დღის TOP 10 საინტერესო ამბავი:

1. კოვიდრეგულაციების დარღვევებზე დაკისრებული ჯარიმები გაუქმდა

პრემიერ ირაკლი ღარიბაშვილის გადაწტვეტილებით, 245 000 ფიზიკურ და 344 პირს კოვიდჯარიმები ჯამში 76 მლნ ლარი ჩამოეწერება.

2. „ქართული ოცნების“ მხრიდან მეტ პოპულიზმს ვნახავთ“ - ზურაბ ჭიაბერაშვილი კოვიდჯარიმების ამნისტიაზე

„ქართული ოცნების“ მხრიდან მეტ პოპულიზმს ვნახავთ, ამაში გასაკვირი არაფერია, ხელისუფლება ახლა საზოგადოების მოთაფვლას ცდილობს“, - ასე აფასებს „ევროპული საქართველოს“ წევრი ზურაბ ჭიაბერაშვილი საქართველოს მთავრობის გადაწყვეტილებას კოვიდრეგულაციების დარღვევებზე დაკისრებული ჯარიმების გაუქმების შესახებ.

3. არსის გენდირექტორი მშენებლობის რეგულაციების გამკაცრებას ბიუროკრატიის შემცირების პირობით ეთანხმება

თბილისში ექსპლუატაციაში მიუღებელი დაახლოებით 12 600 ობიექტია. აქედან 6 000-ს საცხოვრებელი ფუნქცია აქვს, 6 000-ს – კომერციული.

4. TAV GEORGIA-ს ადგილობრივი მენეჯერი პირველად ეყოლება

თბილისისა და ბათუმის საერთაშორისო აეროპორტების ოპერატორ კომპანია TAV Georgia-ს თეა ზაქარაძე უხელმძღვანელებს.

5. ორი წელია ავსტრიაში ქართული ღვინო არ წაგვიღია - ვენაში მცხოვრები ქართველი გასტრონომი

ქართული ღვინის ავსტრიულ, ფრანგულ და იტალიურ ღვინოსთან „შეჯიბრი“ შრომატევადი პროცესია, ამას ემატება ავსტრიაში მიმდინარე აქტიური კამპანია ადგილობრივი პროდუქტის პოპულარიზაციისთვის.

6. იმპორტირებულ ფისტას ადგილობრივი მოსავალი სამ წელიწადში ჩაანაცვლებს

საქართველოში განსაკუთრებულად დიდი ყურადღება ექცევა ამ კულტურის მოყვანას და ბოლო ინფორმაციით, გაშენებული ფისტას ბაღების ფართობი 200 ჰექტარს აჭარბებს. უახლოეს მომავალში კი, ფისტას ასოციაციის დირექტორის ოთარ ანგურიძის ვარაუდით, იმპორტირებულ ფისტას დიდწილად ქართული ჩაანაცვლებს.

7. ლიბერთი ბანკი სპეციალურ განცხადებას ავრცელებს

საპენსიო სერვისების გაუმჯობესებაზე დისკუსია, წინასაარჩევნო პოლიტიკური ველიდან საქმიან და შედეგზე ორიენტირებულ ფორმატში უნდა გადავიდეს. ამ მგრძნობიარე თემით მანიპულირება და ბანკის დისკრედიტაციაზე მიმართული ინფორმაციის გავრცელება სრულიად მიუღებელია ჩვენთვის და დამაზიანებელია პროცესისთვის.

8. მეჩაიეები სოფლის მეურნეობის სამინისტროსგან იგივე ყურადღებას ითხოვენ, როგორიც მევენახეობას ექცევა

„ქართულ ჩაის ხელისუფლების მხრიდან უფრო მეტი მხარდაჭერა სჭირდება“, - ამის შესახებ კომერსანტს ქართული ჩაის მწარმოებელი კომპანიის „ლაზის დამფუძნებელმა გონერი სალიამ განუცხადა.

9. ქუთაისის აეროპორტთან კოპიტნარის რკინიგზის სადგური შემოდგომაზე გაიხსნება

ქუთაისის საერთაშორისო აეროპორტი რკინიგზას 2018 წლის გაზაფხულზე უნდა დაკავშირებოდა, 3 წლის თავზე პროექტი დასრულებული არ არის. უკეთეს შემთხვევაში, შეცვლილი არქიტექტურითა და შემცირებული საერთო ფართით ახალი რკინიგზის სადგური ექსპლუატაციაში შემოდგომიდან შევა.

10. ჟოლოს  ქართული სერტიფიცირებული ნერგები უვარგისია

2021-2022 წლებში კოოპერატივი „აგრომომავალი“, რომელიც ზესტაფონის რაიონში 25 ჰექტარზე გაშენებულ ჟოლოს პლანტაციას ფლობს, ახალი ნერგების დარგვას ეტაპობრივად გეგმავს.