დღის TOP10 საინტერესო ამბავი:
1. ეკონომიკურ ზრდაზე მთავარი გავლენა რეინვესტირებამ მოახდინა
Covid-19-მა ინვესტიციებს დიდი პრობლემა შეუქმნა მთელ მსოფლიოში, მათ შორის საქართველოში, სადაც უცხოური კაპიტალის მოზიდვა ეკონომიკის ერთ-ერთ დიდ გამოწვევად რჩება. 2021 წელს ინვესტიციები, რეინვესტირების გარეშე, ფაქტობრივად განულებულია.
2. პანდემიურ 2020 წელს მაკდონალდსის შემოსავალი მხოლოდ 3%-ით შემცირდა
მაკდონალდსის გაყიდვები საქართველოში პანდემიურ 2020 წელს მხოლოდ 3%-ით 96 მლნ ლარამდე შემცირდა, მაშინ როცა სხვა ქართულმა რესტორნებმა შემოსავლის 60-70 პროცენტი დაკარგეს.
3. „ოქროს სია“ 2023 წლამდე არ გაუქმდება
„ოქროს სია“ 2023 წლამდე არ გაუქმდება, ამის შესახებ საქართველოს ფინანსთა მინისტრის მოადგილემ მამუკა ბარათაშვილმა დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა.
4. სასამართლომ Myway Airlines-ის შუამდგომლობა დააკმაყოფილა - ავიაკომპანია ფრენებს განაახლებს
თბილისის საქალაქო სასამართლომ, ავიაკომპანია „მაივეი ეარლაინს“-ის შუამდგომლობა, რომლითაც მოთხოვნილი იყო სამოქალაქო ავიაციის სააგენტოს მიერ საჰაერო გადაყვანა-გადაზიდვის მოწმობის გაუქმების ბრძანების მოქმედების შეჩერება, დაკმაყოფილდა.
5. „მაჭახელას“ შემოსავალი 20-დან 7 მლნ ლარამდე შემცირდა
2020 წელს, ლოქდაუნების შედეგად ყველაზე მეტად ჰორეკა სექტორი დაზარალდა. ტურიზმიდან მიღებული შემოსავალი 83%-ით $542 მლნ-მდე შემცირდა, 60-70 პროცენტით იკლო რესტორნების ბრუნვამაც. ქსელური რესტორნის „მაჭახელა სამიკიტნოს“ შემოსავალი 19.7 მლნ-დან 7 მლნ ლარამდე შემცირდა.
6. როგორ ხდება სადაზღვევო კომპანია არდი-ში სადაზღვევო შემთხვევების რეგულირება და მართვა
როგორ ხდება სადაზღვევო შემთხვევების რეგულირების მართვა და როგორ უნდა მოიქცეს მომხმარებელი სადაზღვევო შემთხვევების დროს - ამ და სხვა თემებზე რადიო „კომერსანტის“ გადაცემაში „დაზღვევის დრო“ სადაზღვევო კომპანიის „არდი“ სადაზღვევო შემთხვევების რეგულირების უფროსმა იოსებ დაბრუნდაშვილმა და ჯანმრთელობის დაზღვევის მართვის დეპარტამენტის ხელმძღვანელმა თეა დურგლიშვილმა ისაუბრეს.
7. ,,გრანელი ჯგუფი“ ვეგანური ტყავის წარმოებაში $10 მლნ-ს დებს
პირველად საქართველოსა და აღმოსავლეთ ევროპის რეგიონში, ,,გრანელი ჯგუფი“ ქალაქ ყვარელში ცხოველური და სინთეტიკური ტყავის ალტერნატივის, მცენარეული ნედლეულისა და ორგანული ნარჩენის საფუძველზე დამზადებული ვეგანური ტყავის წარმოებისთვის საჭირო ქარხნის მშენებლობას იწყებს.
8. სომხეთი თურქეთს გენოციდის აღიარებას აღარ სთხოვს - მიზანი ეკონომიკური ურთიერობის აღდგენაა
სომხეთის საგარეო საქმეთა მინისტრ ვაან უნანიანის განცხადებით ქვეყანა მზადაა თურქეთთან დიალოგი ყოველგვარი წინაპირობის გარეშე დაიწყოს, რაც 1915 წლის სომეხთა მასობრივი მკვლელობების გენოციდად აღიარების მოთხოვნის ირიბ უარყოფად შეიძლება შეფასდეს.
9. ავტომობილების ვიზუალურ გამონაბოლქვზე კონტროლი დაწესდება - კანონპროექტი საგაზაფხულო სესიაზე დაინიცირდება
ავტოსატრანსპორტო საშუალებათა ტექნიკურ დათვალიერებასა და ვიზუალურ გამონაბოლქვზე კონტროლი დაწესდება - საკანონმდებლო ცვლილებათა პაკეტი პარლამენტში საგაზაფხულო სესიაზე დაინიცირდება.
10. ნოემბერში ქუთაისის საერთაშორისო აეროპორტში მგზავრთნაკადი 48 %-ით, რეისების რაოდენობა კი 65%-ით აღდგა
პანდემიის მიუხედავად, ქუთაისის განახლებულ საერთაშორისო აეროპორტში საჰაერო მიმოსვლის დადებითი დინამიკა შეიმჩნევა. საქართველოს აეროპორტების გაერთიანების ინფორმაციით, ნოემბერში, 2019 წლის ანალოგიურ პერიოდთან შედარებით, დავით აღმაშენებლის სახელობის აეროპორტში მგზავრთნაკადის 48% აღდგა.
საინტერესო ამბები
