დღის TOP10 საინტერესო ამბავი:
1. ბუნდოვანი კანონმდებლობა და ტექნიკური პრობლემები - რა აფერხებს თიზ-ებში კრიპტოვალუტის წარმოების გაფართოებას
კრიპტოვალუტის წარმოების გააქტიურებასთან ერთად, თავისუფალ ინდუსტრიულ ზონებში (თიზ) მაინინგთან დაკავშირებით არაერთი კითხვა გაჩნდა. თიზ-ების წარმომადგენლების ნაწილი კანონმდებლობის დახვეწას ითხოვენ.
2. ოქტომბერში სურსათი 18.4%-ით გაძვირდა
წლიური ინფლაციის განაკვეთმა ოქტომბერში 12.8%-ს მიაღწია, ინფლაციაზე ყველაზე დიდი გავლენა სურსათის 18.4%-ით გაძვირებამ იქონია.
3. გლობალურ ბაზრებზე სურსათის გაძვირების ახალი ტალღა იწყება - რა მოლოდინი აქვთ ქართველ იმპორტიორებს
საერთაშორისო ბაზრებზე საკვები პროდუქტების გაძვირებას პროგნოზირებენ. მსოფლიო ბაზრების ანალიტიკოსების ინფორმაციით, ამის მიზეზი ხორბლის მაღალი ფასია, რაც გავლენას სხვა კატეგორიის საკვებ პროდუქტებზეც მოახდენს. ამის შესახებ Bloomberg წერს.
4. ლავრენტი ბერიას კოჯრის აგარაკის ბედი უახლოეს მომავალში გადაწყდება
კოჯორში მდებარე, ლავრენტი ბერიას ცნობილი აგარაკის ბედი უახლოეს მომავალში გადაწყდება. ახლა ინვესტორი ექსპერტიზის დასკვნას ელოდება, რომელმაც შენობა-ნაგებობების მდგრადობის ხარისხი უნდა დაადგინოს. სწორედ ამის შემდეგ გახდება ცნობილი თუ როგორ განავითარებენ რეზიდენციას, რომელიც ზუსტად 120 წლის წინ აშენდა.
5. ქართული წვენი „ალალი“ ბალტიისპირეთისა და ჩეხეთის ბაზრებზეც გაიყიდება
როგორც პროდუქციის მწარმოებელი კომპანია „აჩინებულის“ დამფუძნებელმა გოჩა ღვინეფაძემ ,,კომერსანტთან“ განაცხადა, თელავში წარმოებული „ალალი“ საექსპორტო ბაზრებზე საკმაოდ მოთხოვნადია.
6. ვაკის პარკის კასკადის სარეაბილიტაციო სამუშაოებს გრინსერვისი+ შეასრულებს
ვაკის პარკის ტერიტორიაზე არსებული შადრევნებისა და კასკადის სარეაბილიტაციო სამუშაოებს „გრინსერვისი+“ შეასრულებს. დედაქლაქის მთავრობასა და კომპანიას შორის ხელშეკრულება 22 ოქტომბერს გაფორმდა. ეს რეკრეაციული სივრცის მოწყობის მესამე მცდელობაა, რომელიც პირველი ორისგან განსხვავებით წარმატებით დასრულდა.
7. აისვაინი - გაყინული ყურძნის ძვირადღირებული ღვინო, რომელმაც საქართველოში არ გაამართლა
აისვაინი ღვინოა, რომელიც გაყინული მტევნების დაწურვით მიიღება. გერმანული ამ ტექნოლოგიით ღვინის დამზადება საკმაოდ ძვირი ჯდება და საცალო ფასიც მაღალია. საქართველოში აისვანს კომპანია „თელავის ღვინის მარანი“ აწარმოებდა, რომელმაც არარენტაბელობის გამო ჩამოსხმა შეაჩერა.
8. კატალიზატორების ქურდობა გახშირდა
ბოლო პერიოდში საქართველოში კატალიზატორის ქურდობა გახშირდა. ამის ერთ-ერთი მიზეზი მის შემადგენლობაში არსებული მეტალის მაღალი ფასია, რის გამოც ანალოგიური პრობლემაა თითქმის ყველგან, მათ შორის განვითარებულ ქვეყნებშიც. თუმცა, ჩვენს შემთხვევაში კრიმინალი შეიძლება უფრო მეტად ,,წახალისდეს“ საკანონმდებლო ცვლილების გამოც, რომელიც ავტომობილებში კატალიზატორის ქონის ვალდებულებას შეეხება და 2022 წლიდან ამოქმედდება.
9. რეგიონებში გაზის ტარიფის ზრდა მომსახურების სფეროს და აგრარულ წარმოებას გააძვირებს
გაზის გაძვირება ინფლაციურ წნეხს გაზრდის, რადგან მწარმოებლური პროდუქცია გაიზრდება და ინფლაციაზე აისახება. მცირე და საშუალო საწარმოთა ასოციაციის ხელმძღვანელის მიხეილ ჭელიძის თქმით, გაძვირდება მომსახურების სფერო, განსაკუთრებით სასტუმროები, ასევე აგროწარმოება, სათბურები და სხვა, ყველა ის სერვისი და საწარმო, რომელიც ბუნებრივ აირს მოიხმარენ.
10. Daily Mail: ვაქცინებს შორის ყველაზე საშიშია Johnson & Johnson
Johnson & Johnson-ის ანტიკოვიდური ვაქცინა ადამიანის ორგანიზმში იშვიათი თრომბების განვითარების რისკს ზრდის - ამაზე მეტყველებს ახალი კვლევის შედეგები.