დღის TOP10 საინტერესო ამბავი:
1. ილია ჭავჭავაძე - პირველი ბანკირი საქართველოში
ილია ჭავჭავაძის დაბადების დღეს, 8 ნოემბერს, საქართველოში ბანკირის დღე აღინიშნება. თითქმის 150 წლის წინ, ილია ჭავჭავაძის თაოსნობით, თბილისში სათავადაზნაურო ბანკი გაიხსნა, რომლის მიზანსაც ერთდროულად წარმოადგენდა, როგორც სოფლის მეურნეობის დაკრედიტება, ასევე განათლებასა და სხვა საზოგადოებრივი საქმიანობების დაფინანსება.
2. საპენსიო ფონდის მომგებიანობა ინფლაციას 7%-ით ჯობნის, რაც დამაკმაყოფილებელი მაჩვენებელია - მელიქიძე სურგულაძეს პასუხობს
საპენსიო ფონდის მომგებიანობა 2019 წლის 1-ლი იანვრიდან 2021 წლის 30 ივნისამდე შეადგენდა 24.5%-ს, ამავე პერიოდში ინფლაციის ცვლილება 17.8%, ხოლო ლარის კურსის ცვლილება აშშ დოლართან მიმართებაში 18.24% იყო.
3. ირაკლი ღარიბაშვილი: წელს გვექნება ორნიშნა ეკონომიკური ზრდა, მშპ 58.7 მილიარდი ლარი გახდება
“9 თვის რეალურმა ეკონომიკურმა ზრდამ შეადგინა 11.3%, გადაიხედა ეკონომიკური ზრდის პროგნოზიც და ჩვენი ვარაუდით წელს გვექნება ორნიშნა ეკონომიკური ზრდა — ამის შესახებ საქართველოს პრემიერმინისტრმა ირაკლი ღარიბაშვილმა მთავრობის სხდომაზე განაცხადა.
4. საავტომობილო ბიზნესს გამოცოცხლება დაეტყო
საავტომობილო ბიზნესში სიტუაცია შედარებით გამოსწორდა. მართალია, ბაზარი დიდი დატვირთვით ახლაც ვერ მუშაობას, მაგრამ გაუმჯობესება ნამდვილად იგრძნობა. როგორც იმპორტიორები აცხადებენ, იმპორტი არ შეჩერებულა პანდემიურ პერიოდში, შესაბამისად, რეექსპორტშიც ზრდაა, თუმცა ბიზნესი ვითარდება ინერციით და ეს პროცესი შეიძლება პანდემიის პარალელურად გაგრძელდეს.
5. ბიზნესმენებს მოსწონთ მამუკა ხაზარაძის ინიციატივა, თუმცა ყველა ბიზნესი ვერ გადავა წალენჯიხაში
“კომერსანტმა“ ხაზარაძის ეს ინიციატივა ბიზნესმენებს ცეზარ ჩოჩელს და ირაკლი როსტომაშვილს შეაფასებინა, ორივე მათგანი ფიქრობს, რომ აღნიშნული ინიციატივა საინტერესოა და რეგიონს განვითარებაში ხელს შეუწყობს.
6. პოლიტიკური დაძაბულობა ინვესტიციების მოზიდვის შესაძლებლობას კიდევ უფრო ასუსტებს
პოლიტიკური არასტაბილურობის, სავალუტო რყევებისა და პანდემიის ფონზე სპეციალისტები ინვესტიციების მოზიდვის შესაძლებლობას ნაკლებად ხედავენ. ისინი ფიქრობენ, რომ ინვესტორებზეც უკვე ფსიქოლოგიური ფაქტორი მოქმედებს, რაც ინვესტიციებს დიდ რისკს უქმნის და სამომავლო პოტენციალსაც ამცირებს.
7. პენსიონერები აცრის შემთხვევაში ერთჯერად 200 ლარიან დანამატს მიიღებენ
ყველა ის პენსიონერი, რომელიც 8 ნოემბრიდან 31 დეკემბრის ჩათვლით აიცრება პენსიაზე ერთჯერად 200 ლარიან დანამატს მიიღებს. ამის შესახებ განცხადება პრემიერ-მინისტრმა ირაკლი ღარიბაშვილმა საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა.
8. ახალგაზრდა არქიტექტორებმა თბილისის ულამაზესი კიბის აღდგენა დაიწყეს
ახალგაზრდა არქიტექტორთა ჯგუფმა, რომელიც ენთუზიასტებს როგორც საქართველოდან, ისე სხვა ქვეყნებიდან აერთიანებს, თბილისის ალბათ ყველაზე ლამაზი კიბის რესტავრაცია დაიწყეს. ეს არქიტექტურული ძეგლი მეტროსადგურ „რუსთაველთან“ ახლოს მდებარეობს და XIX საუკუნეშია აგებული.
9. New York Times: გაძვირება თუ არა ნავთობი 100 დოლარამდე?
ოპეკი, რუსეთი და ნავთობის სხვა მომპოვებელი ქვეყნები ბაიდენის ადმინისტრაციის მხრიდან ზეწოლას არ შეუშინდნენ და მოპოვების აქამდე დადგენილ დღე-ღამეში 400 000 ბარელზე მეტად გაზრდაზე უარი განაცხადეს.
10. BBC: ამერიკა ინფრასტრუქტურაში $1,2 ტრლნ-ს ჩადებს
პრეზიდენტმა ბაიდენმა შუალედურ გამარჯვებს მიაღწია - მის მიერ წარდგენილი სოციალურ-ეკონომიკური პროგრამის ნახევარი კონგრესმა უკვე დაამტკიცა, მეორეს 2-3 კვირის შემდეგ მიიღებს.