დღის Top 10 საინტერესო ამბავი:
საქართველოს სადაზღვევო ჯგუფი (IGG) ერთ-ერთი მსხვილი ჰოსპიტალური ქსელის წინააღმდეგ საჩივარს ამზადებს. როგორც „კომერსანტისთვის“ გახდა ცნობილი, საუბარია კონკრეტული ფაქტის შესახებ „ჯეო ჰოსპიტალსის“ წინააღმდეგ, რომელიც შესაძლოა მოდიოდეს წინააღმდეგობაში კონკურენციის შესახებ კანონთან, რაც გულისხმობს კონკრეტულ რეგიონში დომინანტური მდგომარეობის ბოროტად გამოყენებას, შეთანხმებულ ქმედებას ან არაკეთილსინდისიერი კონკურენციის ფაქტს.
2.ზაზა მამულაშვილი Frontera Resources-ის დირექტორის თანამდებობიდან და ბორდის წევრობიდან მოხსნეს
2020 წლის აგვისტოდან ზაზა მამულაშვილი Frontera Resources Georgia-ს დირექტორისა და დირექტორთა საბჭოს პოზიციაზე აღარ იმყოფება. ამასთან დაკავშირებით კი, რამდენიმე სასამართლო პროცესიც გაიმართა და ჯერ კიდევ მიმდინარეობს. ინფორმაციას, კომპანიის აქციონერები ავრცელებენ.
3.მესტიაში 3 ახალი სასტუმრო იხსნება
მესტიაში 10 მილიონი ლარის ინვესტიციით სამი ახალი სასტუმრო იხსნება. სასტუმრო „გისტოლა“ - პრემიუმ კლასის 4 ვარსკვლავიანი სასტუმრო იქნება, მეორე ესაა „ლაჰილი“ - ბუტიკური, ლოფტის სტილის სასტუმრო 25 ნომრით და მესამე სასტუმრო მესტიის ცენტრში ცენტრში - „მესტია ინნ“-ი.
4.10 ბიზნეს ასოციაცია პრემიერ-მინისტრს 7 მოთხოვნით მიმართავს
საქართველოში მოქმედი 10 ბიზნესგაერთიანება პრემიერს 7 მოთხოვნით მიმართავს. გარდა ამისა, კერძო სექტორის წარმომადგენლები მთავრობას ვაქცინაციის პროცესში გააქტიურებას სთავაზობენ და აცხადებენ, რომ თანამშრომლობისთვის მზად არიან.
„კოკა-კოლა ბოთლერს ჯორჯიას“ დამფუძნებელი თვლის,რომ ბიზნესომბუდსმენის კანდიდატი ასოციაციებიდან უნდა შეირჩეს და ბიზნეს გაერთიანებებმა თავიანთი კანდიდატი დროულად უნდა წარადგინონ.
6.ბიზნესი პასუხის მოლოდინში - ბიზნეს ასოციაციებმა პრემიერს ბიზნესომბუდსმენის კანდიდატურა შესთავაზეს
საქართველოში მოქმედი 10 ბიზნესგაერთიანება პრემიერს 7 მოთხოვნით მიმართავს. გარდა ამისა, კერძო სექტორის წარმომადგენლები მთავრობას ვაქცინაციის პროცესში გააქტიურებას სთავაზობენ და აცხადებენ, რომ თანამშრომლობისთვის მზად არიან. კერძო სექტორმა 7 პუნქტიანია მიმართვა დღეს „თბილისის ცენტრალში“ გამართულ პრეს-კონფერენციაზე გააჟღერა.
7.„ქვევრის ინდუსტრიული წარმოება არ გვაქვს და ეს პრობლემაა“ - სომელიეთა ასოციაცია
„ქვევრის ინდუსტრიული წარმოება არ გვაქვს და ეს პრობლემაა,“ - ამის შესახებ სომელიეთა ასოციაციის პრეზიდენტმა გადაცემა ბიზნესპარტნიორის ოთხეულში განაცხადა. მისივე თქმით, ქვეყანაში ჭირს ნორმალური ქვევრის გაკეთება, რომელმაც შეიძლება დიდი ხანი გაძლოს.
8.ბაგები-საბურთალოს დამაკავშირებელი ხიდის მშენებლობაზე ტენდერი გამოცხადდა
გამოვაცხადეთ ტენდერი ახალი ხიდის მშენებლობასთან დაკავშირებით, რომელიც ბაგებს საბურთალოსთან დააკავშირებს. ძალიან მალე გვეყოლება გამარჯვებული კომპანია და დავიწყებთ სამუშაოების განხორციელებას,- ამის შესახებ თბილისის მერმა კახა კალაძემ, დედაქალაქის მთავრობის სხდომაზე ინფრასტრუქტურულ პროექტებზე საუბრისას განაცხადა.
9.РЖД-Партнер: ოკუპირებული აფხაზეთის რკინიგზა არ გაიხსნება
იანვრის დასაწყისში რუსეთის, აზერბაიჯანი და სომხეთის პრეზიდენტების შეხვედრის დროს ქვეყნებს შორის სარკინიგზო მიმოსვლის აღდგენის თაობაზე განცხადება გაკეთდა. რამდენიმე დღის წინ კი ოკუპირებული აფხაზეთის ე.წ. პარლამენტმა რუსეთის სახელმწიფო სათათბიროს საკუთარ ტერიტორიაზე არსებული რკინიგზის გახსნის სურვილის თაობაზე მიმართვა გაუგზავნა.
10.„ადრინდელი 100 ლარი ახლანდელ 142.7 ლარს უდრის“ - თემურ ბასილია ინფლაციაზე
ერთი შეხედვით, თითქოსდა ინფლაცია საქართველოში არ წარმოადგენს სერიოზულ პრობლემას; კერძოდ, მიმდინარე წლის იანვრის მონაცემებით, წლიურმა ინფლაციამ 2.8% შეადგინა, მაშინ როდესაც ინფლაციის მიზნობრივი მაჩვენებელი 3%-ია. ამ მონაცემმა შეცდომაში არ უნდა შეგვიყვანოს, რადგან, თუ კარგად ჩავხედავთ ინფლაციის მდგენელებს, დავინახავთ, რომ ამ წლის ინფლაცია შესაძლოა სულაც არ ასახავდეს რეალური ინფლაციის მდგომარეობას, - ასე შეაფასა საქართველოს ყოფილი პრეზიდენტის, ედუარდ შევარდნაძის ეკონომიკურმა მრჩეველმა თემურ ბასილიამ საქართველოში არსებული ინფლაციის ხარისხი.