დღის ტოპ 10 საინტერესო სიახლე
1. თიბისიმ საკომისიოს სახით საქართველოს ბანკზე 10 მლნ ლარით მეტი მიიღო
კომერციული ბანკებისთვის შემოსავლის მთავარ წყაროს გაცემულ სესხზე დარიცხული საპროცენტო სარგებელი წარმოადგენს, თუმცა მათთვის არასაპროცენტო შემოსავლებიც მნიშვნელოვანია. თიბისი ბანკმა საკომისიოს სახით 2022 წლის 3 თვეში 58,240,214 ლარის შემოსავალი მიიღო, საქართველოს ბანკმა - 47,598,928 ლარი.
2. გაერთიანებული წყალმომარაგების კომპანიამ 2016-2020 წლებში 460 მლნ ლარით იზარალა
საქართველოში სახელმწიფო კომპანიების აბსოლუტური უმრავლესობა ზარალიანია. მათგან ერთ-ერთი გაერთიანებული წყალმომარაგების კომპანიაა, რომლის ზარალმაც 2020 წელს 205 მლნ ლარს და ბოლო 5 წელიწადში 460 მლნ ლარს მიაღწია, თუმცა წყალმომარაგების პრობლემა რეგიონებში დღემდე არ მოგვარებულა და პრემიერისვე აღიარებით, 2030 წლამდე ვერც მოგვარდება.
3.ლარი პანდემიამდელ მაჩვენებელს უახლოვდება
ლარი გამყარებას განაგრძობს და პანდემიამდელ მაჩვენებელს უახლოვდება. 1 აშშ დოლარის ღირებულებამ 23 მაისს თბილისის დროით 12:00 სთ-ისთვის 2.8800 შეადგინა, რაც 2020 წლის 12 მარტის შემდეგ ყველაზე დაბალი მაჩვენებელია.
4.გეოპოლიტიკური კონტექსტი საქართველოს ლოგისტიკურ როლს კიდევ უფრო აძლიერებს - სალომე ზურაბიშვილი
საქართველოს პრეზიდენტმა, სალომე ზურაბიშვილმა გაეროს აზიისა და წყნარი ოკეანეთის ეკონომიკური და სოციალური კომისიის 78-ე სესიას სიტყვით მიმართა.
5.პოლონეთმა რუსეთს გაზის მიწოდების კონტრაქტი ვადაზე ადრე გაუწყვიტა
პოლონეთის მთავრობა რუსული გაზის მიწოდებაზე კონტრაქტს ვადაზე ადრე წყვეტს. ამის შესახებ პოლონეთის მთავრობის რწმუნებულმა სტრატეგიული ენერგეტიკული ინფრასტრუქტურის საკითხებში მეტერ ნაიმსკიმ პოლონეთის რადიოს ეთერში განაცხადა.
6.ევროპა აგრძელებს რუსეთში ნავთობისა და გაზის ყიდვას და მილიარდი ევროს გაგზავნას ყოველდღიურად - პოდოლიაკი
ევროპა აგრძელებს რუსეთის ფედერაციაში ყოველდღიურად მილიარდი ევროს გაგზავნას ნავთობისა და გაზის შესასყიდლად. ამავდროულად, უკრაინელები აგრძელებენ ევროპის საზღვრებისა და დემოკრატიული ცივილიზაციის დაცვას - ამის შესახებ უკრაინის პრეზიდენტის აპარატის უფროსის მრჩეველმა მიხაილო პოდოლიაკმა Twitter-ზე განაცხადა.
7. ლარის ზედმეტად გამყარების გარკვეული ნიშნები უკვე სახეზეა - თიბისი კაპიტალი
„ინფლაციის შემცირების კუთხით ლარის ბოლოდროინდელი გამყარება ძალზედ მნიშვნელოვან როლს ასრულებს. სამომავლოდ, ლარის შემდგომი გამყარების არგუმენტები კვლავაც სავალუტო ბაზარზე დოლარის ძლიერი მიწოდება და გამკაცრებული მონეტარული პოლიტიკაა, თუმცა უნდა აღინიშნოს, რომ ლარის ძირითად სავაჭრო პარტნიორებთან მიმართებით საშუალო კურსიდან გამომდინარე, მისი ზედმეტად გამყარების გარკვეული ნიშნები უკვე სახეზეა“, — ამის შესახებ ამის შესახებ „თიბისი კაპიტალი“ ყოველკვირეულ განახლებაშია აღნიშნული.
8. რუსეთიდან ფულადი გზავნილები 8.1%-ით არის შემცირებული - გიორგი კაკაურიძე
2022 წლის პირველი კვარტლის მონაცემებით, საქართველოში ფულადი გზავნილები 8%-ით გაიზარდა — ამის შესახებ ფინანსთა მინისტრის მოადგილემ გიორგი კაკაურიძემ პარლამენტში კომიტეტების სხდომაზე განაცხადა.
9. ლონდონის საფონდო ბირჟაზე საქართველოს ბანკის აქციების ფასი გაიზარდა, თიბისი ბანკის - შემცირდა
ლონდონის საფონდო ბირჟაზე სამი ქართული კომპანიის კაპიტალიზაცია 1.698 მლრდ გირვანქა სტერლინგია — გასულ კვირასთან შედარებით 62 მლნ-ით მეტი. Galt and Taggart-ის მიმოხილვის მიხედვით, გასულ კვირასთან შედარებით, გაზრდილია ორი ქართული კომპანიის აქციების ფასი.
10. რუსეთში Zara-ს ტანსაცმლის მაღაზიების გახსნა იგეგმება – როგორ იცილებენ სანქციებს გლობალური კომპანიები
ესპანური ჰოლდინგი Inditex რუსეთში Zara-ს ტანსაცმლის მაღაზიების გახსნას გეგმავს. ამის შესახებ ინფორმაციას Izvestia წყაროზე დაყრდნობით ავრცელებს. გამოცემა წერს, რომ Zara ბაზარს შესაძლოა სხვა ბრენდით დაბრუნდეს - მაგალითად ისე, როგორც სწრაფი კვების რესტორნების ქსელი McDonald's და საიუველირო სახლი Pandora. Inditex-მა უკრაინაში დაწყებული ომის გამო რუსეთში მუშაობა მარტის დასაწყისში შეაჩერა.
ტოპ10
