დღის ტოპ 10 საინტერესო სიახლე

1.სავალუტო ოპერაციებიდან მიღებული მოგების 77% ორ ბანკზე მოდის - რეიტინგი

ეროვნული ვალუტა დოლარის მიმართ 2022 წლის პირველ ნახევარში მნიშვნელოვნად გამყარდა, თუმცა წინა წლიდან მოყოლებული ის დიდი რყევებით გამოირჩეოდა. ანალიტიკოსები მიიჩნევენ, რომ ეროვნული ვალუტის მერყეობით მხოლოდ საბანკო სისტემა რჩება მოგებული.

2. რუსეთმა ხორბლის საექსპორტო გადასახადი დღეიდან ტონაზე $120,1–მდე გაზარდა

რუსეთის ფედერაციიდან ხორბლის საექსპორტო გადასახადი 6 მაისიდან ტონაზე $119,2–ის ნაცვლად $120,1 იქნება.

3.Insider: კრიპტოვალუტაში გლობალური ტრანზაქციების მოცულობა წელს $10 მილიარდს გადააჭარბებს

2021 წელს კრიპტოვალუტაში ტრანზაქციების მოცულობამ მთელი მსოფლიოს მასშტაბით 6,1 მილიარდი დოლარი შეადგინა რაც 177,3%-ით მეტია 2,2 მილიარდ დოლარზე, ანუ წინა წელთან შედარებით.

4.სახელმწიფოს დამოუკიდებლად დიდი ჰესების მშენებლობა გაუჭირდებ ა

დამოუკიდებელი საქართველოს ისტორიაში დიდი წყალსაცავიანი ჰესი არ აშენებულა. რამდენიმე მსხვილი პროექტი დაწყებამდე ან მშენებლობის პროცესში გაჩერდა. დავათა ნაწილმა საარბიტრაჟოში გადაინაცვლა. ელექტროენერგიაზე მზარდი მოთხოვნის გამო ბოლო პერიოდში მთავრობასა და პარლამენტში ჰესების სახელმწიფოს მიერ აშენების იდეამ პოპულარობა მოიპოვა. ენერგეტიკა კაპიტალტევადია და საიდან გეგმავს მთავრობა ასეულობით მლნ დოლარის მოძიებას, მაშინ როცა სახელმწიფო ვალი მშპ-ის 60%-ს უახლოვდება, უცნობია

5.CNN: იპოთეკურმა განაკვეთებმა 2009 წლის შემდეგ უმაღლეს დონეს მიაღწია

იპოთეკის განაკვეთები კიდევ გაიზარდა ამ კვირაში და ამ ზრდის ტენდენციის შედეგად განაკვეთებმა ორ პროცენტზე მეტით აიწია მიმდინარე წელს.

Freddie Mac-ის თანახმად, 30-წლიანი ფიქსირებული განაკვეთის იპოთეკა, 5 მაისის მდგომარეობით, საშუალოდ 5,27%-ს შეადგენდა, როცა მხოლოდ 5,10% ფიქსირდებოდა ერთი კვირის წინ. ეს მაჩვენებელი ყველაზე მაღალია 2009 წლის შემდეგ და საკმაოდ აღემატება 2,96%-იან საშუალო მაჩვენებელს.

6.მომგებიანობით საბანკო სექტორის ლიდერი „პროკრედიტ ბანკია“ - რეიტინგი

2022 წლის I კვარტალში საქართველოში მოქმედმა 14-მა კომერციულმა ბანკმა 413,5 მლნ ლარის წმინდა მოგება მიიღო, რაც წინა წლის პირველი კვარტლის ანალოგიურ მაჩვენებელზე 2.5 მილიონი ლარით მეტია.

7.რიკოთის მონაკვეთზე 91 ხიდის და 48 გვირაბის მშენებლობა დასასრულებელია

რიკოთის უღელტეხილზე სამშენებლო სამუშაოები, განახლებული გეგმის მიხედვით, 2023 წელს უნდა დასრულდეს. როგორც „კომერსანტს“ საავტომობილო გზების დეპარტამენტიდან აცნობეს, 97 ხიდიდან და 51 გვირაბიდან ამჟამად მხოლოდ 6 ხიდისა და 3 გვირაბის მშენებლობაა დასრულებული.

8.შვეიცარიამ რუს ოლიგარქებს აქტივების 4% - $7.6 მლრდ ჩამოართვა

ბოლო 70 დღეში ევროპაში რუს ოლიგარქებს ათობით იახტა და ვილა ჩამოართვეს, ბანკებში კი მილიარდობით დოლარის ანგარიშები გაუყინეს, თუმცა როგორც აღმოჩნდა დაყადაღებული ან ჩამორთმეული აქტივები დატაცებული ქონების მხოლოდ მცირე ნაწილია. კრემლის ღია კრიტიკოსის და Hermitage Capital Management-ის აღმასრულებელ დირექტორ ბილ ბრაუდერის განცხადებით შვეიცარიის ხელისუფლების მიერ რუსი ოლიგარქებისთვის ჩამორთმეული $7.6 მლრდ შეურაცხმყოფელია, იმ ფონზე, როდესაც შვეიცარიის ბანკებში $200 მლრდ-ის ტოლი რუსული აქტივები ინახება.

9.,თოლიას“ პროდუქცია საშუალოდ 12%–ით გაძვირდა

მიმდინარე თვეში ,,თოლია“ ვაკის პარკში ახალ სანაყინეს ხსნის. წელს ეს რიგით მესამე სანაყინეა. გარდა ახალი ობიექტისა, „თოლიამ“  გაყიდვებში რამდენიმე ახალი გემოს ნაყინი ჩაუშვა. როგორც ,,თოლიას“ გაყიდვების დეპარტამენტის ხელმძღვანელი სანდრო ლომთაძე  ამბობს, ასორტიმენტს დაემატება ახალი პროდუქტები: ცივი და ცხელი ყავა, მაფინები და სხვადასხვა დასახელების ნამცხვარი, რომელთა შეძენას მალე ნებისმიერ სანაყინეში შეძლებს მომხმარებელი.

10.აპრილში ქუთაისის საერთაშორისო აეროპორტში მგზავრთნაკადის 87%, რეისების რაოდენობის კი 110% აღდგა

ქუთაისის საერთაშორისო აეროპორტში საჰაერო მიმოსვლის დადებითი დინამიკა 2022 წლის დასაწყისშიც კვლავ ნარჩუნდება.

საქართველოს აეროპორტების გაერთიანების ინფორმაციით, 2022 წლის აპრილის თვეში, 2019 წლის ანალოგიურ პერიოდთან შედარებით, დავით აღმაშენებლის სახელობის აეროპორტში მგზავრთნაკადის 87% აღდგა. 2022 წლის აპრილში, ქუთაისის საერთაშორისო აეროპორტი 59,033 მგზავრს მოემსახურა. (2019 წლის აპრილი 67,530 მგზავრი).