დღის Top 10 საინტერესო ამბავი:
ევროპული ბიზნეს ასოციაციის (EBA) თანადამფუძნებელი მარიამ ქუჩულორია „კომერსანტთან“ საუბრისას ამბობს, რომ მთავრობის ინიციატივას მიესალმება, თუმცა თვლის რომ პოლიტიკური სტაბილურობა, დემოკრატიული და არაკორუფციული გარემო ყოველთვის ნებისმიერი ინვესტორისთვის პრიორიტეტია და ამის შემდეგ აქცევენ ყურადღებას სხვა ბენეფიტებს.
„სამწუხაროდ, საქართველოში ჯანდაცვის სისტემის მართვა არ ვიცით. საყოველთაო ჯანდაცვის პროგრამა, რომელსაც მე ვეძახი საყოველთაო „ბედნიერების“ პროგრამას, იყო სრული პროფანაცია. რომელმაც მოიტანა უხარისხო სამედიცინო სერვისი. არავინ ფიქრობდა რისკებზე, არ ხდება დღეს პოსტ დიპლომური განათლების მიღება და კრიზისული მომენტების მართვა. ჩვენი მედიცინა უკან მიდიოდა და ხარისხზე არავინ ფიქრობდა. წინა მინისტრმაც თქვა, რა დროს ხარისხია, ხალხს სერვისი უნდა მივაწოდოთო, — ამის შესახებ „კომერსანტთან“ ჯანდაცვის ექსპერტი ვახტანგ სურგულაძე საუბრობს.
დღეის მდგომარეობით, ჩვენ კონკრეტული გადაწყვეტილებები შეზღუდვებთან დაკავშირებით არ გვაქვს მიღებული, – ამის შესახებ ვიცე-პრემიერმა, მაია ცქიტიშვილმა საკოორდინაციო საბჭოს სხდომის დასრულების შემდეგ განაცხადა.
კომერციული ბანკების ფინანსური ანგარიშგებების 2020 წლის III კვარტლის მონაცემების მიხედვით, მათ სასესხო პორტფელში უდიდესი წილით ფიზიკურ პირებზე გაცემული სესხები გამოირჩევა, ამ სესხებზე მიღებული პროცენტები კი ბანკების შემოსავლის ძირითადი წყაროა.
5.ახალი შეზღუდვებისთვის ქვეყანას დამცავი ბალიშები აღარ აქვს – პაატა ბაირახტარი
“არანაირი დამცავი ბალიშები ეკონომიკისთვის აღარ და ვეღარ იქნება. ჩვენ ისინი მაშინ გამოვიყენეთ, როცა გაზაფხულზე უბრალო “ნაკაწრის” გამო გავაჩერეთ ეკონომიკა. დღეს მაშინდელი შეცდომების შედეგს ვიმკით და კრიზისის შემაკავებელი თუ შემარბილებელი საშუალება აღარ არსებობს. ეს ძალიან კარგად იცის ხელისუფლებამ და ამიტომ გამორიცხავს ლოკდაუნს„, — აცხადებს ბაირახტარი.
რამდენიმე კვირაში უკრაინის ავიაბაზარს ახალი მოთამაშე შეემატება. ახალი დაბალბიუჯეტიანი ავიაკომპანია Bees Airlines-ი ოპერირებას იანვრის დასაწყისიდან შეუდგება.
7.კომპანიების 19% დაიხურა - კვლევის შედეგები
საქართველოში გამოკითხული კომპანიების 19%-მა საქმიანობა შეაჩერა, - ამის შესახებ EBRD-ის და ინვესტორთა საბჭოს მიერ სექტემბერ-ოქტომბერში ჩატარებული კვლევის შედეგებით ხდება ცნობილი. პანდემიასთან ადაპტაცია ყველაზე მეტად მიკრო ბიზნესს გაუჭიდა და 20%-მა საქმიანობა შეაჩერა, მცირე ბიზნესის შემთხვევაში საქმიანობა გამოკითხულთა 12%-მა შეაჩერა, მსხვილი ბიზნესის კი 11%-მა.
8.„ყოველი პაციენტის მკურნალობა კლინიკაში 250 ლარი, სასტუმროებში კი დაახლოებით 300 ლარი ჯდება“
„ისეთ კრიტიკულ ზღვარს მივაღწიეთ, რომ თუ არ შევზღუდავთ წერტილოვნად, შეიძლება ეს მდგომარეობა ანუ ჯამურად „ლოკდაუნი“, ბუნებრივად დაგვიდგეს“. ამის შესახებ, თბილისის სახელმწიფო უნივერსიტეტის ანალიზისა და პროგნოზირების ცენტრის ხელმძღვანელმა ვახტანგ ჭარაიამ განაცხადა.
9.„რაში იხარჯება ჩვენი ფული? ქართული ფეხბურთის პრიორიტეტები სასწრაფოდ უნდა შეიცვალოს!“
ამბობენ, მომავალი წლისთვის ფეხბურთის განვითარების ფონდის პრიორიტეტები იცვლებაო და თუ ეს მართალია, ძალიანაც კარგი. იმ ფულით, რომელიც ჩაიდო ქართულ საკლუბო ფეხბურთში, მივაღწიეთ ერთადერთ რამეს - ეროვნული ჩემპიონატი არ ჩაგვეშალა და ფეხბურთელები კუთვნილ ხელფასს იღებენ. თუმცა ყველგან არა და უცნაურია, რატომ არ ინტერესდებიან ამ საკითხით სამართალდამცავი ორგანოები. სად მიდის ჩვენი ფული? ეს სხვა თემაა და ასე მარტივად გადასაწყვეტი ამბავი სულაც არ გახლავთ.
10.ოკუპირებულ აფხაზეთში კრიპტოვალუტების მაინინგს ომი გამოუცხადეს
კრიპტოვალუტების უკონტროლო მოპოვებამ ოკუპირებული აფხაზეთის ენერგოსისტემა ჩამოშალა. სანამ ამინდი თბილი იყო, სისტემა მდგრადობას მეტ-ნაკლებად ინარჩუნებდა, მაგრამ როგორც კი აცივდა და მოსახლეობამ ელექტროენერგიის გამოყენება გათბობისთვის დაიწყო, ვითარება მკვეთრად გაუარესდა.
Top 10
