დღის Top 10 საინტერესო ამბავი
1.„ეკატერინე ტიკარაძეს თავი საბჭოთა საქართველოს ჯანდაცვის მინისტრი ჰგონია“ - ლევან კობერიძე
„კომერსანტმა“ რამდენიმე დღის წინ გაარკვია, რომ სასწრაფო სამედიცინო დახმარების ექიმებს პაციენტები მხოლოდ რამდენიმე, ბაზრის მონოპოლურ კლინიკაში გადაჰყავთ. პრობლემის შესახებ იციან საკანონმდებლო ორგანოშიც. „ლელოს“ ვაკის მაჟორიტარი დეპუტატობის კანდიდატი ლევან კობერიძე აცხადებს, რომ ტიკარაძის უწყების არაოფიციალური დავალების შესახებ სხვადასხვა წყაროსგან სმენია.
2. „სესხებზე საშეღავათო პერიოდის დასრულება ლარის გაუფასურებას და ინფლაციის ზრდას გამოიწვევს“
რა შედეგები გამოიღო 6 თვიანმა სესხების გადავადების პროგრამამ და საჭირო იყო თუ არა შეღავათების გაგრძელება, ამ თემაზე სპეციალისტებს განსხვავებული მოსაზრება აქვთ.
3. დიდი ბრიტანეთი ბრექსიტის შემდეგ - რა ელის ქართულ-ბრიტანულ სავაჭრო ურთიერთობებს
„კომერსანტი“ ბრიტანეთში მოღვაწე კიდევ ერთ ქართველ ბიზნესმენს, ბაჩი გაბუნიას ვაჭრობაზე, ბრიტანეთში ქართული პროდუქციისადმი განსაკუთრებულ მოთხოვნებზე და ბრიტანელი ბიზნესმენების განწყობაზე ესაუბრა.
4. პირველად ისტორიაში - ქართულ ჯარს ქართული შეიარაღება ექნება
„კომერსანტისთვის“ ცნობილი გახდა, რომ საქართველოს თავდაცვის სამინისტრომ ქართული ჯარისთვის დიდგორის 40-ამდე ჯავშანმანქანა შეიძინა — დიდგორი“, მათ შორის „დიდგორი მედევაკი“ და მრავალფუნქციური დანიშნულების სხვადასხვა ტიპის ჯავშანმანქანები.
5. იმპორტი ძვირდება,ადგილობრივ პროდუქტზე კი ფასი უნდა შევინარჩუნოთ, რადგან ხალხს ფული არ აქვს
ეროვნული ვალუტის გაუფასურებამ და ქვეყანაში შექმნილმა ფინანსურმა კრიზისმა, იმპორტირებული პროდუქციის ღირებულების ზრდა გამოწვია. პანდემიით მიყენებული ზარალის შემდეგ, ბიზნესის მორიგი გამოწვევა სწორედ ეს აღმოჩნდა. ბიზნესი გამოსავალს პროდუქციის ადგილობრივ წარმოებაში ხედავს.
6. ბიზნესის გარკვეულ სექტორებისთვის სესხები კიდევ ერთხელ გადავადდება
ეკონომიკისა და მდგრადი განვითარების მინისტრმა ნათია თურნავამ საქართველოში მოქმედი წამყვანი ბანკების ხელმძღვანელობასთან ონლაინ შეხვედრა გამართა სადაც მთავრობის ანტიკრიზისული გეგმით გათვალისწინებული საშეღავათო პროგრამების მიმდინარეობის პროცესი განიხილეს და მცირე საოჯახო სასტუმროების საბანკო სესხების შემდგომი რესტრუქტურიზაციის შესახებ იმსჯელეს.
7. MYWAY AIRLINES-ის მფლობელი კომპანიის 100%-იან წილს ყიდის
კომპანია Georgian Huashun International Industrial Investment Group LTD-ი Myway Airlines-ის 100%-იან წილს ყიდის. უკვე ცნობილია მყიდველიც, ის კომპანია Plus Aviation Investment-ია. მხარეებს შორის უკვე გაფორმებულია წილის ნასყიდობის ხელშეკრულება, გარიგების მოცულობა კი 1,95 მლნ დოლარია
8. პანდემიის დროს საქართველოში 7 იახტა იყიდეს - მინიმალური ფასი 130 ათასი დოლარია
იახტების მწარმოებელმა კომპანია Azimut Yachts-მა პანდემიის პერიოდში საქართველოში 7 იახტა გაყიდა. მაშინ, როცა გასულ წელს, საქართველოში მხოლოდ 2 იახტა გაიყიდა. როგორც Azimut Yachts საქართველოს წარმომადგენლობაში განაცხადეს, 2021 წლის გაზაფხულისათვის კიდევ 3 იახტაა შეკვეთილი.
9. ახალგორის კრიზისი - წელიწადზე მეტია, რაც დაბა ჩაკეტილია
7 ოქტომბერს ახალგორში ე.წ. სამხრეთ ოსეთის საზოგადოებრივი პალატის წარმომადგენლები რაიონის მოსახლოებას შეხვდნენ. საუბრის მთავარი თემა იყო ის, რაც მოსახლეობას ყველაზე მეტად აწუხებს - უკვე წელიწადზე მეტია, რაც რაიონი გარე სამყაროსგან სრულიად იზოლირებულია.
10. პანდემიის დროს მილიარდერების ქონება 27,5%-ით გაიზარდა
პანდემიის დროს მილიარდერების ჯამური ქონება 27,5%-ით, 10, ტრლნ.-მდე გაიზარდა. ამის შესახებ Billionaires Insights 2020 ანგარიშშია ნათქვამი, რომელიც შვეიცარიულმა ბანკმა UBS და აუდიტორულმა კომპანია PwC-მა წარადგინეს.