დღის TOP10 საინტერესო ამბავი:
1. საქართველოში კოვიდით 25-ჯერ უფრო მეტი ადამიანი დაიღუპა ვიდრე აგვისტოს ომში - ვინ იღებს პასუხისმგებლობას?!
საქართველოში 10 ნოემბერს კოვიდით კიდევ 78 ადამიანი გარდაიცვალა, რამაც ჯამში პანდემიით გამოწვეული მსხვერპლის რაოდენობა 10 662-მდე გაზარდა. მოსახლეობის რაოდენობის გათვალისწინებით საქართველო სიკვდილიანობით მსოფლიოში მე-12 ადგილს იკავებს. იმ ფაქტზე, რომ კოვიდმა უკვე 25-ჯერ მეტი ადამიანი შეიწირა, ვიდრე აგვისტოს ომმა, პასუხისმგებლობა ამ დრომდე არავის აუღია.
2. რატომ ჩავარდა მთავრობის პროექტი „100 საინვესტიციო შეთავაზება ბიზნესს“
საქართველოს მთავრობამ პრივატიზაციის საკითხებში კრახი განიცადა. პროექტი ,,100 საინვესტიციო შეთავაზება ბიზნესს“ ისე დაიწყო, რომ მთავრობაც არ იყო ბოლომდე ჩამოყალიბებული, როგორ აპირებდა ამ პრობლემის გადაწყვეტას, ვერც ბიზნესი დააინტერესა და არასწორი მიდგომით განვითარების ის მცირე შესაძლებლობაც მოსპო, რაც შეიძლება ეკონომიკას მიეღო პრივატიზაციის პროცესისგან.
3. კონკურენციის სააგენტო ფარმაინდუსტრიაზე ჰოლდინგური და არაპროფილური საქმიანობის შეზღუდვის რეკომენდაციით გამოდის
საქართველოს კონკურენციის ეროვნულმა სააგენტომ ფარმაცევტული ბაზრის მონიტორინგის შუალედური ანგარიში წარმოადგინა, რომლის საფუძველზეც დაასკვნა, რომ ბაზარი ჰორიზონტალურად და ვერტიკალურად ინტეგრირებულია.
4. საქართველოს გაუდაბნოების მთავარი საფრთხე სათბურის გაზების ემისიაა
გაერო სათბურის გაზების ემისიების წყაროების სიაში კვების სექტორს პირველ ადგილზე აყენებს. ამ მხრივ საქართველოში საკმაოდ მძიმე ვითარებაა, რადგან თითქმის ყველა რეგიონში გაუდაბნოების პროცესი არის დაწყებული.
5. ბაკურიანის მთავარი პარკის ინფრასტრუქტურის რეაბილიტაცია მესამე წელია, ვერ ხორციელდება
ბაკურიანში, ყველასთვის კარგად ნაცნობ რეკრეაციულ პარკში ტურისტული ინფრასტრუქტურა 3 წელია ვერ მოეწყო. მუნიციპალური განვითარების ფონდის მეორე მცდელობა კურორტზე სარეაბილიტაციო სამუშაოები დაიწყოს — წარუმატებელი აღმოჩნდა.
6. „მგზავრებმა“ გონიოში სასტუმრო „ლაბაუს“ პროექტი გაყიდა
სასტუმროების ქსელმა „მგზავრები“ „ლაბაუს“ ბრენდით გონიოში 5-ვარსკვლავიან სასტუმროს პროექტი გაყიდა. როგორც „ბიზნესპარტნიორს“ ქსელ „მგზავრების“ დირექტორის მოადგილე მადლენა მანუსაჩიანმა განუცხადა, ამ გადაწყვეტილების მიზეზი ახალი მფლობელის მხრიდან მიმზიდველი შემოთავაზება გახდა.
7. ოქტომბერში ქუთაისის საერთაშორისო აეროპორტში მგზავრთნაკადი 48%-ით, რეისების რაოდენობა კი 65%-ით აღდგა
პანდემიის პირობებში, ქუთაისის განახლებულ საერთაშორისო აეროპორტში, საჰაერო მიმოსვლის დადებითი დინამიკა შეიმჩნევა. საქართველოს აეროპორტების გაერთიანების ინფორმაციით, ოქტომბრის თვეში, 2019 წლის ანალოგიურ პერიოდთან შედარებით, დავით აღმაშენებლის სახელობის აეროპორტში მგზავრთნაკადის 48% აღდგა.
8. ჩვენი საინვესტიციო მიზანია, მაქსიმალურად დავამარცხოთ ინფლაცია - ინტერვიუ საპენსიო ფონდის დირექტორთან გოგა მელიქიძესთან
საპენსიო სააგენტოს დაარსებიდან დღემდე 29.1%-იანი მომგებიანობა აქვს. რამდენად კარგ მაჩვენებლად ითვლება მაღალი ინფლაციის ფონზე სააგენტოს არსებული ამონაგები, რა ინსტრუმენტებით იცავს ის საპენსიო თანხებს ინფლაციის გავლენისგან, რა მოვალეობას ასრულებს ახლადარჩეული სპეც. დეპოზიტარი და როგორ უწყობს ხელს ფონდი კაპიტალის ბაზრის განვითარებს? - ინტერვიუ.
9. PlantValley-ს ქართული მარწყვი გვირაბებში მოჰყავს
ოფიციალური სტატისტიკის მიხედვით, საქართველოში ჟოლოს წარმოება მცირდება, მაგრამ ამავე დროს მარწყვის მოსავალი იზრდება. სულ უფრო მეტი ფერმერი ინტერესდება მაღალხარისხიანი ორგანული მარწყვის მოყვანით, რადგანაც ამ კუთხით მნიშვნელოვან აუთვისებელ ნიშას ხედავს.
10. უკრაინა მასშტაბური ენერგოკრიზისის ზღვარზეა
ელექტროენერგიის მიწოდების შეფერხებები უკვე დაფიქსირდა კიევის ოლქის ბევრ ქალაქში და სიფელში და ეს ცალკეული ფაქტები არ არის. ბოლო 6 თვის მანძილზე ქვეყნის მთელს ტერიტორიაზე ელექტროენერგიის გეგმიური თუ ავარიული გათიშვები ჩვეულ მოვლენად იქცა. ისე დაემთხვა, რომ ენერგოსისტემის მაოსბრივი შეკეთებები გლობალურ, ბოლო 40 წლის მანძილზე ყველაზე მასშტაბურ ენერგოკრიზისს დაემთხვა.