საერთაშორისო სავალუტო ფონდმა (სსფ) განაცხადა, რომ ავღანეთს უწყვეტს მის რესურსებზე წვდომას, რასაც ქვეყნის მთავრობის აღიარების საკითხის „გაურკვევლობით“ განმარტავს.
8. თურქეთში ხილ–ბოსტნეულის ახალი შეფუთვა შექმნეს, რომელიც დიდხანს ინახავს პროდუქტს
ცოცხალი ხილისა და ბოსტნეულის შესაფუთი მასალების თურქელმა კომპანიამ Aypek ახალი პლატიკატის პაკეტი შექმნა, რომელიც სინესტეს არეგულირებს, რათა მისი შიგდავსი დიდი ხნის განმავლობაში შენარჩუნდეს ცოცხლად. შესაძლებელია პაკეტის მომართვა კონკრეტული პროდუქტის შესანახად და ტრანსპორტირებისთვის.
9. ბარელი ნავთობის ფასი $66–მდე დავარდა
Brent-ის მარკის ნავთობის ფასი ვარდნაშია და 1 ბარელი $66–ზე ნაკლები ღირს. ასეთ დაბალ ნიშნულზე ამ მარკის ნავთობი ბოლოს 21 მაისს იყო. ანალიტიკოსები ვაფების ვარდნას ინვესტორების მოლოდინებს უკავშირებენ მსოფლიოში კორონავირუსის დელტა–შტამის სწრაფად გავრცელების გამო.
10. ბლოკჩეინების პლატფორმა მძარცველ ჰაკერს სამუშაოს სთავაზობს
ბლოკჩეინ-პლატფორმა PolyNetwork-მა ჰაკერს, რომელმაც მისგან 600 მლნ დოლარზე მეტი ღირებულების კრიპტოვალუტა მიიტაცა, უსაფრთხოების მთავარი მრჩეველის სამუშაო პოზიცია შესთვაზა. ინფორმაციას Bloomberg ავრცელებს.