დღის ტოპ 10 საინტერესო სიახლე

1.„თუ ლარის სისუსტეს ველოდებით, მაშინ დროულია“ - ლევან სურგულაძე საპენსიო სააგენტოს მიერ დოლარის შესყიდვაზე

საპენსიო სააგენტომ დოლარის შესყიდვა დაიწყო და 31 მარტის მდგომარეობით საინვესტიციო პორტფელის 4.2% დოლარშია ინვესტირებული.

საპენსიო სააგენტოს ყოფილი ხელმძღვანელი, ფინანსისტი ლევან სურგულაძე „კომერსანტთან“ ამბობს, რომ თუ ლარის გაუფასურების მოლოდინი არსებობს, მაშინ დოლარის შესყიდვის დაწყება დროული ქმედებაა, თუმცა ეს რამოდენიმე წლის წინ უნდა დაეწყოთ.

2. რელიგიურ ორგანიზაციებს დაფინანსება 1 მილიონი ლარით გაეზარდათ

საქართველოს პრემიერ-მინისტრ ირაკლი ღარიბაშვილის გადაწყვეტილებით, რელიგიურ ორგანიზაციებს დაფინანსება გაეზარდათ. რელიგიური გაერთიანებებისთვის  საბჭოთა ტოტალიტარული რეჟიმის დროს მიყენებული მატერიალური და მორალური ზიანის ნაწილობრივი ანაზღაურების მიზნით, 2022 წლამდე არსებულ 4,5 მლნ ლარს  1 მლნ ლარი დაემატა. ამის შესახებ ინფორმაციას მთავრობის ადმინისტრაცია პარასკევს, 8 აპრილს ავრცელებს.

3.რუსული ბანკების ბიზნეს–კლიენტები იუანზე გადავიდნენ

რუსულ ბანკებში იურიდიული პირების ანგარიშებზე ჩინურ იუანში ნაშთების რეკორდული მოცულობა ფიქსირდება. მარტში კომპანიებს დოლარსა და ევროში გახსნილი ანგარიშებიდან თანხები აქტიურად გადაჰქონდათ იუანში, ასევე ახალ ანგარიშებს ხსნიდნენ უშუალოდ ჩინურ ვალუტაში. უკრაინის ტერიტორიაზე ფართომასშტაბიანი სამხედრო ოპერაციის დაწყების გამო რუსეთისთვის დაწესებული სანქციების ფონზე ბიზნესი იძულებულ

4.საქართველოს საერთაშორისო რეზერვები $4 მილიარდამდე გაიზარდა

საქართველოს საერთაშორისო რეზერვები იზრდება. ქვეყანას ამ დროისთვის 4.031 მლრდ დოლარის სარეზერვო აქტივები (თებერვალში 3,992 მლრდ აშშ დოლარი) აქვს და მათი დიდი ნაწილი 3.542 მილიარდი უცხოური ვალუტის (თებერვალში 3,2 მლრდ აშშ დოლარი) რეზერვები

5.1 ტონა საქონლისა და ღორის გაყინული ხორცი 600 დოლარით გაძვირდა

გაყინული ხორცის იმპორტიორები ადგილობრივ ბაზარზე ფასების მკვეთრ ცვლილებას ელიან. გლობალურ ბაზრებზე ფასმა ამ მიმართულებით საშუალოდ 30-50%-ის ფარგლებში მოიმატა.  ბოლო თვენახევარში 1 ტონა გაყინული ხორცი 600 დოლარით გაძვირდა. კომპანია ,,დუ“–ს დამფუძნებელი, იმპორტიორი დავით გოგიჩაიშვილი ,,კომერსანტთან“ ამბობს, რომ ენერგომატარებლების მაღალი ხარჯი ტვირთად დააწვა წარმოებას, რასაც ემატება გაძვირებული ლოგისტიკა

6.შემოწმებული 25 ღვინის კომპანიიდან სერტიფიკატი 6–მა ვერ მიიღო

ღვინისა და ალკოჰოლიანი სასმელების ხარისხის კონტროლის მიზნით, 2022 წლის პირველ კვარტალში ინსპექტირება განხორციელდა ღვინის 25 კომპანიაში, აღებული იყო 83 ნიმუში, სერტიფიკატის გაცემაზე უარი ეთქვა 6 კომპანიას. ამის შესახებ ინფორმაციას საქართველოს ღვინის ეროვნული სააგენტო პარასკევს, 8 აპრილს ავრცელებს.

7. $15–მილიონიანი სასტუმრო Golden Tulip Design Tbilisi მაისში გაიხსნება

თბილისში სასტუმრო Golden Tulip Design მაისში გაიხსნება. ქეთევან წამებულის გამზირზე 4-ვარსკვლავიანი სასტუმროს შიდა სამუშაოები უკვე დასრულებულია.

8.რუსეთის ცენტრალურმა ბანკმა 17%–მდე შეამცირა რეფინანსირების განაკვეთი

რუსეთის ცენტრალურმა ბანკმა რეფინანსირების განაკვეთი ერთდროულად 300 საბაზისო პუნქტით შეამცირა წლიურ 17%–მდე.

9. სალმონელა „ქინდერში“ – ევროპიდან მიღებული შეტყობინების საფუძველზე სეს–მა ბაზრიდან Kinder-ის გამოთხოვა დაიწყო

საქართველოს სურსათის ეროვნულმა სააგენტომ ჯანმრთელობისა და სურსათის უვნებლობის გენერალური დირექტორატის (DG SANTE) ევროპის კომისიის RASFF-ის სწრაფი განგაშის სისტემით ხუთშაბათს, 7 აპრილს მიიღო შეტყობინება სხვადასხვა დასახელების შოკოლადის პროდუქტებში სალმონელას სავარაუდო არსებობის შესახებ. ამის შესხებ ინფორმაციას სურსათის ეროვნული სააგენტო ოფიციალურ ვებგვერდზე აქვეყნებს.

10 .NATO-ში საქართველოს შესაძლო გაწევრიანებაზე პესკოვმა კომენტარი გააკეთა

ნატო აგრესიული ხასიათისაა და ალიანსის ნებისმიერი გაფართოებას სტაბილურობა და უსაფრთხოება არ მოაქვს, განაცხადა რუსეთის ფედერაციის პრეზიდენტის პრეს–მდივანმა დმიტრი პესკოვმა. ამის შესახებ რუსული სააგენტო „რია ნოვოსტი“ წერს.