დღის ტოპ 10 საინტერესო სიახლე

1.„ერთადერთი ქვეყანა ვართ ევროპაში, სადაც არ არის სავალდებულო პასუხისმგებლობის დაზღვევა“ - დაზღვევის კავშირი

ევროკავშირის კანდიდატი ქვეყნის სტატუსის თვითშეფასების კითხვარში რამდენიმე შეკითხვა სადაზღვევო სექტორს ეხება. საქართველოს მთავრობამ უნდა მიუთითოს სექტორის შესახებ არსებული ზოგადი მონაცემები.

2. კრიზისულ სიტუაციაში ,,ბორჯომის“ მართვა საკუთარ თავზე სახელმწიფომ უნდა აიღოს, კანონი ამის შესაძლებლობას იძლევა - იურისტი

,ბორჯომის“ დროებითი მართვა სავარაუდოდ მთავრობის ხელში გადავა. სპეციალისტები აღნიშნავენ, რომ კრიზისული სიტუაციის განმავლობაში სახელმწიფოს მოქმედი კანონის საფუძველზე  შეუძლია კომპანიის მართვა საკუთარ თავზე აიღოს და არ დაუშვას საწარმოს გაჩერება. საკანონმდებლო ბაზა ჯერ კიდევ 2006 წელს შემუშავდა. როგორც ბიზნესის სფეროს იურისტი  აკაკი ჩარგეიშვილი ,,კომერსანტთან“ განმარტავს, კანონი იძლევა საშუალებას, რომ  ,,ბორჯომს“  სახელმწიფომ გაუწიოს ზედამხედველობა, თუმცა ცალსახად უარყოფითი ფაქტია, რომ პრევენციულ ზომებს დროულად არ მიმართეს, რაც კრიზისულ სიტუაციაში კომპანიას ძალიან დაეხმარებოდა.

3. ირაკლი ლექვინაძე: დაზღვევის კულტურის ამაღლება და ფინანსური განათლების გაძლიერება საზოგადოებისთვის მნიშვნელოვანია

საქართველოს კონკურენციის ეროვნული სააგენტოს თავმჯდომარემ ირაკლი ლექვინაძემ საქართველოს სადაზღვევო ინდუსტრიის წარმომადგენლებს დაზღვევის დღე მიულოცა. დაზღვევის დღესთან დაკავშირებით გამართულ ღონისძიებაზე სიტყვით გამოსვლისას მან დაზღვევის კულტურის ამაღლებისა და საზოგადოების ფინანსური განათლების მნივშნელობას გაუსვა ხაზი.

4.კახეთის საგზაო ინფრასტრუქტურის გაუმჯობესებისთვის მთავრობა 97 მლნ ევროს სესხს იღებს

მთავრობამ პარლამენტს „საქართველოსა და რეკონსტრუქციისა და განვითარების საერთაშორისო ბანკს (IBRD) შორის სასესხო შეთანხმება“ წარუდგინა. დარგობრივი ეკონომიკისა და ეკონომიკური პოლიტიკის კომიტეტმა შეთანხმება ორშაბათს, 2 მაისს განიხილა და მხარიც დაუჭირა.

5. რუსეთი უკრაინელების მასობრივი დეპორტაციისთვის წლის დასაწყისიდან ემზადება - დენისოვა

უკრაინის უმაღლესი რადას ადამიანის უფლებათა კომისარის  ლუდმილა დენისოვას განცხადებით,  რუსეთის ფედერაცია უკრაინის მოქალაქეების მასობრივი დეპორტაციისთვის თავის ტერიტორიაზე წლის დასაწყისიდან ემზადება.

6.„მისკუზმა“ პირველი ქართული გორგოლაჭების მაღაზია გახსნა

მისკუზი • miscusi სამი გოგოსგან შემდგარი გუნდია, რომელიც პირველ ქართულ ეკომეგობრულ ოთხთვლიან გორგოლაჭებს აწარმოებს, სტარტაპმა 30 აპრილს არენა სპორტკომპლექსის ტერიტორიაზე საქართველოში წარმოებული გორგოლაჭების პირველი მაღაზიაც გახსნა. „კომერსანტი“ “მისკუზის“ თანადამფუძნებელს მარიამ ქემოკლიძეს კომპანიის საქმიანობაზე, მისი შექმნის იდეასა და საქართველოში გორგოლაჭების მიმართ საზოგადოების ინტერესზე ესაუბრა.

7. ოლეგ ტინკოვი: ბრენდები Tinkoff და La Datcha რუსეთიდან მიმაქვს

2 მაისს გავრცელდა ინფორმაცია, რომ რუსმა მილიარდერმა ოლეგ ტინკოვმა „ტინკოფის“ წილი „კაპიკებად გაყიდა“ – ბიზნესმენის შეფასებით, სამართლიანი ფასის მხოლოდ 3%–ად. ამის მიზეზი რუსეთის ხელისუფლების კრიტიკა გახდა უკრაინაში განხორციელებული სამხედრო აგრესიის გამო. ამ თემაზე ბიზნესმენმა The New York Times–თან ინტერვიუში ისაუბრა.

8. 116 დასახელების პროდუქტი ინფლაციის ოფიციალურ განაკვეთზე მეტად გაძვირდა

აპრილში სამომხმარებლო კალათაში შემავალი 305 დასახელების პროდუქტიდან 267 გაძვირდა, 10 მათგანზე ფასები უცვლელად შენარჩუნდა, 28 სახის პროდუქტი კი გაიაფდა. 116 შემთხვევაში ფასები ინფლაციის გასაშუალოებულ მონაკვეთზე - 12.8%-ზე მეტად გაიზარდა.

9. „საქართველოს დერეფანში რკინიგზის მხრიდან სანქცირებული ტვირთის გატარება არ მომხდარა“

„საქართველოს დერეფანში რკინიგზის მხრიდან სანქცირებული ტვირთის გატარება არ მომხდარა“, - ამის შესახებ ინფორმაციას საქართველოს რკინიგზა ავრცელებს. კომპანია განცხადებას მედიაში გავრცელებულ ინფორმაციასთან დაკავშირებით ავრცელებს და განმარტავებმ რომ კადრებში ნაჩვენები სატვირთო ვაგონები საქართველოს რკინიგზის საკუთრებაში არ წარმოადგენს:

10. თანამედროვე ქართული სახვითი ხელოვნება - ენა რომლითაც შეგვიძლია ვესაუბროთ პროგრესულ სამყაროს

ეროვნულ გალერეაში 27 აპრილს გაიხსნა გამოფენა, რომელიც მოიცავს ნამუშევრებს კერძო კოლექციებიდან. თუ ვის ნამუშევრებს მასპინძლობს გალერეა და რამდენად არის შესაძლებელი, რომ თანამედროვე ქართული სახვითი ხელოვნების ენით ვესაუბროთ პროგრესულ სამყაროს? – ამ თემაზე რადიო „კომერსანტზე“ თავის საავტორო გადაცემაში „ბრენდი საქართველო“ ლევან კობერიძემ ხელოვნების კონსულტანტი ლიკა ჭკუასელი მიიწვია.