დღის ტოპ 10 საინტერესო სიახლე
1.3, 4 თუ 5% - საქართველო ეკონომიკური ზრდის პროგნოზების ლაბირინთში
რუსეთ-უკრაინის ომმა, ისევე როგორც მთელ მსოფლიოში, საქართველოშიც შეცვალა არსებული ეკონომიკური ზრდის პროგნოზები. მაშინ, როდესაც საქართველოს 2022 წლის ბიუჯეტი ეკონომიკის 6%-იან ზრდაზეა დაგეგმილია, საერთაშორისო და ადგილობრივი ორგანიზაციები ერთხმად ამბობენ, რომ ასეთ მაღალ მაჩვენებელს ქვეყანა არათუ მიმდინარე წელს, 2023-შიც ვერ მიაღწევს.
2.სახელმწიფო კლინიკებს ახალი მეთოდით დააფინანსებს – რას ნიშნავს DRG-სისტემა
ჩვენი მიზანი არის ის, რომ იმ სერვისში, რასაც ჩვენ ვაფინანსებთ, კლინიკებმა მოქალაქეებს ხარისხიანი მომსახურება გაუწიონ და ფასიც ადეკვატური, სამართლიანი იყოს, – ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ზურაბ აზარაშვილმა საქართველოს პირველი არხის გადაცემაში „თავისუფალი ხედვა“ განაცხადა.
3.წყალტუბოს 550 ჰა ტერიტორიის განაშენიანების გეგმას „ბაუ დიზაინი“ 600 000 ლარად მოამზადებს
წყალტუბოს ცენტრალური ნაწილის განაშენიანების გეგმას ,,ბაუ დიზაინი“ მოამზადებს. გასული წლის 15 იანვარს გამოცხადებული ტენდერის გამარჯვებული გამოვლენილია. არქიტექტურულმა და ურბანულმა ბიურომ საკონკურსო დოკუმენტაციით განსაზღვრულ მოთხოვნები დააკმაყოფილა, შესაბამისად ახლა საქართველოს რეგიონული განვითარებისა და ინფრასტრუქტურის სამინისტრო ხელშეკრულების მომზადების პროცესშია. გენერალური გეგმის კონცეფციით განსაზღვრული საკვლევი ტერიტორიის საორიენტაციო ფართობით 550.65 ჰექტარია. განაშენიანების გეგმის შემუშავების სახელშეკრულებო ღირებულება 599 700 ლარია
4.ტურისტული სექტორისთვის ქონების გადასახადის განულება „კოპალას“ 120 000 ლარს დაუზოგავს
სასტუმრო და სარესტორნო ბიზნესისთვის 2021 წელს დაგროვილი ქონების გადასახადის განულებასთან დაკავშირებით მთავრობის გადაწყვეტილება მოულოდნელი აღმოჩნდა. სექტორის წარმომადგენლები ამბობენ, რომ ასეთი ლიბერალური შეღავათი ბევრ ბიზნესს დიდ დახმარებას გაუწევს ახალი პროექტების განვითარებისთვის, ნაწილს კი გაკოტრებისგან დაიცავს.
5.როგორ გაუტოლდა 100 ლარი 20 ლარს
ლარი მიმოქცევაში 1995 წლის ოქტომბერში გაეშვა და არასრულ 27 წელში მან უკვე საკუთარი ღირებულების 80% დაკარგა. რისი შეძენაც ემისიის მომენტში 100 ლარად იყო შესაძლებელი, დღეს 500 ლარი სჭირდება, დღევანდელი 100 ლარი კი მსყიდველუნარიანობით მაშინდელი 20 ლარის ეკვივალენტურია.
6.,,ჩირინა“ რუსულ ზეთს ბულგარულით ჩაანაცვლებს – ფასი რეკორდულად გაიზრდება
ქართველმა იმპორტიორებმა ზეთის ბაზრის დივერსიფიცირების მიმართულებით აქტიური მუშაობა დაიწყეს. კომპანია , ,ჩირინას“ ხელმძღვანელი რევაზ ვაშაკიძე, რომელიც პროდუქტის ერთ-ერთი ყველაზე მსხვილი შემომტანია, რუსეთის ბაზრის ალტერნატივად ბულგარეთს განიხილავს, თუმცა დასძენს, რომ პროდუქტის ფასი რადიკალურად შეიცვლება და მინიმუმ, გაორმაგდება.
7.რუსეთის საავტომობილო ბაზარი მარტში 60%–ით დავარდა
ამერიკული, ევროპული და იაპონური მარკების ავტომობილების გაყიდვები რუსეთში მარტში 60%–ით დავარდა. ამის შესახებ ინფორმაციას ევროპული ბიზნესის ასოციაციაზე დაყრდნობით Forbes.ru ავრცელებს. ამის მიზეზს ასოციაციაში რუსეთისთვის სანქციების დაწესებაში ხედავენ. კერძოდ, ავტომწარმოებელმა გიგანტებმა უარი თქვეს რუსეთში ახალი ავტომობილების შეტანაზე და ამას უკვე არსებულ ავტომობილებზე ფასების რეკორდული ზრდაც დაემატა
8.საქართველოში ყველაზე მეტად ბოსტნეული გაძვირდა
ზედიზედ მეორე თვეა, ინფლაციაში ფასების ზრდის სიდიდით ბოსტნეული და ბაღჩეული პირველ პოზიციაზეა. ამის მიზეზი, გარდა სეზონური ცვლილებისა, წარმოების სიმცირეა, რის გამოც ადგილობრივი პროდუქტი უკვე შემოდგომიდანვე დეფიციტშია.
როგორც აგრარული სფეროს ექსპერტი, პროფესორი პაატა აროშიძე ,,კომერსანტთან“ ამბობს, დეფიციტის საფრთხე არ გველის, ქართული პროდუქტი თუ არ არის, აუცილებლად არის იმპორტული, ჩანაცვლების მხრივ არანაირი დაბრკოლება არ გვაქვს. თუმცა, სასურველია, ჩვენი მარაგები გაგვაჩნდეს.
9.Intel–მა რუსეთში საქმიანობა შეწყვიტა
პროცესორების უმსხვილესმა ამერიკულმა მწარმოებელმა Intel რუსეთში მუშაობა შეწყვიტა. ამის შესახებ სააგენტო როიტერი კომპანიის განცხადებაზე დაყრდნობით წერს.
10.როგორ ხდება სანქციების თავიდან არიდება - გიორგი ქადაგიძის მოსაზრება
ეროვნული ბანკის ყოფილი პრეზიდენტი გიორგი ქადაგიძე სოციალურ ქსელში წერს, თუ როგორ ხდება სანქციების გვერდით ავლა და არის თუ არა ეს შესაძლებელი.