დღის ტოპ 10 საინტერესო სიახლე

1.„რეფინანსირების განაკვეთი 7.25%-მდე დაიკლებს“ - როდის გაუიაფდება 190 ათასამდე ადამიანს სესხი

საქართველოს ეროვნული ბანკის მონეტარული პოლიტიკის კომიტეტმა რეფინანსირების განაკვეთი უცვლელად 10.5%-ზე შეინარჩუნა. როგორც სებ-ში განმარტავენ, განაკვეთის შენარჩუნების მიზეზი მაღალი ინფლაცია გახდა. ეროვნული ბანკის შეფასებით, ინფლაციამ კლება გაზაფხულიდან უნდა დაიწყოს, სწორედ ამის პარალელურად რეგულატორი რეფინანსირების განაკვეთის შემცირებასაც დაიწყებს.

2.აქტივებზე მომგებიანობით თიბისი ლიდერობს, კაპიტალზე მომგებიანობით - საქართველოს ბანკი

კაპიტალზე უკუგების კოეფიციენტით საქართველოს ბანკი თიბისი ბანკს სჯობნის, აქტივებზე უკუგებით კი ლიდერად ისევ თიბისი რჩება. 2021 წლის მეოთხე კვარტლის ანგარიშის თანახმად, საქართველოს ბანკის პირველადი ძირითადი კაპიტალი 2,381,240,371 ლარს შეადგენს, თიბისის 15,9%-ით მეტს - 2,759,894,404 ლარს. საქართველოს ბანკის მთლიანი აქტივები 21,788,183,848 ლარს შეადგენს, თიბისის აქტივები - 23,405,201,114 ლარს.

3.ქართული ღვინო აშშ-ში რუსეთთან შედარებით 129%-ით ძვირად იყიდება

2021 წელს საქართველომ რეკორდული თანხის - $240 მლნ-ის და რეკორდული რაოდენობის 107 მლნ ბოთლი ღვინო გაყიდა. მთავარ ბაზრად ისევ რუსეთი რჩება, თუმცა მისი წილი 57%-დან 55%-მდე შემცირდა. არც თუ ისე დიდი ხნის წინ კი 60%-ს აღემატებოდა. თუ ღვინოს ლიტრებში გავზომავთ, მაშინ რუსეთის წილი 59% გამოდის, 1 ლიტრი ღვინის საექსპორტო ღირებულება რუსეთში $2.76-ს შეადგენს, მსოფლიოში მთლიანად 7.6%-ით მეტს - $2.97-ს. შედარებისთვის, ჩინეთში ქართული ღვინო $3.73-ად იყიდება, ხოლო შეერთებულ შტატებში $6.33-ად. ყველაზე მაღალი - $32-იანი ფასი სინგაპურშია, მაგრამ მისი წილი მთლიანი ექსპორტირებული ღვინის 0.03%-ზე ნაკლებია.

4. თითქმის გადაწყვეტილია - ავიაკომპანიები ბილეთებს აძვირებენ

საავიაციო ნავთის მკვეთრი გაძვირების პირობებში ავიაკომპანიებს ფასების შენარჩუნების რესურსი არ დარჩათ. საწვავის მაღალი ფასის გამო საერთაშორისო რეისებზე მომუშავე კომპანიები მასიურად გეგმავენ ცვლილებას. დაახლოებით ერთ კვირაში ცნობილი გახდება, რა მაჩვენებლით მოიმატებს ფასი, თუმცა საქართველოში შიდა ფრენებზე ეს ცვლილება არ ვრცელდება და ხარჯში სხვაობას კვლავინდებურად სახელმწიფო ბიუჯეტიდან დაასუბსიდირებს.

5. ფასები ისევ მატულობს - ბიზნესი ლარს ვერ ენდობა

ლარი ყველა პარტნიორ ვალუტასთან მიმართებაში მყარდება. წესით, ნორმალური ეკონომიკის პირობებში, ფასების კლების ტენდენცია უკვე უნდა გამოიკვეთოს, მაგრამ ბიზნესი არ ჩქარობს. მეტიც, ,,კომერსანტთან“ ბიზნესმენთა ერთი ნაწილი ამბობს, რომ ლარს არ ენდობიან და არ გამორიცხავს, სიტუაცია მოულოდნელად შეიცვალოს და ლარის კურსმა გეზი გაუფასურებისკენ აიღოს.

6. მწვანე პასპორტის გაუქმების შემდეგ ვაქცინაციის დღიური მაჩვენებელი განახევრდა

8 თებერვალს საქართველოში კოვიდის საწინააღმდეგო 3566 აცრა ჩატარდა. მწვანე პასპორტის მოთხოვნის ვალდებულების გაუქმებამდე სამუშაო დღეებში აცრის მაჩვენებელი 8000-8500-ის ფარგლებში მერყეობდა. რეგულაციის მოხსნამ მიმართვიანობა 55%-ით შეამცირა.

7. ინფიცირებულთა და კონტაქტირებულთა იზოლაციისა და კარანტინის ვადები მცირდება

COVID-19-ით დაავადებულთა და მათთან კონტაქტირებულთა იზოლაციისა და კარანტინის ვადები მცირდება. ამის შესახებ ინფორმაციას ჯანდაცვის სამინისტრო ავრცელებს.

8. ბაბუის დანატოვარი ჩარხით დაწყებული ბიზნესი - ხის უნიკალური ნაკეთობები მაღალმთიანი აჭარიდან

რესან ჟოჟაძე - ახალგაზრდა ქედელი მეწარმე, რომელიც წლების წინ გაჭირვებას თურქეთში გაექცა, დღეს არა მხოლოდ რეგიონის, ქვეყნის მასშტაბითაც ერთ-ერთი წარმატებული მეწარმეა. როგორც თავად გვიამბობს, დურგლის ხელობას ბაბუისგან ეზიარა, ბაბუა თავისი მამისგან და ა.შ., ხელობა შთამომავლობიდან შთამომავლობას გადაეცა.

9. მიკროსაფინანსო ბაზარზე დასაქმებულთა 37% „კრისტალზე“ და „რიკო ექსპრესზე“ მოდის

ქართული მიკროსაფინანსო ბაზარი 4 041 ადამიანს ასაქმებს. მისო-ებიდან ყველაზე მსხვილი დამსაქმებელი „კრისტალია“ — 996 თანამშრომლით, მეორე ადგილზე „რიკო ექსპრესია“ — 501 დასაქმებულით, მესამეზე კი „სვის კაპიტალი“ 352 დასაქმებულით. მიკროსაფინანსო ბაზარზე დასაქმებულთა 37% „კრისტალზე“ და „რიკო ექსპრესზე“ მოდის.

10. პირველი და დიდი ნაბიჯი: შვედეთმა პანდემია დასრულებულად გამოაცხადა! - შეჩერებულია ტესტირება, მოხსნილია შეზღუდვები...

მეცნიერების გაფრთხილების მიუხედავა დ, შვედეთმა პანდემია დასრულებულად გამოაცხადა და თითქმის ყველა შეზღუდვა გააუქმა. ქვეყანაში ჯანდაცვის სფერო, კორონავირუსის გამო, ჯერ კიდევ გადატვირთულია, თუმცა ხელისუფლებამ ეს გადაწყვეტილება მაინც მიიღო.