დღის TOP10 საინტერესო ამბავი
1. ჯანდაცვის კომიტეტში ბევრს ფიქრობენ, მაგრამ ვერ ხვდებიან, რა დააკლეს პანდემიის მართვის პროცესს
ჩავარდა ვაქცინაციის პროცესი, ქვეყანაში სამიზნე მაჩვენებელზე 2.5-ჯერ ნაკლები ადამიანია აცრილი. ვინ იღებს პასუხისმგებლობას ასეთ მდგომარეობაზე? „კომერსანტი“ გთავაზობთ ინტერვიუს პარლამენტის ჯანდაცვის კომიტეტის თავმჯდომარის მოადგილე ლადო კახაძესთან.
2. GeoSafety-ის უსაფრთხოების სერვისებზე მოთხოვნა პანდემიურ პერიოდში 40%-ით გაიზარდა
შრომის უსაფრთხოებისა და ჯანმრთელობის დაცვის საკონსულტაციო კომპანიის სერვისებზე მოთხოვნა პანდემიურ პერიოდში განსაკუთრებით გააქტიურდა.
3. გაცემული სესხების მოცულობით თიბისი საქართველოს ბანკს 955 მლნ ლარით უსწრებს
საქართველოში მოქმედი 14 კომერციული ბანკიდან ბაზრის წილის ნახევარზე მეტს სესხებშიც, ანაბრებშიც, აქტივებშიც, შემოსავლებსა და წმინდა მოგებაშიც თიბისი და საქართველოს ბანკი ფლობენ, რომლებიც პირველობას მორიგეობით ინაწილებენ.
4. თბილისში ინდივიდუალური სახლებისთვის სამშენებლო პროცედურები გამარტივდება
დედაქალაქის მერის კახა კალაძის განცხადებით, ინდივიდუალური საცხოვრებლების მშენებლობის ნებართვის მფლობელებისთვის სამშენებლო პროცედურები გამარტივდება. ამის შესახებ კალაძემ თბილისის მუნიციპალიტეტის მთავრობის ხუთშაბათის სხდომაზე განაცხადა.
5. ნათია თურნავა - საქართველოში პირველი ტოპ კლასის ვენჩურული კაპიტალის ფონდი შეიქმნა, რომელიც ქართულ სტარტაპებში ჩადებს ინვესტიციებს
საქართველოში 50 მილიონი დოლარის საინვესტიციო ფონდი შეიქმნება, რომელიც ქართულ სტარტაპებში ჩადებს ინვესტიციებს, - ამის შესახებ ეკონომიკისა და მდგრადი განვითარების მინისტრმა ნათია თურნავამ საქართველოს ინოვაციების და ტექნოლოგიების სააგენტოსა და „კატაპულტ ჯორჯიას“ შორის პარტნიორობის ხელშეკრულების ხელმოწერის შემდეგ განაცხადა.
6. „კლინიკებს საკმაოდ მძიმე სიტუაციაში უწევთ ოპერირება“ - გააძვირებს თუ არა ინფლაცია სამედიცინო მომსახურებას
წლიური ინფლაციის განაკვეთმა ოქტომბერში 12.8%-ს მიაღწია. მოსახლეობას, სხვა ყველაფერთან ერთად, გაუძვირდა სამედიცინო მომსახურებებიც. ჯანმრთელობის დაცვის ჯგუფში ფასები ერთ წელში 8.4%-ით არის მომატებული.
7. მარტო პურის წილი სასურსათო კალათაში 60%-ს აჭარბებს
სპეციალისტები საარსებო მინიმუმთან დაკავშირებით ცვლილების საჭიროებაზე საუბრობენ. ყველაზე მეტი შენიშვნა სურსათის კომპონენტთან დაკავშირებითაა, რომელსაც სასურსათო კალათაში 70% უჭირავს, როცა განვითარებული ქვეყნების შემთხვევაში ეს მაჩვენებელი 15-30%-ის ფარგლებშია.
8. როგორ ხვდება ბიზნესი სიახლეს - გაზზე მომუშავე ტექნიკის რეგულაციები 1-ლი დეკემბრიდან ამოქმედდება
ბუნებრივ აირზე მომუშავე მოწყობილობების იმპორტისა და რეალიზაციისთვის ახალი რეგულაციების ამოქმედებამდე დაახლოებით ორი კვირა რჩება. რეგლამენტი, რომელიც იმპორტიორებს და მწარმოებლებს მოწყობილობების ჯანმრთელობისა და უსაფრთხოების ნორმების შესაბამისად დაპროექტებული და წარმოებული პროდუქციის რეალიზაციას ავალდებულებს, საბოლოოდ 1-ლი დეკემბრიდან ამოქმედდება.
9. რას მოიმოქმედებს ევროკავშირი მიგრაციული კრიზისის დასაძლევად?
16 ნოემბერს ბრიუსელში შედგა ევროკავშირის ქვეყნების საგარეო საქმეთა მინისტრების შეხვედრა, რომელზეც ბელარუსთან მოსაზღვრე ქვეყნებში მიგრაციული კრიზისი განიხილეს.
10. Forbes: გერმანიამ „ჩრდილოეთის ნაკადი-2“-ს სერტიფიცირება შეაჩერა - გაზი ისევ გაძვირდა
გერმანიის ენერგეტიკის მარეგულირებელმა კომისიამ განაცხადა, რომ რუსული გაზსადენის „ჩრდილოეთ ნაკადი-2“-ს მმართველი შვეიცარიული კომპანია Nord Stream 2 AG-ის სერტიფიცირებას აჩერებს.