დღის Top 10 საინტერესო ამბავი:
1.TOP 5 ბანკს „ტოქსიკური“ სესხების ოდენობა თითქმის 4-ჯერ გაეზარდათ
კომერციული ბანკების ფინანსური ანგარიშგებების 2020 წლის III კვარტლის მონაცემების მიხედვით, Top 5 კომერციული ბანკის „ტოქსიკური“ სესხების ოდენობა თითქმის 4-ჯერ გაიზარდა. მიმდინარე წლის 9 თვის მონაცემებით, ბანკების ზარალი სესხების შესაძლო დანაკარგების მიხედვით 1.009.367.311 ლარი გახდა, ხოლო 2019 წლის შესაბამის პერიოდში 256.530.591 ლარი იყო.
სადაზღვევო ინდუსტრია COVID-19-ის მართვაში ჩაერთო. ეპიდემიის მართვაში პირველადი მონაცემებით სადაზღვევო კომპანიების ჯამში 50-60 ოჯახის ექიმია ჩართული.
ივანე მაჭავარიანი აცხადებს, რომ ის პოლიტიკური პროცესები, რომლებიც მიმდინარეობს, შეუძლებელია, ლარის კურსზე არ აისახოს. რამ გამოიწვია და გაგრძელდება თუ ლარის კურის გაუფასურებას კომერსანტი ეკონომისტებსა და ფინანსისტებს ესაუბრა.
4.MYWAY AIRLINES-ს ახალი მფლობელი ჰყავს
ქართულ ავიაკომპანია Myway Airlines-ს ახალი მფლობელი ჰყავს. ავიაკომპანიის 100%-იანი წილის მფლობელი Plus Aviation Investment-ია.
5.Fitch: 7 ქართული ბანკის პროგნოზი დღეს ნეგატიურია
სააგენტო საქართველოში 7 ბანკს აფასებს და მათი პროგნოზი დღეს ნეგატიურია. Fitch რეიტინგის გადახედვას მომდევნო წელს გეგმავს.
6.TAV GEORGIA-ს შემოსავლები 74%-ით შეუმცირდა
თბილისისა და ბათუმის აეროპორტების მმართველ „ტავ ჯორჯიას“ შემოსავლებში მკვეთრი კლება აქვს. 2020 წლის 8 თვეში, დაგეგმილთან შედარებით, კომპანიის შემოსავლები შემცირებულია 144 მილიონ ლარამდე [-74%], წინა წლის ანალოგიურ მაჩვენებელთან შედარებით კი 133 მილიონ ლარამდე [-73%].
7.„ტენდერებში მონაწილეობას აზრი აღარ აქვს, სახელმწიფოს შარშანდელი ფასები აქვს დაფიქსირებული“
პროფესიონალური სარეცხი და პერსონალის ჰიგიენის საშუალებების უმსხვილეს მწარმობელ - დისტრიბუტორ კომპანიაში განმარტავენ, რომ სახელმწიფო ტენდერებში, სადაც მათი თქმით, მოგების დაბალი მარჟაა, „კლინტექ“-ი არ მონაწილეობს, რადგან ლარის რეკორდულად გაუფასურების ფონზე სახელმწიფო შესყიდვებში მონაწილეობის მიღება კომპანიისთვის წამგებიანია.
8.შეამცირებს თუ არა „კოკა-კოლა“ საქართველოში წარმოდგენილ ბრენდებს - თემურ ჭყონიას პასუხი
„კოკა-კოლა“ ამცირებს იმ ბრენდებს, რომელიც ადრე შეძენილი ჰქონდა სხვადასხა კომპანიისგან და არ გამოდგა ისეთი პოპულარული. ყოველ შემთხვევაში, ვერ მოიტანა ის შედეგები, რომელსაც ელოდნენ“, - ამის შესახებ „კოკა-კოლა ბოთლერს ჯორჯიას“ დაფუძნებელმა თემურ ჭყონიამ განაცხადა.
საქართველოს ბიზნეს ასოციაციას, როგორც ყველაზე მსხვილ ბიზნეს გაერთიანებას საქართველოში, გვსურს გამოვეხმაუროთ ბოლო დღეებში ლარის შემდგომ გაუფასურებას და შიდა სავალუტო ბაზარზე შექმნილ არასტაბილურ კონიუნქტურას.
10.Forbes: როგორ გადაიტანა საპრეზიდენტო არჩევნები ნიუ-იორკმა
წინა კვირის პარასკევიდან მსოფლიოს მთავარი ქალაქი არეულობის მოლოდინში იყო. თუმცა, არც არჩევნების დღეს და არც არჩევნების შემდეგ არაფერი განსაკუთრებული არ მომხდარა, იყო გამოსვლებიც, შეტაკებები პოლიციასთან, თუმცა, ლოკალური და უმნიშვნელო.