დღის ტოპ 10 საინტერესო სიახლე
1. „გაცვლითი კურსის გამყარებას ეკონომიკაზე 7 მთავარი ეფექტი ექნება“ - ISET
ერთ თვეზე მეტია, ლარი დოლართან მიმართებით გამყარების ტენდენციას ინარჩუნებს. საქართველოს ეროვნული ბანკის მიერ 8 თებერვლისთვის განსაზღვრული კურსით, 1 აშშ დოლარი 2.9480 ლარი ღირს. Bloomberg-ის სავაჭრო სისტემაში დოლარი იმავე 8 თებერვალს 2.9125 ლარამდეც ჩამოვიდა, რაც 2020 წლის ზაფხულის შემდეგ ლარის ყველაზე მყარი კურსია.
2.მომგებიანობით საბანკო სექტორის ლიდერი „პროკრედიტ ბანკია“ - რეიტინგი
2021 წელს საქართველოში მოქმედმა 14-მა კომერციულმა ბანკმა 2.08 მილიარდ ლარზე მეტი წმინდა მოგება მიიღო, რაც რეკორდული მაჩვენებელია. აღსანიშნავია, რომ სექტორის 2020 და 2019 წლების ჯამური წმინდა მოგება 1.05 მილიარდ ლარს უმნიშვნელოდ აღემატებოდა.
3.ქართული კომპანიები, რომლებმაც 2021-2022 წლებში კაპიტალი ობლიგაციებით მოიზიდეს
საბაზრო ეკონომიკის პირობებში ფასიანი ქაღალდების გამოშვება ჩვეულებრივი მოვლენაა და ბიზნესის დაფინანსების ძირითად წყაროს წარმოადგენს, საქართველოში კი ყველაფერი ისევ ძირითადად ბანკებზეა დამოკიდებული, რის გამოც რომელიმე კომპანიის მხრიდან ობლიგაციების ემისია დიდ ინტერესს იწვევს ხოლმე. ბოლო მსხვილი გარიგება „სილქნეტმა“ განახორციელა, რომელმაც ობლიგაციებით $300 მლნ-ის მოზიდვა შეძლო.
4. როტაცია და ცვლილებები მთავრობაში - სად მიდის „ადუღებული“ ეკონომიკის მინისტრი თურნავა
ერთი თვის წინ განახლებულ მინისტრთა კაბინეტში დიდი ცვლილებები იგეგმება. ღარიბაშვილის კაბინეტს ერთდროულად რამდენიმე მინისტრი დატოვებს, ან სავარძელს შეიცვლის.
5. ცდილობს თუ არა საქართველოს მთავრობა მაკროეკონომიკური სტაბილურობის მიღწევას ჭარბი ვალუტის შემცირებით
ეროვნული ვალუტის — ლარის 2020 წლის მარტის შემდეგ რეკორდული გამყარების რამდენიმე მიზეზი სახელდება. ექსპერტების აზრით, მათ შორის ერთ-ერთი მთავრობის ხარჯების შენელება და ჭარბი ლარის შემცირებაა.
6. ეკონომიკის მინისტრად ლევან დავითაშვილი დაინიშნა
საქართველოს ეკონომიკისა და მდგრადი განვითარების სამინისტროს ახალი ხელმძღვანელი ჰყავს. ამ თანამდებობაზე 3 წლიანი მუშაობის შემდეგ ნათია თურნავას გარემოს დაცვისა და სოფლის მეურნეობის უკვე ყოფილი მინისტრი ლევან დავითაშვილი ანაცვლებს. ამის შესახებ გადაწყვეტილება საქართველოს პრემიერ-მინისტრმა ირაკლი ღარიბაშვილმა ოთხშაბათს, 9 თებერვალს მიიღო.
7. გარემოს დაცვისა და სოფლის მეურნეობის მინისტრად ოთარ შამუგია დაინიშნა
გარემოს დაცვისა და სოფლის მეურნეობის სამინისტროს ახალი ხელმძღვანელი ჰყავს. თანამდებობაზე 6 წლიანი მუშაობის შემდეგ ლევან დავითაშვილს ოთარ შამუგია ჩაანაცვლებს.
8. ლარის კურსის გავლენა ფასებს ჯერჯერობით ვერ დაეტყობა
ლარის გამყარების მიმდინარე ტრენდი ფასების შემცირების წინაპირობა ვერ გახდება. მრავალგზის გაძვირებული პროდუქტის გაიაფებას ფინანსური ბაზრის წარმომადგენლები ჯერჯერობით არ ვარაუდობენ. მათ მოსაზრებას ამყარებს ძვირი საწვავი და ზოგადად, საერთაშორისო ბაზრების ბოლოდროინდელი ტენდენცია, რომელიც მაღალი ფასებით ხასიათდება.
9. ექსპორტიორ კომპანიაზე „კეთილი და პატიოსანი“ ლარის გამყარება ნეგატიურ გავლენას ახდენს
ლარი გამყარებას განაგრძობს, 9 თებერვალს თბილისის დროით 10:30 საათისთვისBloomberg-ის სავაჭრო პლატფორმაზე 1 აშშ დოლარის ღირებულება 2.9025-ს შეადგენდა. დღეს მოქმედი ოფიციალური კურსია $1/2.92 ლარი. ბოლო 1 წელიწადში ლარი დოლართან მიმართებაში 11%-ით, 1-ლი იანვრიდან დღემდე კი 5.7%-ით გამყარდა. როგორ აისახება ეს პროცესი ექსპორტიორ კომპანიებზე, ამის შესახებ “კომერსანტთან“ ქართული დასალევი ხილ-ბოსტნეულის „კეთილი და პატიოსანი” მწარმოებელი კომპანიის დირექტორმა გიორგი ახალაძემ ისაუბრა.
10. საავიაციო ნავთზე ფასების ზრდა უკვე საყურადღებო ხდება
ზაფხულის სანავიგაციო სეზონისთვის მზადებისას ავიაკომპანიები ყურადღებით აკვირდებიან ორ ფაქტორს: ეპიდემიოლოგიური მდგომარეობის განვითარებას და საწვავის ფასების ზრდას. ეს უკანასკნელი კი ანტირეკორდებს ამყარებს. საჰაერო ტრანსპორტის საერთაშორისო ასოციაციის (IATA) მონაცემებით, გასული კვირის ბოლოსთვის საავიაციო ნავთის ფასი წინა კვირასთან შედარებით 2,6%-ით გაიზარდა და ბარელზე $105,7 შეადგინა.