დღის ტოპ 10 საინტერესო სიახლე

1.ურთულებს თუ არა მუშაობას უნივერსიტეტებს ცვლილებები აკრედიტაციის წესში

უმაღლესი საგანმანათლებლო პროგრამების აკრედიტაციის წესი იცვლება. საკანონმდებლო პაკეტი „განათლების ხარისხის განვითარების შესახებ“ კანონში ცვლილებების შესახებ და „უმაღლესი განათლების შესახებ“ კანონში ცვლილების თაობაზე პარლამენტს განსახილველად უკვე წარედგინა. მოქმედი რეგულაციით, უმაღლესი საგანმანათლებლო ორგანიზაცია აკრედიტაციის განაცხადს წარადგენს თითოეული პროგრამისთვის ცალ-ცალკე.

2.გაეროს უშიშროების საბჭომ უკრაინის საკითხი განიხილა

გაეროს გენმდივნის მოადგილემ როზმარი დიკარლომ უშიშროების საბჭოს 22 თებერვლის საგანგებო სხდომაზე განაცხადა, რომ რუსეთის მხრიდან დონბასში სეპარატისტების მიერ კონტროლირებადი რეგიონების აღიარება არღვევს უკრაინის სუვერენიტეტს და ტერიტორიულ მთლიანობას.

3.მთავრობასთან გარიგებული ინვესტორები და არარსებული სასამართლო - რატომ უარესდება საქართველოს რეიტინგი

The Heritage Foundation-ის 2022 წლის ეკონომიკური თავისუფლების ინდექსში საქართველო 14 პოზიციით ჩემოქვეითდა და 26-ე ადგილზეა. ასეთი მკვეთრი ვარდნა ქვეყანას არცერთი წლის ინდექსში არ ჰქონია. ორგანიზაციის შეფასებით, 0-დან 100-მდე სკალაზე საქართველოს ეკონომიკური თავისუფლების დონე 71.8 ქულით ფასდება, 2021 წელს ეს მაჩვენებელი 77.2 ქულა იყო. საქართველოს შედეგის გაუარესება რეიტინგის შემადგენელ თითქმის ყველა კრიტერიუმში პოზიციის ვარდნას უკავშირდება. 

4.ელექტროენერგიის წარმოება და მოხმარება გაიზარდა

იანვარში ელექტროენერგიის გენერაცია 26.9%-ით 1.025 მლრდ კვტ/სთ-მდე, ხოლო მოხმარება 16.2%-ით 1.373 მლრდ კვტ/სთ-მდე გაიზარდა. ამის შესახებ ინფორმაციას ელექტროენერგეტიკული ბაზრის ოპერატორი ესკო ავრცელებს.

5.ქორწილებზე და ქელეხებზე აკრძალვა მოიხსნა, ერთ მაგიდასთან დასაშვები რაოდენობა კი 10 ადამიანამდე გაიზარდა

საკოორდინაციო საბჭომ 22 თებერვალს ახალი გადაწყვეტილებები გამოაცხადა, როგორც უწყებათაშორის საკოორდინაციო საბჭოსთან არსებული ოპერაციული შტაბის უფროსმა გიორგი ღიბრაძემ აღნიშნა, პირველი მარტიდან უქმდება ე.წ. კოვიდსასტუმროები, გარდა  ამისა უქმდება თერმოსკრინინგი, დეზობარიერი და ე.წ.  ჟურნალის წარმოება.

6.საქართველოში საბანკო დაკრედიტება 18%-ით, დეპოზიტები კი 11%-ით გაიზარდა

2021 წლის დეკემბრის მდგომარეობით, საქართველოში საბანკო დაკრედიტება, გაცვლითი კურსის გამორიცხვით, 18%-ით გაიზარდა. ამის შესახებ ინფორმაციას საქართველოს ეროვნული ბანკი ავრცელებს.

7.სამომხმარებლო ბაზარზე ფასების ზრდის ახალ ტალღას ელიან

სამომხმარებლო ბაზრებზე ფასების ზრდას წელს ვერაფერი შეაჩერებს. ენერგომატარებლების უპრეცედენტოდ გაძვირების გამო ფასის ზრდა თითქმის ყველა პროდუქციაზე არის მოსალოდნელი. ტენდენცია დამახასიათებელი იქნება როგორც გლობალურ, ასევე შიდა ბაზრებზეც. ერთ-ერთი დამაბრკოლებელი გარემოება შეიძლება ლარის გამყარება გახდეს. როგორც დისტრიბუტორთა ასოციაციის ხელმძღვანელი ივა ჭყონია ,,კომერსანტთან“ ამბობს, კურსი უნდა დაგვეხმაროს, რომ ფასების მკვეთრი ზრდა არ მოხდეს.

8.ლავროვის უწყებამ განმარტა, რა ფარგლებში აღიარებს ლუგანსკს და დონეცკს

მოსკოვი ლუგანსკისა და დონეცკის ე.წ. სახალხო რესპუბლიკების დამოუკიდებლობას იმ ფარგლებში აღიარებს, რომელ ტერიტორიებზეც სეპარატისტული მთავრობები აკონტროლებენ და თავის უფლებამოსილებას ახორციელებენ. ამის შესახებ რუსეთის საგარეო საქმეთა მინისტრის მოადგილემ ანდრეი რუდენკომ სამშაბათს, 22 თებერვალს განაცხადა.

9.“შეიძლებოდა რომ ეს გადაწყვეტილება 2-3 კვირით ადრე მიეღოთ, თუმცა არც დღეს ყოფილა დაგვიანებული“ - შოთა ბურჯანაძე

საკოორდინაციო საბჭომ 22 თებერვალს გამართულ სხდომაზე თითქმის ყველა მანამდე არსებული კოვიდრეგულაცია გააუქმა. როგორც რესტორატორთა ასოციაციის თავმჯდომარე შოთა ბურჯანაძე „კომერსანტთან” საუბარში აღნიშნავს, საკოორდინაციო საბჭოს ეს გადაწყვეტილება მოსალოდნელი და ადეკვატური იყო. მისივე თქმით, რამდენიმე კვირაში დარჩენილი მცირედი რეგულაციებიც სრულად მოიხსნება.

10. აზერბაიჯანმა რუსეთთან სამოკავშირეო დეკლარაციას მოაწერა ხელი

მოსკოვში რუსეთისა და აზერბაიჯანის პრეზიდენტების შეხვედრა სამოკავშირეო დეკლარაციაზე ხელმოწერით დასრულდა. შეთანხმება მხარეებს შორის პოლიტიკურ და ეკონომიკურ საკითხებში თანამშრომლობას ითვალისწინებს.