დღის TOP 10 საინტერესო ამბავი:

1. ევროკავშირისგან საქართველო 3,9 მლრდ ევროს დახმარებას მიიღებს

ევროკავშირი საქართველოს დახმარების სახით 3 ,9 მლრდ ევროს გამოყოფს. აღნიშნულ თანხას ქვეყანა ევროკავშირის აღმოსავლეთ პარტნიორობის პროგრამის ფარგლებში მიიღებს.

2. საბაჟოებზე ტვირთი 1 დღის ნაცვლად 1 საათში გატარდება – ახალი შეთანხმება თურქეთთან

საქართველოსა და თურქეთის ერთობლივი საბაჟო კომიტეტის მე-3 შეხვედრაზე, რომელიც ბათუმში დღეს, 7 ივლისს გაიმართა, რომელზეც ხელი მოეწერა „გამარტივებული საბაჟო დერეფნის შესახებ შეთანხმებას“.

3. „კრედო ბანკი“ „ფინკა ბანკი საქართველოს“ აქციების 100% წილის მფლობელი გახდა

„კრედო ბანკმა“ FINCA Microfinance Cooperatief U.A.-თან აქციათა ნასყიდობის ხელშეკრულებას მოაწერა ხელი, რითაც იგი „ფინკა ბანკი საქართველოს“ აქციების 100% წილის მფლობელი გახდა. ამის შესახებ „ერკდოს“ მიერ გავრცელებულ ინფორმაციაშია ნათქვამი

4. ფარმაცევტული კომპანიები ჯანდაცვის მინისტრის მკაცრი განცხადების შეფასებისგან თავს იკავებენ

მედიკამენტებზე მაღალი ფასის წინააღმდეგ აქტიური ბრძოლის დაწყებასთან დაკავშირებით საქართველოს ჯანდაცვის მინისტრის ეკატერინე ტიკარაძის მიერ სამინისტროს 10–წლიანი გეგმის პრეზენტაციაზე გაკეთებული განცხადების კომენტარისგან ფარმაცევტული კომპანიები ამ ეტაპზე თავს იკავებენ.

5. „ჩირინა“ ქათმის ხორცის გადამამუშავებელ ქარხანის მშენებლობას 2022 წელს დაასრულებს

კომპანია „ჩირინა“, რომელიც წარმოებულ პროდუქციას ბაზარზე „ბიუ-ბიუს“ ბრენდით ყიდის, ქათმის ხორცის გადამამუშავებელი ქარხანის მშენებლობას 2022 წელს დაასრულებს.

6. კუბდარი, ხინკალი, გებჟალია, აჯაფსანდალი – ანტრე ლონდონში ახალი კონცეფციით წარსდგა

ლონდონში ნოთინგ ჰილ გეითის #138 ში ქართული საცხობების ქსელი „ანტრე“–ს 1,3 მლნ გირვანქა სტერლინგის საინვესტიციო ღირებულების რესტორანი ოფიციალურად გაიხსნა.

7. „რიყის პარკში ვინც შემოდის, თავს ყველა საჰაერო ბურთთან იყრის“ – Air balloon tbilisi-ს პანდემიური წელი

„ძველ თბილისს და რიყის პარკს ახალი ელფერი შემატა. ვინც შემოდის, თავს ყველა საჰაერო ბურთთან იყრის“, - ასე აფასებს Air balloon tbilisi პანდემიურ 2020-21 წლებს.

8. ჩვენი დროის კომფორტი - ბიზნესავიაციის დარგის აღმავლობა პანდემიის გავლენით

პლანეტის მასშტაბით გადაადგილების პრინციპების რადიკალური ცვლილების მიუხედავად, კერძო მცირე ავიაციამ მოახერხა გასაოცარი მოქნილობით მორგებოდა ახალ რეალობას და მნიშვნელოვანი ზრდაც კი აჩვენა.

9. Wall Street Journal: ბაიდენის ადმინისტრაცია სანქციებს ნაკლებად გამოიყენებს

ბაიდენის ადმინისტრაცია გადახედავს ამერიკის მხრიდან საერთაშორისო სანქციების გამოყენების პრაქტიკას და მომავალში თანმხლები ეკონომიკური თუ პოლიტიკური დანაკარგებს თავიდან აცილების მიზნით, მოკავშირეებთან შეთანხმებულად იმოქმედებს.

10. აზიელი და აფრიკელი მიგრანტები - ლუკაშნეკოს ახალი იარაღი ევროპის წინაამღდეგ

ბელარუსმა  დიქტატორმა ალექსანდრ ლუკაშენკომ თავისი მუქარის აღსრულება დაიწყო და ევროკავშირს ლტოლვილები მიუსია - განსაკუთრებით მძიმე მდგომარეობაში ლიეტუვა აღმოჩნდა, რომელმაც საგანგებო მდგომარეობა შემოიღო.