დღის Top 10 საინტერესო ამბავი:

1.„თუ სახელმწიფო კომპანიების რესტრუქტურიზაცია და პრივატიზაცია მოხდება, ნაკლები ნიადაგი იქნება „ჯიგრული“ სქემებისთვის“ - ინტერვიუ გიორგი ქობულიასთან

საქართველოს ეკონომიკისა და მდგრადი განვითარების ყოფილი მინისტრი გიორგი ქობულია „კომერსანტთან“ ინტერვიუში, ქვეყანაში მიმდინარე ეკონომიკურ ვითარებაზე, ენერგეტიკული სექტორის პერსპექტივებზე, სახელმწიფო კომპანიების რესტრუქტურიზაციის აუცილებლობაზე, ანაკლიის პორტის პროექტზე, გაუფასურებულ ლარზე, ინვესტიციებზე, არჩევნებზე და სხვა მნიშვნელოვანი მოვლენების შესახებ საუბრობს.

2.პანდემიის დროს მოსახლეობამ წინა წელთან შედარებით 6 მლრდ. ლარით მეტი სესხი აიღო - როგორ გაიზარდა ბანკების საკრედიტო აქტივობა

2020 წლის III კვარტლის ფინანსური მაჩვენებლების მიხედვით, კომერციული ბანკების საკრედიტო აქტივობა წინა წლის ანალოგიურ პერიოდთან შედარებით 6,133,026,176 ლარით გაიზარდა.

3.გაყიდვები განახევრებულია - დატოვებს თუ არა ბაზარს „The North Face“, „timberland“, „Diesel“ და „Dainese“

ოთხ ბრენდის ექსკლუზიური ფრენჩაიზ პარტნიორი საქართველოში „მეგასპორტია“. კომპანიის დირექტორის მოადგილე ბიჭიკო ყელბერაშვილი აცხადებს, რომ „მეგასპორტს“ რთული ეკონომიკური მდგომარეობა აქვს.

4.კორონავირუსის საწინააღმდეგო ახალი ულტრაიისფერი ნიღბები მალე საქართველოსაც ექნება - თამაზ მჭედლიძე

კურორტ „ბიოლის“ დამფუძნებელი თამაზ მჭედლიძე ახალი ტიპის ულტრაიისფერი ნიღბების წარმოებას უკვე ჩინეთში იწყებს. პირველადი წარმოების ნიღბები , რომლის შესახებაც ცოტა ხნის წინ ბიზნესმენმა „კომერსანტთან“ ისაუბრა, ახლა მხოლოდ უკრაინაში იყიდება, თუმცა პროდუქციის განახლებული და მოდერნიზებული ვარიაცია მალე საქართველოსაც ექნება.

5.ტაჯიკეთი, ყირგიზეთი, ერაყი, მოლდოვა - საქართველოდან ავტოექსპორტი უპრეცედენტოდ იზრდება

„ჩვენგან ავტომობლებზე მოთხოვნა ძალიან დიდია, არა მხოლოდ აზერბაიჯანში. რამდენიმე ახალი ბაზარი დაემატა, სადაც ყოველდღე ხდება საქართველოდან რეექსპორტი - ეს არის ტაჯიკეთი, ყირგიზეთი, მოლდოვა, რუსეთი, უკრაინა და რაოდენ გასაკვირიც არ უნდა იყოს, დიდი ინტენსივობით ერაყის ბაზარიც გამოირჩევა,“ - ამის შესახებ „კომერსანტს“ „კავკასიის ავტოიმპორტის“ დირექტორმა გიორგი სურგულაძემ განუცხადა.

6.ხვიჩა კვარაცხელიას და ლევან შენგელიას კორონავირუსი დაუდასტურდათ და ევროპის ჩემპიონატის საკვალიფიკაციო ეტაპზე ვერ იასპარეზებენ

10 ნოემბრის ტესტმა ორ ფეხბურთელზე დადებითი პასუხი აჩვენა. ხვიჩა კვარაცხელიას და ლევან შენგელიას განმეორებითი ტესტის შედეგად ვირუსი დაუდასტურდათ. ფეხბურთელები, პროტოკოლის შესაბამისად, იზოლაციაში იმყოფებიან და მომდევნო დღეებში, სამედიცინო ჯგუფის მეთვალყურეობის ქვეშ იქნებიან.

7. ICR რესტორნებსაც ხურავს

ICR ჯგუფის დამფუძნებელმა საქმის კურსს 'ტაბლას (ქართული სამზარეულო) და პომოდორისიმოს (იტალიური ) შესაძლო დახურვაზე განუცხადა, რასაც პანდემიის კრიზისის გამო წლის ბოლოს აპირებდნენ, მაგრამ უფრო ადრე მოუწევთ.

8.რესტორნებისთვის „დელივერის სერვისის“ დაშვების გადაწყვეტილება ხარვეზებს შეიცავს

რესტორნებისთვის ე. წ „დელივერის სერვისის“ დაშვების გადაწყვეტილება ხარვეზებს შეიცავს, - განუცხადა ბიზნესპარტნიორს საქართველოს რესტორატორთა ასოციაციის თავმჯდომარე კოტე გაბრიჩიძემ. მისი განმატებით, პრობლემა ისაა, რომ თუ რესტორანი სამზარეულოს ამუშავებს, ამ შემთხვევაში მომსახურე პერსონალი დილის 05:00 საათამდე უნდა გააჩეროს.

9.24 საათის განმავლობაში გამოვლენილია კორონავირუსის 2911 ახალი დადასტურებული შემთხვევა

ბოლო 24 საათში გარდაიცვალა 45 ადამიანი. მათ შორის თბილისში - 18, აჭარაში - 14, იმერეთში - 7, ქვემო ქართლში - 3, კახეთში - 2, ხოლო სამეგრელო-ზემო სვანეთში - 1 ადამიანი.

10.Snob.ru: პუტინმა სომხეთი ჩააბარა

მოკლევადიანი ყარაბაღის ომი არა მხოლოდ მოსკოვის მთავარი მოკავშირის, არამედ პუტინის რეჟიმის მძიმე მარცხით დასრულდა. ამ ჭეშმარიტებას ვერ გადაფარავს რუსული სამთავრობო პროპაგანდა, რომელიც დღეს რუსი ჯარისკაცების მიერ კავკასიაში მშვიდობის მოტანაზე მღერის.