დღის TOP10 საინტერესო ამბავი:
1. რეგიონში მე-2 და მსოფლიოში მე-16 ადგილი - ქართული ინფლაციის ანტირეკორდი
ოქტომბერში საქართველოში წლიურმა ინფლაციამ 12.8% შეადგინა, ანუ წინა წლის ანალოგიურ პერიოდთან შედარებით ქვეყანაში ფასები საშუალოდ 12.8%-ით გაიზარდა. ინფლაციის ეს მაჩვენებელი 4-ჯერ აჭარბებს მიზნობრივს (3%), რაც საგანგაშო მაჩვენებელია.
2. „აკრძალვა გამოსავალი არასდროს ყოფილა და არასდროს იქნება“ - სათამაშო ბიზნესი მთავრობის გადარწმუნებას შეეცდება
საქართველოს მთავრობა სათამაშო ბიზნესის საკანონმდებლო ჩარჩოში მოქცევას კიდევ ერთხელ ცდის. გიორგი კვირიკაშვილსა და მამუკა ბახტაძეს მკაცრი დაბეგვრის მექანიზმის შემუშავება და რეკლამის შეზღუდვა არ გამოუვიდათ, ჯერი ახლა ირაკლი ღარიბაშვილზეა.
3. სოციალური მესიჯებით 2024 წლის არჩევნებისთვის არაფორმალური სამზადისი პრაქტიკულად დაწყებულია
მომავალი წლიდან მთავრობა შეეცდება სერიოზული სოციალური ცვლილებების გატარებას, რომელიც ქვეყნის სოციალურ-ეკონომიკური განვითარების საწინდარი უნდა გახდეს. ღონისძიებებს შორისაა ონლაინ თამაშების აკრძალვა, სოციალურად დაუცველი მოქალაქეების დასაქმება, წამლების ფასზე კონტროლის გაძლიერება და სხვა, რაც დღემდე დიდ გამოწვევად რჩება ქვეყნისთვის.
4. „დამსაქმებელთა ასოციაციის“ პრეზიდენტი - ქვეყანაში გვაქვს სამუშაო ადგილები, მაგრამ სამწუხაროდ არ გვაქვს მექანიზმები, რომელიც გულისხმობს შრომის ბაზრის რეგულირებას
„დამსაქმებელთა ასოციაციის“ პრეზიდენტის, ელგუჯა მელაძის შეფასებით, სოციალური დახმარების შესახებ პრემიერის ინიციატივა სწორია და სახელმწიფო უნდა ეცადოს, ადამიანს სოციალური დახმარების მიღების მოტივაცია არ გაუჩნდეს.
5. 2021 წელს ეკონომიკური ზრდა 10%-ზე მეტი იქნება - პარლამენტის საბიუჯეტო ოფისი
პარლამენტის საბიუჯეტო ოფისმა ეკონომიკური ზრდის პროგნოზი განაახლა. დოკუმენტის მიხედვით, მიმდინარე წლის მეოთხე კვარტალში საქართველოს ეკონომიკა წინა წლის ანალოგიურ პერიოდთან შედარებით 7.4%-ით გაიზრდება.
6. Georgian Airways ირანის მიმართულებით გეგმავს ოპერირებას
ქართული ავიაკომპანია Georgian Airways ირანის მიმართულებით გეგმავს ოპერირებას. როგორც სამოქალაქო ავიაციის სააგენტო დირექტორის მოადგილემ ალექსანდრე გაჩეჩლაძემ “საქმიანი დილის” რუბრიკაში “საუბრები ავიაციაზე” განაცხადა, ზამთრის სანავიგაციო სეზონზე Georgian Airways-ი აპირებს საქართველოსა და ირანს შორის აპირებს რეისების განხორციელებას.
7. კობა გვენეტაძემ პანდემიის შედეგად გამოწვეულ კრიზისზე ისაუბრა
„ეკონომიკასა და საზოგადოების მოწყვლად ჯგუფებზე COVID-19 - ის უარყოფითი ზეგავლენის შესამცირებლად, უაღრესად მნიშვნელოვანია ფისკალური და მონეტარული ხელისუფლების კოორდინაცია. COVID-19 - ის პანდემიის ქვეყნის საფინანსო სექტორზე უარყოფითი ზეგავლენის შერბილებისა და ქვეყნის ეკონომიკის წახალისების მიზნით, საქართველოს ეროვნულმა ბანკმა მნიშვნელოვანი ღონისძიებები გაატარა“, - კობა გვენეტაძე.
8. Bloomberg: ევროპა მილსადენების პოლიტიზების მძევალი ხდება
ენერგეტიკული მილსადენების მარშრუტების არჩევა ხშირად პოლიტიკურ ფაქტორებს უკავშირდება, თანაც კომერციული მოგების საზიანოდ. ზოგჯერ უკვე მოქმედი მილები პოლიტიკურ იარაღად გადაიქცევიან, ეს კი ყველასთვის საზიანოა.
9. ძვირი გაზის გამო უკრაინის სასათბურე მეურნეობები გაკოტრების ზღვარზეა არიან
ბოლო კვირებში უკრაინის ბოსტნეულის ბაზარზე ნამდვილი სენსაცია დაფიქსირდა - ქვეყანაში რუსული სათბურის კიტრი შევიდა. რუსეთი ტრადიციულად ხილ-ბოსტნეულის იმპორტიორი ქვეყანაა, მათ შორის უკრაინული პროდუქციის. წლების მანძილზე ბევრი სასათბურე მეურნეობა მხოლოდ რუსულ ბაზარზე მუშაობდა, მაგრამ 2014 წელს ეს შეიცვალა - რუსეთზე ორიენტირებული მეურნეობები ან გაკოტრდნენ, ან სხვა ბაზრებზე გადავიდნენ.
10. ბილ გეითსი კორონაპანდემიის დასასრულის თარიღს ასახელებს
კორონავირუსით ინფიცირების დონე მსოფლიოში 2022 წლის ზაფხულისთვის საგრძნობლად დაიკლებს - ბილ გეიტსმა COVID-19-ის პანდემიის დასასრული იწინასწარმეტყველა. კომპანია Microsoft-ის დამფუძნებელმა ამის შესახებ სინგაპურში, მაიკლ ბლუმბერგის ახალ ეკონომიკურ ფორუმზე განაცხადა.
საინტერესო ამბები
