დღის ტოპ 10 საინტერესო სიახლე
1. „ბოლო 10-15 წელია, რაც ლართან დაკავშირებით ხდება, ხელოვნურია“ - თემურ ბასილია
რამდენიმეკვირიანი გამყარების ტრენდის შემდეგ, ბოლო დღეებია ეროვნული ვალუტა წითელ ზონაში დაბრუნდა. 15 თებერვლის ვაჭრობის შედეგად კი ეროვნული ვალუტა დოლართან მკვეთრად – 5.9 თეთრით, ევროსთან კი 7.5 თეთრით გაუფასურდა. 16 თებერვლის ვაჭრობის შედეგად კი ლარი აშშ დოლართან მიმართებაში 3.42 თეთრით 2.9934-მდე, ხოლო ევროსთან 2.83 თეთრით 3.4065-მდე გამყარდა.
2.Moderna–ს ხელმძღვანელი: პანდემიის დასასრული ახლოვდება
ამერიკული ფარმაცევტული კომპანიის Moderna გენერალურმა დირექტორმა სტეფან ბენსელმა განაცხადა, რომ „გონივრული იქნება ვივარაუდოთ, რომ მსოფლიო კორონავირუსის პანდემიის ფინალურ სტადიას უახლოვდება“.
3.მცირე შეჭრა თუ სრულმასშტაბიანი ომი? – რა ელის საქართველოს უკრაინის კრიზისის დასრულების შემდეგ
სიტუაციის ოდნავი დასტაბილურების მიუხედავად, უკრაინაში რუსეთის შეჭრის მაღალი ალბათობა კვლავ ნარჩუნდება. ჯარის მცირე ნაწილის გაყვანის მიუხედავად, 140 000-იანი არმია თავისი ჯავშანტექნიკით, ფლოტითა და ავიაციით უკრაინა თავად რუსეთიდან, ანექსირებული ყირიმიდან, ბელარუსიდან, ოკუპირებული დნესტრისპირეთიდან, შავი და აზოვის ზღვებიდან ახლაც ალყაში ჰყავს მოქცეული.
4.2,5-ჯერ გაზრდილი ხარჯი და მუშახელის დეფიციტი - ,,გრინპაკის“ პანდემიური გამოწვევები
პანდემიამ ქაღალდისა და მუყაოს პროდუქციის მწარმოებელ უმსხვილეს ქართულ კომპანია ,,გრინპაკს“ პრობლემა შეუქმნა. ჩინეთიდან ლოგისტიკის კატასტროფული გაძვირების შემდეგ კომპანიამ აქცენტი თურქულ ბაზარზე აიღო, თუმცა მდგომარეობას ვერც ამან უშველა.
5.საქართველოში 700-ზე მეტი ბალნეოლოგიური და სამრეწველო დანიშნულების თერმული წყლის საბადოა
საქართველოში თერმული და მინერალური წყლების დიდი ნაწილი აუთვისებელია. ამ რესურსის უნიკალური თვისებების შესახებ ჩვენმა წინაპრებმა კარგად იცოდნენ და ოდითგანვე მათ სხვადასხვა დაავადების სამკურნალოდ იყენებდნენ.
6. მედიკამენტების იმპორტიორებისთვის GMP-ის სერტიფიკატის ვალდებულების კანონპროექტი დამტკიცდა
პარლამენტმა წამლისა და ფარმაცევტული საქმიანობის შესახებ კანონპროექტი მესამე მოსმენით დაამტკიცა, რომლის თანახმადაც ფარმაცევტული პროდუქტების იმპორტიორებისთვის GMP-ის (კარგი საწარმოო პრაქტიკა) სერტიფიკატი სავალდებულო გახდება.
7. ქონების ეროვნული სააგენტო ბაზალეთის ტბის პირველ ზოლს ყიდის
სახელმწიფო ქონების ეროვნული სააგენტო ბაზალეთის ტბის პირველ ზოლში 88 854 კვ.მ. მიწის ნაკვეთს ყიდის. არასასოფლო-სამეურნეო დანიშნულების მიწის ნაკვეთის ელექტრონული აუქციონის ფორმით 1 333 000 ლარად იყიდება.
8. ეკონომიკური თავისუფლების ინდექსში საქართველო 26-ე ადგილზეა – მას 14–მა ქვეყანამ გაუსწრო
ეკონომიკური თავისუფლების ინდექსის მიხედვით, საქართველო 71.8 ქულით, მსოფლიოში 26-ე ადგილს იკავებს, ხოლო ევროპის რეგიონის 45 ქვეყანას შორის მე-18 ადგილზეა და მისი საერთო ქულა რეგიონულ და მსოფლიო საშუალო მაჩვენებელს აღემატება.
9. სახელმწიფო საგარეო ვალი წლიურად 311,591 მლნ დოლარით გაიზარდა
ერთ წელიწადში საქართველოს სახელმწიფო საგარეო ვალი 311,591 მლნ დოლარით გაიზარდა, იანვარში წინა თვესთან შედარებით კი, 103,853 მლნ დოლარით შემცირდა.
10. უკრაინელმა მაკსიმ პოლიაკოვმა აეროკოსმოსური კომპანიის Firefly Aerospace აქციების საკონტროლო პაკეტი $1–ად გაყიდა
უკრაინელმა მაკსიმ პოლიაკოვმა, აშშ–ის მთავრობის მოთხოვნით, აეროკოსმოსური კომპანიის Firefly Aerospace წილი 58% $1–ად გადასცა მის თანადამფუძნებელს თომას მარკუსიკს. ამის შესახებ პოლიაკოვი სოციალურ ქსელში წერს.