დღის ტო 10 საინტერესო სიახლე

1. ფარმაცევტული კომპანიები ვერ აკონკრეტებენ, როდის შეძლებენ მედიკამენტების იმპორტს თურქეთიდან

მედიკამენტების გაიაფებასთან დაკავშირებით ქართული ფარმაცევტული კომპანიები თურქულ მხარესთან მოლაპარაკებებს აწარმოებენ, თუმცა ჯერჯერობით მედიკამენტების არც ერთი პარტია დაკონტრაქტებული არ არის, ვინაიდან ხელშეკრულება მხარეებს შორის არ გაფორმებულა.

2. „ადუღებული“ და „ჯიბეზე ნაგრძნობი“ 10,6%–იანი ეკონომიკური ზრდა vs 23%-ით გაზრდილი სიღარიბე - ეკონომიკის 2022 წლის პროგნოზები

„როდესაც ეკონომიკა იზრდება 10.6%-ით, ეს ნიშნავს იმას, რომ 10.6%-ით უმჯობესდება ქვეყანაში ეკონომიკური ვითარება. ეს ჯიბეზე იგრძნო ადამიანების დიდმა ნაწილმა, დიდმა ნაწილმა ვერ იგრძნო“, - ამის შესახებ „ქართული ოცნების“ თავმჯდომარემ, ირაკლი კობახიძემ 2021 წლის ეკონომიკური ზრდის შეფასებისას განაცხადა.

3.საქართველოს ავიაბაზარზე ახალი ავიაკომპანია Condor Airlines შემოდის

1-ლი მაისიდან, საქართველოს ავიაბაზარზე ოპერირებას ახალი ავიაკომპანია Condor Airlines იწყებს. საქართველოს აეროპორტების გაერთიანებამ გერმანულ ავიაკომპანიასთან მოლაპარაკებების საბოლოო რაუნდი წარმატებით დაასრულა. ინფორმაციას აეროპორტების გაერთიანება ავრცელებს.

4. კაპიტალის ბაზარზე სტაგნაცია ნარჩუნდება

კაპიტალის ბაზრის პრობლემა საქართველოში ისევ აქტუალურია. თუ 90-იანი წლების მეორე ნახევარში საბანკო სფერო გაიმართა და დღემდე წარმატებით ფუნქციონირებს, საფონდო ბირჟის არსებობა ფორმალურ ხასიათს ატარებს.  

5. ქართველმა ახალგაზრდა გამომგონებლებმა ელექტროენერგიის მიღების განსხვავებული მეთოდი იპოვეს

მეათეკლასელი გამომგონებლებმა დაამტკიცეს, რომ ელექტროენერგიის მიღების განსხვავებული, აქამდე უცნობი მოდელიც არსებობს. ელექტროენერგია მათ თერმული წყლებისგან მიიღეს.

6. ენერგეტიკის სფეროში საკადრო ცვლილებებზე საუბრობენ

მთავრობა ენერგეტიკის დარგში, სავარაუდოდ, საკადრო ცვლილებებს იწყებს. პირველი შეიძლება საქართველოს სახელმწიფო ელექტროსისტემა (სსე) აღმოჩნდეს. ამის შესახებ ,,კომერსანტს“ კომპანიასთან დაახლოებულმა წყარომ, კონფიდენციურობის პირობის დაცვით აცნობა.

7. „მუშაობას ვანახლებთ, თუმცა მწვანე პასპორტებს ჯერჯერობით ძალაში ვტოვებთ” - კლუბი „ხიდი“

საკლუბო ინდუსტრია საქმიანობას 5-6 მარტიდან განაახლებს, თუმცა ძალაში რჩება შეზღუდვა, რომლის თანახმად, კლუბებში სტუმართა შესაძლო მაქსიმალური ოდენობის 60% დაიშვება. აღნიშნული ინფორმაცია მთავრობის ადმინისტრაციის პრეს–სამსახურმა 15 თებერვალს გაავრცელა. 

8. იანვარში საქართველოში საჰაერო სატვირთო გადაზიდვების ბაზარი 5%-ით გაიზარდა

2022 წლის იანვარში 2021 წლის იანვართან შედარებით საქართველოში საჰაერო სატვირთო გადაზიდვების ბაზარი 5%-ით გაიზარდა.

9. გაზი, ინვესტიციები, ვაჭრობა - რუსეთ-გერმანიის ეკონომიკური ურთიერთობები

ოფიციალური მონაცემებით 2021 წელს რუსეთ-გერმანიის სავაჭრო ბრუნვამ $57 მილიარდს გადააჭარბა და ჩინეთის შემდეგ, გერმანია რუსეთის რიგით მეორე სავაჭრო პარტნიორი გახდა.

10. მსოფლიო ბანკი: საქართველოში ფულის გათეთრების რისკებს ნაღდი ფულით ტრანზაქციები ქმნის

მსოფლიო ბანკი მიიჩნევს, რომ საქართველოში ფულის გათეთრების რისკებს ძირითადად ნაღდი ფულის ფართო გამოყენება ქმნის. ამის შესახებ საქართველოს საფინანსო სექტორის შეფასების ახალ ანგარიშშია ნათქვამი.