დღის TOP10 საინტერესო ამბავი:
1. 2000 გარდაცვლილი ერთ თვეში - კოვდიკოშმარი გრძელდება, პასუხისმგებლობას არავინ იღებს
საქართველოში კოვიდით გარდაცვლითა რიცხვმა ნოემბერში 2000-ს გადააჭარბა, პანდემიის დაწყებიდან დღემდე 1 თვეში ამდენი ადამიანი სხვა დროს არასდროს დაღუპულა.
2. „ქართული ოცნების“ მაკროეკონომიკური პოლიტიკის TOP 5 ნეგატიური შედეგი
2012 წლის 1 ოქტომბრის საპარლამენტო არჩევნებით, საკანონმდებლო ორგანოს უმრავლესობა და მთავრობა კოალიცია „ქართული ოცნების“ გუნდით დაკომპლექტდა.
3. «Интер РАО»-მ საქართველოს $80-მილიონიანი საარბიტრაჟო დავა მოუგო
რუსული მედიის ინფორმაციით, სასამართლო დავა რუსულ ენერგოკომპანია «Интер РАО»-ს და საქართველოს შორის რუსული კომპანიის სასარგერბლოდ დასრულდა - სტოკჰოლმის არბიტრაჟმა ქართულ მხარეს რუსული კომპანიისთვის $80 მლნ-ის კომპენსაციის გადახდა დააკისრა.
4. ცნობილი ბიზნესმენი ალექსანდრე ხარებავა საავადმყოფოს აშენებს
ცნობილი ბიზნემენი ალექსანდრე ხარებავა დიღომში, ჩაჩავას ქუჩაზე ახალ, თანამედროვე ტექნოლოგიებით აღჭურვილ საავადმყოფოს აშენებს. 5 სართულიან შენობაში განთავსდება ამბულატორია, სარეაბილიტაციო, ინტენსიური და საოპერაციო ბლოკები.
5. ღვინის მცირე მარნები გლობალურ ბაზრებზე გააქტიურდნენ
გლობალურ ბაზრებზე ქართული ღვინის მარკეტინგი პანდემიურ პერიოდშიც აქტიურად გრძელდება. მეწარმეების განცხადებით, მსხვილი ბიზნესის პარალელურად გლობალურ ბაზრებზე გამართულ გამოფენებსა და ფესტივალებში აქტიურად მონაწილეობენ მცირე მარნებიც, რაშიც მათ ღვინის ეროვნული სააგენტო ეხმარება.
6. ქართული ბრენდი აზერბაიჯანში - „ანტრე“ ბაქოში მეექვსე ფილიალს ხსნის
ქართულ-ფრანგული კაფეტერიების ქსელი „ანტრე“ აზერბაიჯანში რიგით მეექვსე კაფეს ხსნის. როგორც „კომერსანტს“ „ანტრეს“ მარკეტინგული კომუნიკაციების სამსახურის უფროსი ლიკა მიქაუტაძე უყვება, ბაქოში გაფართოვება ბაზრის მოთხოვნებმა განაპირობა.
7. ლევან გოგიჩაიშვილი: ონლაინ კაზინოები აკრძალვის შემდეგ იატაკქვეშ არ გადაინაცვლებს
ხელისუფლება ონლაინ კაზინოების აკრძალვას აპირებს. პრემიერის თქმით, პირველ ეტაპზე ონლაინ კაზინოების მფლობელებისთვის გაიზრდება გადასახადი, აიკრძალება რეკლამა და ასაკობრივი ბარიერი 25 წლამდე აიწევს, გარდა ამისა საჯარო მოხელეებს შეეზღუდებათ ონლაინ თამაშში ჩართვა.
8. დღეიდან რუსეთმა ხორბლის ექსპორტი გააძვირა
რუსული ხორბლის იმპორტი ისედაც მცირდება, მაღალი გადასახადის ფონზე ქართველი მეწარმეები ფქვილის იმპორტზე გადაერთნენ, რამაც პურის ფასის არსებულ ნიშნულზე დაჭერა ჯერჯერობით შესაძლებელი გახადა, თუმცა წისქვილკომბინატების საქმიანობაზე ნეგატიური გავლენა მოახდინა და რამდენიმე მათგანი გაკოტრდა კიდეც.
9. 9 თვეში სადაზღვევო კომპანიების წმინდა მოგება 14%-ით შემცირდა
2021 წლის 30 სექტემბრის მდგომარეობით, საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 606,7 მილიონი ლარი შეადგინა.
10. რუსეთში სიკვდილიანობა 1945 წლის შემდეგ რეკორდულ ნიშნულზეა
2020-ის დეკემბრიდან მიმდინარე წლის ნოემბრის ჩათვლით რუსეთში სიკვდილიანობამ 2,4 მილიონ ადამიანს გადააჭარბა. ამის შესახებ რუსული გამოცემა „ვედომოსტი“ დემოგრაფებზე დაყრდნობით წერს და აღნიშნავს, რომ ანაზე უარესი მაჩვენებლები ბოლოს მხოლოდ მეორე მსოფლიო ომის დროს - 1941-1945 წლებში იყო.