დღის TOP10 საინტერესო ამბავი:
1. „კომერსანტმა“ სს „საქართველოს ჯანდაცვის ჯგუფს“ სასამართლო დავა მოუგო
სს „საქართველოს ჯანდაცვის ჯგუფმა“ მედიაჰოლდინგ „კომერსანტთან“ სასამართლო დავა წააგო. მოსამართლემ კლინიკების ქსელის იურისტის არცერთი მოთხოვნა არ დააკმაყოფილა, რაც მოულოდნელი არ ყოფილა „კომერსანტის“ იურისტის ამირან გიგუაშვილისთვის, რომელიც აცხადებს, რომ კლინიკის მენეჯმენტის სარჩელი აბსოლუტურად უსაფუძვლო იყო.
2. ,,სელექციური კონტრაქტირება“ მცირე კლინიკების დიდ ნაწილს გააკოტრებს
საყოველთაო ჯანდაცვის პროგრამის სერვისის მიმწოდებელთა წრე მნიშვნელოვნად შემცირდება. ამის მიზეზი შეიძლება გახდეს სელექციური კონტრაქტირება, რომლის განხორციელებას მთავრობა ჯანდაცვის რეფორმის ფარგლებში გეგმავს.
3. კომერსანტის ექსკლუზივი: გაეროს პროექტების მომსახურების ოფისი ლისზე ევროპულ სკოლას ააშენებს (რენდერები)
„კომერსანტის“ ექსკლუზიური ინფორმაციით, თბილისში, ლისის ტბის მიმდებარედ, გაეროს პროექტების მომსახურების ოფისის (UNOPS) დაკვეთით სასწავლო კომპლექსის მშენებლობა იგეგმება. პროექტი, რომელიც 26 099 კვ.მ. ტერიტორიაზე ხორციელდება, სკოლას და კამპუსს გააერთიანებს.
4. ლირამ 15-იანი ნიშნულიც გაარღვია
თურქულმა ლირამ გაუფასურების ახალი რეკორდი მოხსნა. Bloomberg-ის სავაჭრო პლატფორმაზე 16 დეკემბერს 1 აშშ დოლარის ღირებულებამ უკვე 15 ლირას გადააჭარბა.
5. ნოემბერში ტურისტების რაოდენობა 283%-ით გაიზარდა
ნოემბერში საქართველოში შემოსულ საერთაშორისო მოგზაურთა რაოდენობა, გასული წლის ანალოგიურ პერიოდთან შედარებით 289%-ით 181 ათასამდე, მათ შორის ვიზიტორების რაოდენობა 267%-ით 167 ათასამდე და ტურისტების რაოდენობა 283%-ით 151 ათასამდე გაიზარდა.
6. რესტორანი კვამლი „მწვანე პასპორტების“ ამოქედების შემდეგ მომხმარებლების გარეშე დარჩა
მწვანე პასპორტის ამოქმედების შემდეგ, ქუთაისში მდებარე ცნობილი რესტორანი “კვამლი“ თითქმის გაჩერებულია. როგორც „კომერსანტს“ რესტორნის მენეჯერმა ქრისტინე ქავთარაძემ უთხრა, რესტორანს მომხმარებლები ფაქტობრივად აღარ ჰყავს და დაკეტვის პირასაა.
7. შესაძლებელია იყოს ლარის კურსის რყევები - კობა გვენეტაძე
„მოკლევადიან პერიოდში შესაძლებელია იყოს [ლარის კურსის] რყევები, მაგრამ საშუალო და გრძელვადიან პერიოდში მცურავი გაცვლითი კურსი ყველაზე კარგად უზრუნველყოფს გაცვლითი კურსის სტაბილურობას“,- ამის შესახებ საქართველოს ეროვნული ბანკის პრეზიდენტმა კობა გვენეტაძემ განაცხადა.
8. 2022 წელს თბილისში განსახორციელებელი პროექტების ღირებულება 1,5 მლრდ-ს გადააჭარბებს
დედაქალაქის მერის კახა კალაძის განცხადებით, დაზუსტებული ბიუჯეტის თანახმად, მომავალ წელს თბილისში განსახორციელებელი პროექტების ჯამური ღირებულება 1,545 მლრდ ლარს შეადგენს.
9. თურქეთის შემდეგ აზერბაიჯანი - სომხეთი ისტორიულ მტრებთან ურთიერთობების აღდგენას ცდილობს (ანალიტიკა)
მორიგი სამმხრივი შეხვედრის შემდეგ პრეზიდენტებმა ეკონომიკური ურთიერთებობის აღდგენის შესახებ ოპტიმისტური განცხადებები გააკეთეს. ალიევის თქმით სომხეთი სარკინიგზოსთან ერთად საავტომობილო გზის გახსნასაც დასთანხმდა და ამჯერად განხილვის საგანი უკვე ზანგეზურის დერეფანში გაჭრილი გზის სამართლებრივი ფორმაა.
10. კობა გვენეტაძე - ვისაც ახლა სესხის პროცენტი გაეზარდათ, როგორც კი გადაივლის ეს ფაქტორები, რეფინანსირების საპროცენტო განაკვეთი შემცირდება და მათი საპროცენტო განაკვეთიც შემცირდება
ეროვნული ბანკის პრეზიდენტის, კობა გვენეტაძის განცხადებით, რეფინანსირების განაკვეთი შესაძლოა, შემცირდეს. ამის შესახებ გვენეტაძემ პარლამენტის პლენარულ სხდომაზე განაცხადა.