დღეს თბილისის სააპელაციო სასამართლო უპრეცედენტო ბიზნეს დავას განიხილავს. საქმე ეხება მსოფლიოში ცნობილი არყის, „სტოლიჩნაიას“ სავაჭრო ნიშნებს საქართველოში. როგორც „კომერსანტმა“ გაარკვია რუსულმა სახელმწიფო კომპანია „FKP Sojuzplodoimport“-მა შვეიცარიული „ZHS IP Worldwide Sarl“-ის წინააღმდეგ ქართულ სასამართლოში სარჩელი შეიტანა და „სტოლიჩნაიას“ სავაჭრო ნიშნის რეგისტრაციის გაუქმება მოითხოვა.
2. ვალერი ჩეხერია აჭარა ჯგუფს ტოვებს
„კომერსანტისთვის“ ცნობილი გახდა, რომ ქვეყნის ერთერთი ყველაზე ცნობადი და წარმატებული Top მენეჯერი „აჭარა ჯგუფის“ მმართველობაში აღარ არის. ვალერი ჩეხერია, რომელმაც აჭარა ჯგუფის გუნდთან ერთად სტუმარმასპინძლობის სექტორი შექმნა, გვიყვება, რომ ამიერიდან ის სტუმარმასპინძლობის მიმართულებით ახალ საკონსულტაციო ჯგუფს ჩაუდგება სათავეში.
3. გიორგი გახარია - არ იქნება არანაირი სრული „ლოქდაუნი“
„არაფერი იცვლება. ჩვენ, როგორც განვაცხადეთ, მივყვებით გეგმას. ამ გეგმაში არაფერი არ შეიცვლება. არ იქნება არანაირი სრული „ლოქდაუნი, არ იქნება არანაირი შეზღუდვა გადაადგილებაზე, ავტომობილებით, თუ ფეხით, - ამის შესახებ საქართველოს პრემიერ-მინისტრმა გიორგი გახარიამ, უწყებათაშორისი საკოორდინაციო საბჭოს დასრულების შემდეგ, მთავრობის ადმინისტრაციაში გამართულ ბრიფინგზე, ჟურნალისტის კითხვის საპასუხოდ განაცხადა.
არის თუ არა ქვეყანაში სამართლიანი და თავისუფალი კონკურენტული გარემო, გამოვლინდა თუ არა დომინანტი ბიზნეს სუბიექტს მიერ მდგომარეობის ბოროტად გამოყენების ფაქტები და ჰქონდა თუ არა ადგილი არაკეთილსინდისიერ კონკურენციის ფაქტებს. როგორ იმუშავა 2020 წელს საქართველოს კონკურენციის სააგენტომ, რომლის ძირითადი ამოცანა ქვეყანაში კონკურენციის პოლიტიკის განხორციელებაა. საკითხზე „კომერსანტთან“ საქართველოს კონკურენციის ეროვნული სააგენტოს თავმჯდომარე, ირაკლი ლექვინაძე საუბრობს.
5. მოსახლეობისთვის ელექტროენერგიის ტარიფი 3,5 თეთრით გაძვირდა
სემეკ-ის გადაწყვეტილებით, საყოფაცხოვრებო ტარიფი, (დღგ-ს ჩათვლით) 3.5 თეთრით იზრდება. თბილისის მოსახლეობისა და კომერციული სექტორისთვის ელექტროენერგიის გაძვირებული ტარიფი პირველი იანვრიდან ამოქმედდება და ელექტროენერგიის განაწილების ტარიფი ძალაში 2025 წლის ბოლომდე იქნება.
სიღარიბე, როგორც გადაულახავი და პროგრესირებადი პრობლება საქართველოში, სამწუხარო რეალობას ქმნის მაშინ, როდესაც მმართველი გუნდის ხელისფლებაში მოსვლისას მრავალჯერ გაჟღერებული სლოგანი - „კეთილდღეობა და სწრაფი განვითარება“ ყველას ახსოვს. რატომ რჩება უსახლკარობის და უკიდურესი გაჭირვების პრობლემა საზოგადოებაში და ვის მიაჩნია, რომ ეს სურათი მხოლოდ პანდემიითაა გამოწვეული? კიდევ რამდენი დროა საჭირო ძირეული ნაბიჯების გადასადგმელად, ამ კითხვებით „კომერსანტი“ პარლამენტის რამდენიმე ყოფილ დეპუტატს დაუკავშირდა.
„პანდემიიდან გამომდინარე იყო სირთულეები, მაგრამ მთლიანობაში დადებითი წელი იყო, რაც სხვა კომპანიებმა განიცადეს, იგივეს ჩვენს კომპანიაზე ვერ ვიტყვი“, - ამის შესახებ „კომერსანტს“ცნობილმა ქართველმა სამრეწველო დიზაინერმა ზვიად ციკოლიამ განუცხადა. მედია ჰოლდინგთან „Tsikolia Watches“-ის დამფუძნებელმა 2020 წელი შეაჯამა და თქვა, რომ რთული ეპიდემიოლოგიური მდგომარეობის მიუხედავად კომპანიის გაყიდვები გაიზარდა.
8. ივანე მაჭავარიანი: ყველაფერი გავუკეთეთ ანაკლიის პორტს, არ უშველა
გარანტირებული შესყიდვები კარგ დროშიც კი არ შეიძლება და ამ დროში დაუშვებელია, - ფინანსთა მინისტრმა იმ ფარულ ვალდებულებებზე ისაუბრა, რაც ქვეყანას ვალს უზრდის.
9. Forbes: რატომ გაიზარდა ბიტკოინის ღირებულება ოთხჯერ და როდემდე გაგრძელდება პროცესი?
ბიტკოინის ფასმა უკვე 28 000 დოლარს გადააჭარბა, რაც იმას ნიშნავს, რომ წლის დასაწყისიდან მთავარი კრიპტოვალუტა 4-ჯერ გაძვირდა. თანაც ზრდის დიდი ნაწილი დეკემბერის თვეზე მოდის.
10. 20 საუკეთესო საშობაო ტურისტული მიმართულება 2021-ში - Forbes-ის სიაში თბილისიცაა
დაივიწყეთ 2020, ახლა პანდემიაა, ნაძვის ხეების სურნელთან ერთად, ჰაერში კორონავირუსი ტრიალებს,- წერს გამოცემა და გვთავაზობს უკვე დავიწყოთ ფიქრი 2021 წლის კათოლიკური შობის პერიოდზე და მომავალ საშობაო არდადეგებზე. იმისთვის რომ მოგზაურებს საშუალება მისცემოდათ უკვე მომავალი წელი დაეგეგმათ და ცოტათი იმედიანად ყოფილიყვნენ 2021-ისადმი განწყობილი, ევროპის საუკეთესო მიმართულებების ორგანიზაციამ (EBD) მთელი მსოფლიოს მასშტაბით ჩაატარა გამოკითხვა და 100 000-ზე მეტ მოგზაურს 121 ქვეყნიდან სთხოვა ეპასუხათ კითხვაზე: სად ისურვებდით ევროპაში 2021 წელს კათოლიკური შობის გატარებას?