დღის ტოპ 10 საინტერესო სიახლე
1.თუ ამ ომს ასეთი გავლენა აქვს აშშ-ის ეკონომიკაზე, ცხადია, უფრო მძიმე გავლენა ექნება საქართველოზე - თემურ ბასილია
რუსეთ–უკრაინის ომის გავლენა საქართველოს ეკონომიკაზე, დასავლეთის სანქციების გავლენა რუსეთზე, ოკუპანტი ქვეყნის დეფოლტის საფრთხე და სხვა მნიშვნელოვანი თემების შესახებ „კომერსანტთან“ ფინანსისტმა და პრეზიდენტის ყოფილმა მრჩეველმა თემურ ბასილიამ ისაუბრა.
2.დღეიდან „ქარის“ ახალი მიკრო-ელექტრო მანქანები სატესტო რეჟიმში გაეშვა
დღეს, 14 აპრილს, Qari Electric-ს ახალი მიკრო-ელექტრო მანქანები უკვე ქალაქში გამოჩნდა. ამ ეტაპზე მანქანები სატესტო რეჟიმშია გაშვებული.
3.აზერბაიჯანში ალკოჰოლზე აქციზის განაკვეთი გაიზარდა
აზერბაიჯანში დღეიდან, 14 აპრილიდან, იმპორტულ ალკოჰოლურ სასმელებზე აქციზის განაკვეთი გაიზარდა. ამის შესახებ დადგენილება ქვეყნის მინისტრთა კაბინეტის ერთი თვის წინ, 14 მარტს მიიღო, წერს საინფორმაციო სააგენტო haqqin.az წერს.
4.ფოთის თიზ-ში ნავთობის კოქსის კალცინირების ქარხანა შენდება
ფოთის თავისუფალ ინდუსტრიულ ზონაში შპს „აზა კარბონი“ ნავთობის კოქსის კალცინირების ქარხნის მშენებლობას გეგმავს. პროექტის საინვესტიციო ღირებულება 340 მლნ დოლარია.
5.„ნატახტარი“ რუსეთის, ბელარუსისა და უკრაინის ბაზრებზე უალკოჰოლო სასმელების ექსპორტის დანაკარგს ითვლის
უკრაინაში მიმდინარე საომარი მოქმედებების გამო ,,ნატახტარს“ უალკოჰოლო ტკბილი სასმელების ექსპორტი შეუმცირდა. დანაკარგის კონკრეტულ ოდენობაზე კომპანიაში ჯერჯერობით არ საუბრობენ და აცხადებენ, რომ მონაცემებს ითვლიან, რაც საბოლოოდ მაისში გახდება ცნობილი. გარკვეული გავლენა ამ მხრივ შესაძლოა რუსეთში შაქრიან სასმელებზე აქციზის დაწესებამაც მოახდინოს, რის შესახებაც რუსული მხარე უკვე ალაპარაკდა.
6.არსებობს პროექტი და საშუალებები, რომელიც ხელს შეუწყობს საწვავზე ფასების შემცირებას - ნიკა შენგელია
ანალიტიკოსი ნიკა შენგელია საწვავის ფასის ზრდას ეხმაურება და მასშტაბური გაძვირების ნეგატიურ ფაქტორებზე საუბრობს. იმ ფონზე, როცა ქვეყნის პრემიერ-მინისტრი იმპორტიორებს ფასის შემცირებისკენ მოუწოდებს, ანალიტიკოსი აცხადებს, რომ გამოსავალი ნაპოვნია და შესაძლებელია ფასების კორექტირება ისე, რომ არც ბიუჯეტი დაზარალდეს, ბიზნესიც კმაყოფილი იყოს და მომხმარებელიც.
7. ქართულ ტკბილეულს ევროპის წამყვანი ქვეყნები ითხოვენ - „ტკბილი ქვეყანა“
საფრანგეთი, გერმანია, პოლონეთი, საბერძნეთი და იტალია ის ქვეყნებია, სადაც ქართული ტკბილეული შეიძლება გავიდეს, მაგრამ ადგილობრივი წარმოება ამისთვის მზად ჯერჯერობით არ არის. მწარმოებლების ინფორმაციით, ევროპაში ქართულ ტკბილეულზე მოთხოვნა დიდია, თუმცა ტექნიკური ბარიერის გამო მიწოდება ვერ ხერხდება.
8.ოთარ შამუგია ამბობს, რომ სურსათის მომარაგების კუთხით საქართველოში შეფერხება არ არის
“სრული პასუხისმგებლობით შემიძლია განვაცხადო, რომ ამ ეტაპზე ჩვენ არანაირი შეფერხება არ გვაქვს“ - ამის შესახებ საქართველოს სოფლის მეურნეობის მინისტრმა ოთარ შამუგიამ პარლამენტში „მინისტრის საათის“ ფორმატში გამოსვლისას ისაურა, რითაც საქართველოს სურსათით მომარაგების გარშემო გაჩენილ კითხვებს გამოეხმაურა, მისი თქმით სოფლის მეურნეობის სამინისტროს პროცესზე მუდმივი კონტროლი აქვს.
9.სასტუმრო „ჯორჯია პალასს“ ზღვის სეზონისთვის უცხოური ჯავშნები შეუმცირდა
ზაფხული აჭარაში ყველაზე აქტიური სეზონია, „კომერსანტი“ დაინტერესდა თუ როგორ ემზადება საზღვაო კურორტი ქობულეთი 2022 წლის ზაფხულის სეზონისთვის და სასტუმრო „ჯორჯია პალასის“ საზოგადოებასთან ურთიერთობის მენეჯერს რუსუდან ცეცხლაძეს დაუკავშირდა. მისი თქმით, უკრაინაში განვითარებულმა მოვლენებმა მომხმარებელთა ზრდის ტემპი მნიშვნელოვნად შეამცირა.
10.ბინის ქირაზე მოთხოვნამ იკლო, მაგრამ ფასი არ მცირდება, ბაზარზე ქაოსია
უძრავი ქონების სააგენტოებში აცხადებენ, რომ აჟიოტაჟური მოთხოვნა ჩაცხრა, თუმცა ფასები არ იკლებს, რის გამოც ადგილობრივებს ფართების დაქირავება უჭირთ. როგორც კომპანია ,,კიბეს“ ხელმძღვანელი ნელი გოგუაძე ,,კომერსანტთან“ ამბობს, ფასების ზრდა რუსებისა და უკრაინელების მხრიდან მაღალი მოთხოვნით იყო გამოწვეული, მაგრამ ეს ტენდენცია 2 კვირაზე მეტხანს რეალურად ვერ გაგრძელდა.