დღის ტოპ 10 საინტერესო სიახლე

1. ეკონომიკის $1 მილიარდიანი დანაკლისი საკომპენსაციო გეგმა - სპეციალისტების რჩევები მთავრობას

„საქართველოს ეკონომიკამ შესაძლოა დაახლოებით 1 მილიარდი დოლარის დანაკარგი მიიღოს“, - ამის შესახებ ფინანსთა მინისტრის მოადგილე გიორგი კაკაურიძემ კომიტეტის სხდომაზე რუსეთ-უკრაინის ომის საქართველოს ეკონომიკაზე გავლენის შესახებ საუბრისას აღნიშნა.

2.3 თვეში საერთაშორისო მოგზაურობიდან საქართველომ $394 მილიონის შემოსავალი მიიღო, ზრდა 68.1%-ია

2022 წლის მარტის თვეში მოგზაურობიდან მიღებულმა შემოსავალმა 174,466,980 აშშ. დოლარი შეადგინა, რაც 2019 წლის მაჩვენებლის 71.3% აღდგენაა. 2021 წლის მარტის თვესთან შედარებით მოგზაურობიდან შემოსავლები გაზრდილია 144,924,836 (+490.6%) აშშ დოლარით. ამის შესახებ ინფორმაციას ტურიზმის ეროვნული ადმინისტრაცია ავრცელებს.

3.„უახლოეს პერიოდში უნდა ველოდოთ შუა აზიიდან ტვირთბრუნვის გაზრდას“ - დავით ებრალიძე

„უახლოეს პერიოდში უნდა ველოდოთ შუააზიური ტვირთების გაზრდას, რაც პირდაპირ კავშირშია ახალი რეგიონული სავაჭრო–ლოგისტიკური ცენტრების განვითარებასთან“, - ამის შესახებ „კომერსანტს“ ფოთის თიზ-ის გენერალურმა დირექტორმა დავით ებრალიძემ უთხრა.

4.ტურისტულ კომპანიებს მარტიდან არ გვიმუშავია და ასეა სექტორის უმრავლესობა -,,ტრეფიკ თრეველი“

ტურისტულ კომპანიებს  მიმდინარე წლის მარტიდან განსაკუთრებით გაუჭირდათ. უკრაინაში მიმდინარე ომის გამო ტურისტულ სერვისებზე მოთხოვნა თითქმის არ ყოფილა.  ძირითადად შემოდიან რუსეთის და ბელარუსის მოქალაქეები, რომლებიც რეალურად არ არიან ტურისტები.

5. FT: მსოფლიო სტაგფლაციის ზღვარზეა

2022 წელს მსოფლიოში ეკონომიკური ზრდა შენელდება და ინფლაციის ტემპი გაიზრდება. სტაგფლაცია პანდემიის შოკიდან ჯერ კიდევ ბოლომდე ვერ გამოსულ მთელს მსოფლიოს მნიშვნელოვნად დააზარალებს. ინფორმაციას კვლევებზე დაყრდნობით Financial Times ავრცელებს.

6. სბერბანკის ტოპ–მენეჯერმა რუსეთი დატოვა და აშშ–ში გაემგზავრა

რუსული სბერბანკის ხელმძღვანელის მოადგილე ლევ ხასისი აშშ–ში გაემგზავრა, წერს რუსული გამოცემა „ვედომოსტი“.

7. ხორბლის სათესლე მასალა გაძვირდა - ქართულიც და იმპორტულიც

კახეთის რეგიონში ხორბლის მოსავლიანობის ზრდის ერთ-ერთი მთავარი პრობლემა თესლის სიძვირეა. ფერმერების ინფორმაციით, ქართული და იმპორტული ხორბლის სათესლე მასალის ფასმა მოიმატა, რაც საგაზაფხულო სამუშაოებზე ნეგატიურად იმოქმედებს. იმ ფონზე, როცა მინისტრი ხორბლის მოსავლიანობის 30-50 პროცენტიანი ზრდის პერსპექტივაზე საუბრობს, ხალხს რეგიონში თესლის ყიდვის შესაძლებლობაც არ აქვს. ცალკე პრობლემაა ხარისხი, რაც საბოლოოდ საქართველოში წარმოებული ხორბლის მოსავალზეც უარყოფითად აისახება.

8.თბილისის მუნიციპალური ინსპექციის გადაწყვეტილების ჩაბარების წესი შეიცვალა

„სამშენებლო ობიექტზე თბილისის მუნიციპალური ინსპექციის გადაწყვეტილების ჩაბარების წესი შეიცვალა“, - ამის შესახებ თბილისის მერმა, კახა კალაძე მუნიციპალიტეტის მთავრობის დღევანდელ სხდომაზე განაცხადა.

9. “სანამ ქალაქის მერი ვარ, არასდროს დავუშვებთ უკანონო მშენებლობას“ - კახა კალაძე

“ეს არის სისხლის სამართლის დანაშაული და ბოლომდე ჩავყვებით, პირადად მე  ვიქნები დაინტერესებული, რომ სამაგალითოდ  დაისაჯოს ეს კომპანია და კონკრეტული ადამიანები“, -  ამის  შესახებ  თბილისის  მერმა კახა  კალაძემ თბილისი  მუნიციპალიტეტის ორშაბათის სხდომაზე განაცხადა, რითაც  სამშენებლო კომპანია “მონუმენტმშენის“ მიერ  უკანონო მშენებლობის ფაქტს გამოეხმაურა. მისი თქმით, არის  შემთხვევები, როდესაც თბილისში  კონკრეტულ ადგილებში და  კონკრეტულ  უბნებში დღესაც  ხვდება  უკანონო  მშენებლობებს და  ეს  კატეგორიულად  მიუღებელია.

10. თურქეთში რუსი ტურისტების ტრანსპორტირებისთვის ავიაკომპანია Southwind იქმნება

თურქეთი ანტალიაში რუსი ტურისტების ტრანსპორტირებისთვის ახალი ავიაკომპანია ქმნის. ახალი ავიაკომპანიის სახელი იქნება Southwind და ის ანტალიის აეროპორტში იქნება ბაზირებული. ცნობილი ხდება, რომ ახალი ავიაგადამზიდავი ოპერირებას მაისის ბოლოდან დაიწყებს