დღის ტოპ 10 საინტერესეო სიახლე
1. პურის ფასს ვერც ლარის გამყარება უშველის
ლარის გამყარების ბოლოდროინდელ ტენდენციას როგორც ხორბლის, ასვე ფქვილის იმპორტისთვის გავლენა არ მოუხდენია. რა მაჩვენებლემდეც არ უნდა გამყარდეს ლარი, პურის ფასს ვერ შეამცირებს, თუმცა გაძვირებასთან დაკავშირებულ ეჭვს საბოლოოდ გააქარწყლებს. ხორბლის იმპორტიორები პრობლემად იმპორტის მაღალ გადასახადს მიიჩნევენ, პურის მწარმოებლები - გაზრდილ ხარჯს და ორივე მხარეს საკუთარი არგუმენტი აქვს.
2. IDS Borjomi-მა 2020 წელი $64 მილიონიანი ზარალით დაასრულა
ქვეყნის ერთ-ერთმა უმსხვილესმა ინვესტორმა კომპანიამ IDS Borjomi-მა პანდემიური 2020 წელი 64 მლნ დოლარის ზარალით დაასრულა. როგორც კომპანიის კონსოლიდირებული ანგარიშგებიდან ირკვევა, მისი შემოსავალი 2020 წელს 2019 წელთან შედარებით 15%-ით შემცირდა.
3. ტურისტულ სექტორს პანდემიამდელ მაჩვენებელთან გათანაბრება 2022 წელსაც გაუჭირდება
იანვარში საქართველოს 199 ათასი საერთაშორისო მოგზაური სტუმრობდა, მათგან 164 ათასი ტურისტად კლასიფიცირდა. თუ მონაცემებს გასული წლის ანალოგიური პერიოდის მაჩვენებლებს შევადარებთ, 425-470 პროცენტიან ზრდას მივიღებთ, 2019 წლის იანვართან შედარებით 47-62 პროცენტიანი კლება ფიქსირდება. მიუხედავად იმისა, რომ შეზღუდვების დიდი ნაწილი მოხსნილია, ტურიზმი პანდემიამდელ პერიოდთან შედარებით 50%-ით ჯერ კიდევ ვერ აღდგა.
4. 2.9430 - ლარი პანდემიამდელ ნიშნულს უბრუნდება
ლარმა ახალი კვირაც გამყარებით დაიწყო. Bloomberg-ის პლატფორმაზე 7 თებერვალს, თბილისის დროით 12:00 სთ-ისთვის 1 აშშ დოლარის ღირებულება 2.9430-ს გაუთანაბრდა, რაც 2020 წლის 13 მარტის შემდეგ აღარ დაფიქსირებულა. კურსი 23 თვის წინანდელ მაჩვენებელს იმ პერიოდის ნიშნულს დაუბრუნდა, როდესაც პანდემია 2 დღის გამოცხადებული იყო.
5. ლონდონის საფონდო ბირჟაზე 1 კვირაში საქართველოს ბანკის აქციების ფასი დაეცა, ხოლო თიბისი ბანკის გაიზარდა
ლონდონის საფონდო ბირჟაზე სამი ქართული კომპანიის კაპიტალიზაცია 1.836 მლრდ გირვანქა სტერლინგია — გასულ კვირასთან შედარებით 30 მლნ-ით მეტი. Galt and Taggart-ის მიმოხილვის მიხედვით, გასულ კვირასთან შედარებით, შემცირებულია მხოლოდ საქართველოს ბანკის ჯგუფის აქციების ფასი.
6. ყვავილების ბიზნესისთვის 2022 წელიც პრობლემური იქნება
covid-19-ის გავრცელებამ საქართველოში ყვავილების ბიზნესს პრობლემა ყველაზე მეტად შეუქმნა. როგორც ყვავილების მაღაზიების წარმომადგენლები ,,კომერსანტთან“ ამბობენ, პანდემიამდე პერიოდთან შედარებით, ფასები გაორმაგებულია, რამაც რეალიზაცია მკვეთრად შეამცირა. საფასო ცვლილება ბაზარზე ლოგისტიკის გაძვირებას უკავშირდება. ქართველი მეწარმეების ერთი ნაწილი იმასაც ამბობს, რომ 2022 წელს ყვავილების ბიზნესი ტრენდული ვერ იქნება.
7. რატომ მყარდება ლარი და როდემდე შენარჩუნდება არსებული დინამიკა - ექსპერტების პროგნოზები
ერთ თვეზე მეტია, ლარი დოლართან მიმართებით გამყარების ტენდენციას ინარჩუნებს. საქართველოს ეროვნული ბანკის მიერ 7 თებერვლისთვის განსაზრვული კურსით, 1 აშშ დოლარი 2.9867 ლარი ღირს. Bloomberg-ის სავაჭრო სისტემაში დოლარი ამ დროისთვის 2.9300 ლარი ღირს, რაც 2020 წლის ზაფხულის შემდეგ ლარის ყველაზე მყარი კურსია .
8. ელიავას ბაზრობის მიმდებარედ ხანძარი ლიკვიდირებულია - დამწვარია 1000 -1500 კვადარტული მეტრის ფართობი
ელიავას ბაზრობაზე ხანძარი ლიკვიდირებულია. როგორც საგანგებო სიტუაციების მართვის სამსახურის თბილისის მთავარი სამმართველოს უფროსმა ოთარ კერესელიძემ ჟურნალისტებს განუცხადა, ხანძრი სასაწყობე ფართში გაჩნდა და შედეგად, დაახლოებით 1000-1500 კვადრატული მეტრის ფართი დაიწვა.
9. ლარის გამყარების მიუხედავად, პროდუქცია არ გაიაფდება - საქართველოს დისტრიბუტორთა ასოციაცია
“უახლოესი პერიოდი პროდუქტებზე ფასის კლებას არ უნდა ველოდოთ. უახლოესი სამი თვის განმავლობაში არაფერი არ იქნება“- ასე ეხმაურება დისტრიბუტორთა ასოციაციის თავმჯდომარე ივა ჭყონია ,,ბიზნესპრესნიუსთან ლარის ბოლოდროინდელ გამყარებას
10. გიორგი ცუცქირიძე: რუსეთის მისწრაფებამ გავლენის სფეროს აღდგენასთან დაკავშირებით სრული კრახი განიცადა
ეკონომიკის ექსპერტი გიორგი ცუცქირიძე რუსეთ-უკრაინის დაძაბულ ურთიერთობასა და რუსეთის მიერ წამოყენებული მოთხოვნების შესახებ სოციალურ ქსელში ვრცელ პოსტს აქვეყნებს და აღნიშნავს, რომ რუსეთის მისწრაფება გამხდარიყო მესამე ცენტრი, აშშ-ისა და ჩინეთის შემდეგ სრული კრახით დასრულდა. ცუცქირიძის მტკიცებით უკრაინაში ინტერვენციის საფრთხემ გადაიარა.