დღის TOP 10 საინტერესო ამბავი:
1. ევროკავშირმა შესაძლოა საქართველოს უვიზო მიმოსვლა შეუჩეროს
გახშირებული არალეგალური მიგრაციის გამო ევროკავშირმა საქართველოს შესაძლოა უვიზო მიმოსვლა შეუჩეროს. ამის შესახებ ინფორმაციას ონლაინგამოცემა Euobserver.com ევროკავშირის 27 სექტემბრით დათარიღებულ შიდა დოკუმენტზე დაყრდნობით ავრცელებს.
2. რეგიონში ყველაზე ძვირად საწვავი საქართველოში იყიდება
საქართველო საწვავის სიძვირით რეგიონში პირველია. როგორც ნავთობპროდუქტების იმპორტიორთა კავშირის მონაცემიდან ირკვევა, ყველაზე იაფი საწვავი აზერბაიჯანში, ხოლო ძვირი საქართველოშია.
3. წინასაარჩევნო გამოკითხვების და ეგზიტპოლების ისტორია – ცდომილებები და თანხვედრები ოფიციალურ შედეგებთან
არც წინასწარი გამოკითხვები და არც ეგზიტპოლები ყოველთვის ზუსტ შედეგს არ იძლევა, თუმცა, როგორც წესი, რეალობასთან ეგზიტპოლები უფრო ახლოს დგას ხოლმე.
4. რას გვპირდებოდა და რა შეასრულა - კახა კალაძის 2017 წლის წინასაარჩევნო დაპირებები
„კომერსანტი“ გთავაზობს კახა კალაძის 2017 წლის 19–გვერდიანი საარჩევნო პროგრამის მთავარ დაპირებებიდან რა და როგორ შესრულდა.
5. მედიკამენტების ხარისხის გასაუმჯობესებლად ფარმაცევტულ კომპანიებს ახალი სტანდარტის დაკმაყოფილება მოუწევთ
ჯანდაცვის სამინისტროში ფარმაცევტული დაწესებულებებისა და ასოციაციების წევრებთან შეხვედრის მთავარი თემა ქართულ ფარმაცევტულ ბაზარზე, კარგი საწარმოო პრაქტიკის (GMP) და კარგი სადისტრიბუციო პრაქტიკის (GDP) სტანდარტის დანერგვა იყო.
6. როგორი იქნება საბურთალო–ბაგების დამაკავშირებელი ხიდი
უნივერსიტეტის ქუჩისა და ბაგების დასახლების დამაკავშირებელი ხიდის მშენებლობა იწყება. ინფრასტრუქტურული პროექტი ორი წელი გაგრძელდება და 2023 წლისთვის დასრულდება, მისი ღრებულება 30 მლნ ლარამდეა.
7. აგრარული უნივერსიტეტის ტერიტორიაზე რეპროდუქტოლოგიური კლინიკა აშენდება
აგრარული უნივერსიტეტის ტერიტორიაზე რეპროდუქტოლოგიური კლინიკა აშენდება. 6000 კვ.მ-ზე „სამედიცინო ჯგუფი ახალი სიცოცხლე“ 3–სართულიან შენობას ააგებს.
8. ბიო ჩაი MON TEA 1-ლი ოქტომბრიდან გაიყიდება
,,ჯეო ფლაუერმა“ MON TEA-ს ბრენდით ქართული ბიო ჩაის წარმოება დაიწყო. პროდუქტი 1–ლი ოქტომბრიდან ადგილობრივ ბაზარზე გაიყიდება, ხოლო 2022 წლიდან ევროკავშირის ბაზარზე შევა.
9. მელიქიშვილზე მრავალფუნქციური კომპლექსის პროექტი კიდევ ერთხელ შეიცვალა
მელიქიშვილზე მრავალფუნქციური კომპლექსის პროექტი კიდევ ერთხელ შეიცვალა. პროექტი, რომელიც 2020 წელს შეთანხმდა, მშენებლობის პროცესის დროს გადაკეთდა.
10. „თბილისობა“ წელსაც არ გაიმართება
პანდემიიდან გამომდინარე, „თბილისობის“ ფარგლებში, სადღესასწაულო ღონისძიებები ვერც წელს გაიმართება.
საინტერესო ამბები
