დღის TOP 10 საინტერესო ამბავი:

1. არის თუ არა კოვიდსასტუმროები ვირუსით ინფიცირების ერთ-ერთი წყარო

საქართველოს მთავრობის არც ერთ წევრს განცხადება არ გაუკეთებია იმ საფრთხეებზე, რომელიც „განსაკუთრებული მოთხოვნების“ არ მქონე კოვიდ სასტუმროებშია. ინფექციურ დაავადებაზე საუბრისას ერთ-ერთი მნიშვენლოვანი საკითხი სამედიცინო ნარჩენებია.

2. ბანკებზე მორგებული რეგულაციები, ლობიზმი და უკონკურენტობა - რატომ უჭირავს ფინანსური ბაზრის 94,52% საბანკო სექტორს

საბანკო პროდუქტების ექსპერტი დავით კიკვიძე „კომერსანტთან“ საუბრისას აღნიშნავს, რომ კომერციული ბანკები საფინანსო სექტორის მონოპოლისტები არიან, რადგან არსებული რეგულაციებიც მათზეა მორგებული და ლობისტებიც ჰყავთ.

3. 2016-2020 წლებში ჩატარებული ტენდერების 33% გამარტივებული წესით ჩატარდა - პირველ ადგილზე ჩინური საინჟინრო კორპორაციაა

2016 წლიდან 2020 წლის ნოემბრამდე სახელმწიფომ სულ 13.695 მლრდ ლარის ტენდერი გამოაცხადა, რომლის 33%-იც გამარტივებული წესით ჩატარდა. ინფორმაციას „საერთაშორისო გამჭვირვალობა საქართველოს“ კვლევაზე დაყრდნობით ანალიტიკური პორტალი bihub.ge ავრცელებს.

4. რუსეთიდან ხორბლის ექსპორტი რთულდება - ექმნებათ თუ არა პრობლემა ქართულ კომპანიებს

რუსეთში ხორბლის ექსპორტიორებს პრობლემები ექმნებათ. როგორც რუსული „კომერსანტი“ საკუთარ წყაროებზე დაყრდნობით წერს, საბაჟო სამსახურმა ტვირთების შემოწმების ვადა 10-დღემდე გაზარდა.

5. Fitch-მა სილქნეტს რეიტინგი შეუმცირა

სარეიტინგო სააგენტო Fitch Ratings-მა სილქნეტის გრძელვადიანი რეიტინგი (IDR) ‘B+’ - დან ‘B’-მდე შეუმცირა, სტაბილური პროგნოზით.

6. გიორგი გახარიამ პარლამენტს მინისტრთა კაბინეტის შემადგენლობა და სამთავრობო პროგრამა წარუდგინა

საქართველოს პრემიერ-მინისტრობის კანდიდატმა გიორგი გახარიამ, საქართველოს კონსტიტუციისა და პარლამენტის რეგლამენტის შესაბამისად, მე-10 მოწვევის პარლამენტს მინისტრთა კაბინეტის შემადგენლობა და სამთავრობო პროგრამა - „ევროპული სახელმწიფოს მშენებლობისთვის“ წარუდგინა. ინფორმაციას მთავრობის ადმინისტრაციის პრესსამსახური ავრცელებს.

7. „ბაიას ღვინო“ წარმოებას აფართოებს და ახალი სახეობების ღვინოების დამატებას გეგმავს

„ბაიას ღვინის“ დამფუძნებელი ბაია აბულაძე „კომერსანტთან“ განმარტავს, რომ „ბაიას ღვინო“ წარმოებას აფართოებს და მალე ახალი იმერული ჯიშებით, ახალი სახეობების ღვინის წარმოება დაიწყება.

8. საკმაოდ ვრცელია ზომების ჩამონათვალი, რომელიც შეიძლება იყოს მიღებული, თუ გადაწყდა, რომ 24 დეკემბერს მაღაზიები იხსნება

საკმაოდ ვრცელი ჩამონათვალი გვაქვს, თუ რა ზომები შეიძლება იყოს მიღებული იმ შემთხვევაში, თუ ეპიდემიოლოგებთან დისკუსიაში გადაწყდა, რომ 24 დეკემბერს მაღაზიები იხსნება, – ამის შესახებ ეკონომიკის მინისტრის მოვალეობის შემსრულებელმა, ნათია თურნავამ სავაჭრო ობიექტების წარმომადგენლებთან შეხვედრის დასრულების შემდეგ განაცხადა.

9. კვლევის მიხედვით, Libre-მ და Fresco-მ  Agrohub-სა და Carfour-ს გადაუსწრო - EastFruit-ის რეიტინგები

საიტმა EastFruit.com მორიგი კვლევა ჩაატარა, რომელიც თბილისის სხვადასხვა სავაჭრო ქსელებში ხილ-ბოსტნეულის განყოფილებების მდგომარეობას შეეხებოდა. მსგავსი კვლევა 2019 წლის ნოემბერშიც ჩატარდა , ამჟამინდელი კვლევის მიზანი იყო შედეგების შედარება და დინამიკაზე დაკვირვება.

10. Financial Times: დოლარის კრახის მოლოდინი აბსურდულია

დღეს მსოფლიოში მოდაშია დოლარის გარდაუვალ კრახთან დაკავშირებული აპოკალიპტური პროგნოზები. ბოლო თვეებში ამერიკული ვალუტის ინდექსი 10%-ით დაეცა და ეკონომისტების დიდი ნაწილი მიიჩნევს, რომ ეს ტენდენცია შენარჩუნდება. მეტიც, ზოგიერთი ეკონომისტი 2021 წელს დოლარის კურსის 20%-იან ვარდნას წინასწარმეტყველებს.