დღის TOP10 საინტერესო ამბავი:
1. ქართველი იმპორტიორები ჩინურ ბაზრებს ტოვებენ - რომელი ქვეყანა ჩაანაცვლებს ცისქვეშეთს?
ჩინეთიდან ლოგისტიკის მაღალი ხარჯის გამო ქართველი იმპორტიორები ალტერნატიულ გზებს ეძებენ. მოსალოდნელია, რომ ჩინეთიდან იმპორტი კიდევ უფრო გაძვირდება, რაზეც უცხოურ ანალიტიკურ გამოცემებში ბოლო დროს ინფორმაცია ხშირად ქვეყნდება.
2. ირაკლი ღარიბაშვილი - მედიკამენტების ფასები არის ძალიან გაზრდილი და ჩვენ ვალდებული ვართ, ამაზე მოვახდინოთ დროული რეაგირება
მედიკამენტების ფასები არის ძალიან გაზრდილი და ჩვენ ვალდებული ვართ, ამაზე მოვახდინოთ დროული რეაგირება, - ამის შესახებ საქართველოს პრემიერ-მინისტრმა ირაკლი ღარიბაშვილმა ეკონომიკური საბჭოს სხდომაზე განაცხადა, რომელიც მთავრობის ადმინისტრაციაში გაიმართა.
3. ფარმაცევტული სექტორი ჰოლდინგური სტრუქტურის დაშლის წინააღმდეგია - რეაქცია კონკურენციის სააგენტოს ანგარიშზე
3 წლის შემდეგ კონკურენციის სააგენტომ ფარმაცევტული ბაზრის შესწავლა დაასრულა. ბაზრის ჰოლდინგური სტრუქტურის შეზღუდვა, GMP სტანდარტის შემოღება, ელექტრონული რეცეპტის ერთიანი სისტემის დანერგვა, ეს იმ საკითხების მცირე ჩამონათვალია, რომელთა ამოქმედებისკენაც სააგენტო მთავრობას მოუწოდებს.
4. ნაღდი ლარი მიმოქცევიდან დაახლოებით 10 წელიწადში შეიძლება გაქრეს
ფინანსისტები ფიქრობენ, რომ ფულის გაციფრულების პროცესი საქართველოში დაახლოებით 10 წელიწადში დასრულდება. როგორც ეროვნულ ბანკში სულ ცოტა ხნის წინ განაცხადეს, ციფრული ლარი საპილოტე რეჟიმში ბრუნვაში 2022 წლიდან ჩაეშვება.
5. მთავრობამ ახალი კურორტებისა და ტურისტული მიზიდულობის ცენტრების შესაქმნელად 40–მდე საინვესტიციო შეთავაზება მოამზადა
საქართველოს პრემიერ-მინისტრ ირაკლი ღარიბაშვილის დავალებით, ეკონომიკისა და მდგრადი განვითარების სამინისტრომ ახალი მსხვილი საინვესტიციო პროექტები მოამზადა, რომლებიც საქართველოში ახალი კურორტებისა და ტურისტული მიზიდულობის ცენტრების შექმნას ისახავს მიზნად.
6. ფულის მასა ბოლო 1 წელიწადში 2.1 მლრდ ლარით გაიზარდა
ფულის მასა სექტემბერში, გასული წლის ანალოგიორ პერიოდთან შედარებით, 16%-ით 15.212 მლრდ ლარამდეა გაზრდილი. ფართო ფულის ოდენობა ბოლო 9 თვეში 1.552 მლრდ ლარით, ხოლო ბოლო 12 თვეში 2.144 მლრდ ლარით გაიზარდა.
7. სავარჯიშო დარბაზი „ფიტნეს რეფორმერი“ მომხმარებლების პასპორტიანებად და უპასპორტოებად დაყოფას არ აპირებს
1-ლი დეკემბრიდან საქართველოში ახალი რეგულაცია ამოქმედდება, რომლის თანახმად მომხმარებლები, რომლებიც ვაქცინირებულები არ იქნებიან, სხვადასხვა მომსახურების მიღებას ვეღარ შეძლებენ. მთავრობის ამ გადაწყვეტილებას სავარჯიშო დარბაზი „ფიტნეს რეფორმერი“ სოციალურ ქსელში გამოეხმაურა და აღნიშნა, რომ ეს რეგულაცია დისკრიმინაციულია და მომხმარებლებს აუცრელად და აცრილებად არ დაყოფს და რეგულაციის ამოქმედების შემდეგაც მუშაობას ჩვეულებრივ რეჟიმში გააგრძელებს.
8. აშშ ევროპას აფრთხილებს - მოსკოვი უკრაინაში შეჭრის შესაძლებლობას განიხილავს
აშშ ევროპელ მოკავშირეებს უკრაინაში რუსეთის შესაძლო შეჭრის შესახებ აფრთხილებს, რადგან მოსკოვსა და ბრიუსელს შორის დაძაბულობა მიგრანტებისა და ენერგოკრიზისის გამო კრიტიკულ ზღვარზეა.
9. Bild: ევროკავშირზე მიგრანტების შეტევის უკან პუტინი და ერდოღანი დგანან
ბოლო 6 კვირის მანძილზე ბელარუსიდან გერმანიაში 6000-ზე მეტი ლტოლვილი შევიდა. ისინი ბელარუსში 2 გავლენიანი ადამიანის სანქციით ჩაჰყავთ. ის, რომ ალექსანდრ ლუკაშენკოს აზიელი არალეგალები ბელარუსში ჩაჰყავს და შემდეგ მათ ევროკავშირში აგზავნის და ამაში პირდაპირ მონაწილეობენ იქაური ძალოვნები, უკვე კარგად ცნობილია.
10. რუსები ვაქცინაციისთვის თავის ასარიდებლად ქრთამებს იხდიან
კორონავირუსმა რუსეთში ფეხი საფუძვლიანად მოიკიდა - დღეში აქ 1000-ზე მეტი ადამიანი კვდება. მდგომარეობას კორუფცია ართულებს - რუსების დიდი ნაწილი ვაქცინა „სპუტნიკს“ არ ენდობა და აცრის თავიდან აცილებას ყველანაირად ცდილობს.