დღის TOP 10 საინტერესო ამბავი:
1. საქსტატის მონაცემებით აპრილში ექსპორტი 70%-ით გაიზარდა
„საქსტატის“ წინასწარი მონაცემებით, აპრილში საქართველოდან უცხოეთის ბაზრებზე 378.3 მლნ დოლარის პროდუქცია გავიდა, წლიურ ჭრილში ზრდა 70% ანუ 156 მლნ დოლარია. რაც გასაკვირი არ არის, რადგანაც 2020 წლის ამავე პერიოდში ქვეყანა „ლოქდაუნის“ რეჟიმში იყო.
2. ვაქცინაციის დაბალი ტემპის შედეგი - დღიურად 8 გარდაცვლილი 1 მლნ-დან, საქართველო კოვიდით სიკვდილიანობით მეხუთე ადგილზეა
საქართველოში ვაქცინის 1 დოზით აცრილთა რაოდენობა ზრდასრული მოსახლეობის 2%-ზე ოდნავ მეტია, ორჯერადად აცრილთა რაოდენობა კი 0.5%-ზე ნაკლები. მძლავრ ანტივაქსერულ განწყობებს თავად ვაქცინის დეფიციტიც ემატება.
3. ქვეყანას არ ესმის რას ნიშნავს საგამომცემლო ბიზნესი, დახმარება გვჭირდება - წიგნის სფერო მილიონიან ზარალზე საუბრობს
„საფრანგეთმა ბიუჯეტიდან 3 მილიარდი ევრო გამოჰყო ავტორებისა და გამომცემლობების დასახმარებლად, ამ ქვეყანას ესმის რას ნიშნავს საგამომცემლო ბიზნესი. ჩვენ რაც გვაქვს, ისიც არ წაგვართვან,“ - გამომცემლობა „ინტელექტის“ დამფუძნებელი კახა კუდავა „კომერსანტთან“ საგამომცემლო ბიზნესის კრიზისულ პერიოდზე საუბრობს და აღნიშნავს, რომ ამჟამად ბიზნესის შემოსავალი პანდემიამდე არსებული პერიოდის მაქსიმუმ 5 პროცენტი შეიძლება იყოს.
4. „თუ მოსახლეობას შემოსავალი არ ექნება გაძვირებული ბინები მალევე ფასის პირვანდელ ნიშნულს დაუბრუნდება“
კომერსანტი უძრავი ქონების სააგენტოს kibe.ge- ს დირექტორს ნელი გოგუაძეს უძრავი ქონების გაყიდვებსა და მოთხოვნაზე ესაუბრა, რომელმაც აღნიშნა, რომ გასაყიდი ბინების რაოდენობა ბაზარზე ჭარბადაა, თუმცა მოთხოვნა ამ ეტაპზე ფასებისა და დაბალშემოსავლიანობის გამო, შემცირებულია.
5. საათობრივი შეზღუდვა შემოსავლის შემცირებასთან ერთად ეპიდემიოლოგიურ რისკებს ზრდის - რითეილ გრუპ ჯორჯია
„საბედნიეროდ, ჩვენი საქმიანობა ნებადართულია. უბრალოდ, ეს შეზღუდვები დიდხანს გაგრძელდა და ძალიან რთულია მუშაობა“,- ამის შესახებ „რითეილ გრუპ ჯორჯიას“ დირექტორმა რეზო მაღალაშვილმა განაცხადა.
6. საქართველოში ავოკადოს პირველი ბაღი გაშენდა
ქართულმა კომპანია “Geonuts Company”-მ ლანჩხუთის მუნიციპალიტეტში 6 ჰექტარზე საქართველოში პირველი ავოკადოს ბაღი გააშენა.
7. პანდემიის დროს 9 მუნიციპალიტეტში ქუჩების მორეცხვაზე 76 378 ლარი დაიხარჯა - IDFI
2020 წლის განმავლობაში კორონავირუსის გავრცელების პრევენციის მიზნით, ქუჩების სადეზინფექციო ხსნარით მორეცხვის ღონისძიებებში 9 მუნიციპალიტეტში 76 378 ლარი დაიხარჯა, - ინფორმაციას IDFI ავრცელებს.
8. საქართველოში უპილოტო საფრენი აპარატების საწარმოს შექმნაზე სამხრეთ აფრიკულ და პოლონურ კომპანიებთან მოლაპარაკებები მიმდინარეობს
საქართველოს თავდაცვის მინისტრმა ჯუანშერ ბურჭულაძემ პარლამენტში უპილოტო საფრენი აპარატების ადგილობრივი წარმოების შესაძლებლობების შექმნასა და განვითარებაზე ისაუბრა. მინისტრის თქმით, პროექტის ფარგლბში მიმდინარეობს მოლაპარაკებები ნატოს ქვეყნებთან ტექნიკური დეტალების დაზუსტების მიზნით
9. გაძვირდება მგზავრობა, დისტრიბუცია, სოფლის მეურნეობის პროდუქტი
საქართველოში საწვავის ღირებულებამ ისტორიულ მაქსიმუმს მიაღწია. ამის გამო შესაძლოა, უამრავი პრობლემა წარმოიქმნას და ნავთობპროდუქტზე რეკორდულ ფასს მომსახურებისა და პროდუქციის გაძვირებაც მოჰყვეს.
10. Goldman Sachs: კიბერშეტევებისგან დაცვის კომპანიების აქციები ძვირდება
7 მაისს ამერიკის ერთ-ერთი უმსხვილესი მილსადენის Colonial Pipeline -ის მმართველი კომპანია მძლავრი კიბერშეტევის მსხვერპლი გახდა, რის გამოც მისი მუშაობა დღესაც ბლოკირებულია.