დღის TOP10 საინტერესო ამბავი:
1. მართლა გაანადგურა თუ არა ბენდუქიძემ სოფლის მეურნეობა - რას ამბობენ რიცხვები
საქართველოს უახლეს ისტორიაში თუ ვინმე სადავო ფიგურაა, მათ შორის ერთ-ერთი კახა ბენდუქიძეა. მოსახლეობის ერთი ნაწილისთვის ის რეფორმატორი და ეკონომიკური ზრდის ტემპის დამაჩქარებელია, მეორე ნაწილისთვის გამყიდველი და სოფლის მეურნეობის გამანადგურებელი.
2. 5 წელიწადში თბილისში ამორტიზებული გაზის მილების 95% გამოიცვლება
თბილისში ძველი, საბჭოთა დროინდელი გაზის მილების ჩანაცვლებისა და რეაბილიტაციის პროცესი აქტიურ გაზაშია. თბილისის იმ უბნებში, სადაც ქსელები თითქმის ამორტიზებული იყო, მილების 60% ჩანაცვლდა.
3. არასაბანკო დეპოზიტების თითქმის 64% 5 ბანკშია განთავსებული - ლიდერი საქართველოს ბანკია
საბანკო სექტორში განთავსებული არასაბანკო დეპოზიტების მოცულობამ 2021 წლის პირველი ივლისისათვის 34.53 მლრდ ლარი შეადგინა, რაც 887.45 მლნ ლარით, ანუ 2.51%-ით ნაკლებია პირველი ივნისისათვის არსებულ მაჩვენებელზე (გაცვლითი კურსის ეფექტის გარეშე 0.10%-ით ნაკლები).
4. ოკუპირებული აფხაზეთი ციტრუსის ექსპორტს ზრდის, გალელებს კი მინიმალური მოგებაც არ რჩებათ
ოკუპირებულ აფხაზეთში ციტრუსის მოსავალი და ექსპორტიც გაიზარდა. თუმცა ამით მოსახლეობა რეალურ სარგებელს ვერ იღებს. ამის მიზეზი პროდუქტის დაბალი ფასია, რის გამოც ციტრუსის წარმოების მიმართ ხალხმა ინტერესი დაკარგა. ძირითადი ბაზარი კრასნოდარის მხარე და სომხეთია, სადაც ქართველებისგან მინიმალურ ფასად შეძენილ ციტრუსს აფხაზი ექსპორტრიორები საკმაოდ სარფიანად ჰყიდიან.
5. აგროწარმოების დივერსიფიცირება რთულ გამოწვევად რჩება
აგრარულ სფეროში დივერსიფიცირებას ფერმერები და დარგის სპეციალისტები წარმოების ზრდის ერთ-ერთ მთავარ ფაქტორად მიიჩნევენ. იმის გამო, რომ აქცენტი მონოკულტურაზე კეთდება, მოსავლიანობასთან დაკავშირებული მცირე პრობლემაც კი ფერმერებს გამოუვალ მდგომარეობაში მასობრივად აყენებს და მთავრობის დახმარების გარეშე დაბრკოლებას ვერ უმკლავდებიან.
6. მთავრობა ნასესხები თანხების ნაწილს ვერ ითვისებს
იანვარ-აგვისტოში საგარეო ვალით დაფინანსებულ საინვესტიციო პროექტების განხორციელების ნაწილში მნიშვნელოვანი ჩავარდნა შეინიშნება. კერძოდ, 16 პროექტის შემთხვევაში, საკრედიტო რესურსის ათვისების მაჩვენებელი 9 თვის გეგმის 40%-ზე ნაკლებია, მათ შორის 6 პროექტის შემთხვევაში თანხების ათვისების მაჩვენებელი 0 ლარია.
7. დაანონსებული რეგულაციების ფონზე ტურისტულ ინდუსტრიაში ჯავშნები გააქტიურდა
მთის კურორტებზე მდებარე სასტუმროებმა ჯავშნების მიღება დაიწყეს. მიუხედავად იმისა, რომ რეგულაციები მკაცრდება და პერსპექტივა ჯერ ისევ გაურკვეველია, სასტუმრო და სარესტორნო ინდუსტრიის წარმომადგენლები მიმდინარე სეზონზე გარკვეულ იმედს ამყარებენ და აცხადებენ, რომ შარშანდელთან შედარებით, მდგომარეობა გამოსწორდა.
8. თურქული ვალუტა მიმდინარე წელს 29%-ით გაუფასურდა - $1-ის ფასი 10 ლირას უახლოვდება
თურქული ლირა ვარდნას განაგრძობს. Bloomberg-ის სავაჭრო პლატფორმაზე, 22 ოქტომბერს, თბილისის დროით 15:00 სთ-ზე 1 აშშ დოლარის ღირებულებამ 9.6 ლირას გადააჭრბა, რაც თურქეთის ეროვნული ვალუტისთვის მორიგი ანტირეკორდია. ბოლო ორ კვირაში ლირა დამატებით 7%-ით გაუფასურდა, ბოლო ერთ თვეში 11%-ით, წლის დასაწყისიდან დღემდე კი 29%-ით. 1-ელ იანვარს კურსი 7.4-ს შეადგენდა.
9. გაზის დეფიციტი ევროპის მრეწველობას უტევს
ექსპერტების აზრით, ენერგოკრიზისი, რომელიც დღეს ევროპას ახრჩობს, ჯერ მხოლოდ საწყის სტადიაზეა - სავარაუდოდ, გაზის ღირებულების კატასტროფული ზრდა სხვა ენერგომატარებლების ბაზრებსაც შეეხება.
10. დონალდ ტრამპი საკუთარ სოციალურ ქსელს ქმნის
Truth social - ასე ერქმევა სოციალურ ქსელს, რომელიც აშშ-ის ექსპრეზიდენტის დონალდ ტრამპის ინიციატივით შეიქმნა. თეთრი სხლის ყოფილი ლიდერი იმედოვნებს, რომ ახალი პორექტი დაეხმარება წინააღმდეგობა გაუწიოს “დიდი ტექნოლოგიური კომპანიების ტირანიას“ .
საინტერესო ამბები
