დღის TOP10 საინტერესო ამბავი:
1. პარლამენტმა 2022 წლის სახელმწიფო ბიუჯეტი დაამტკიცა
2022 წლის სახელმწიფო ბიუჯეტის მოცულობა 19 171.1 მლნ ლარს შეადგენს, რაც ბიუჯეტის პროექტის წინა ვერსიასთან შედარებით 332.0 მლნ ლარით არის გაზრდილი.
2. „რეკორდულად მაღალი“ ბიუჯეტი და ჩაშლილი მსხვილი პროექტები - ინფრასტრუქტურის სამინისტროს 9 წელი
2022 წელს ინფრასტრუქტურული პროექტების დაფინანსებაზე რეკორდულად მაღალი - მშპ-ს 9.1% დაიხარჯება - განაცხადა ფინანსთა მინისტრმა ლაშა ხუციშვილმა 2022 წლის ბიუჯეტის პროექტის საბოლოო ვერსიის განხილვისას.
3. აზარტული თამაშების რეკლამის აკრძალვა მარტიდან ამოქმედდება
საპარლამენტო უმრავლესობის წევრის ირაკლი ზარქუას განცხადებით, გაითვალისწინეს ტელევიზიების თხოვნა და აზარტული თამაშების რეკლამის აკრძალვა მარტიდან ამოქმედდება.
4. წლის ბოლომდე ფულადი გზავნილების მოცულობა რეკორდულ ნიშნულზე გავა
ფულადი გზავნილების მოცულობა წლის ბოლომდე ახალ რეკორდს დაამყარებს. 11 თვის მონაცემით, $2-მილიარდიანი ზღვარი გადაილახა და ეს მაჩვენებელი წლის ბოლომდე, წინასაახალწლო პერიოდში, კიდევ გაიზრდება.
5. სამართლიანი სასამართლოს როლი კონკურენციის ინდექსში, ინვესტიციების მოზიდვასა და ქვეყნის ბრენდინგში
რამდენად მნიშვნელოვანია სასამართლო სისტემის როლი ქვეყნის ეკონომიკასა და იმიჯში და როგორია დღეს საქართველოში არსებული სასამართლო სისტემა, ამ თემაზე სასაუბროდ რადიო “კომერსანტის“ გადაცემაში „ბრენდი საქართველო“ ავტორმა და წამყვანმა ლევან კობერიძემ იურიდიული ფირმა BLB-ის პარტნიორი, თბილისის საოლქო სასამართლოს ყოფილი თავმჯდომარე და თბილისის ყოფილი პროკურორი მაია მწარიაშვილი მიიწვია.
6. შოთა ბურჯანაძე - ვინმეს ილუზია აქვს, რომ ეს რეგულაციები დაცული იქნება? ვერ იქნება!
„1-ელი იანვრიდან 14 იანვრის ჩათვლით დაშვებულია ყველა ღონისძიების ჩატარება „რეგულაციების დაცვით“, ვინმეს ილუზია აქვს, რომ ეს რეგულაციები დაცული იქნება? ვერ იქნება“, - ამის შესახებ „რესტორატორთა ასოციაციის“ თავმჯდომარემ შოთა ბურჯანაძემ განაცხადა.
7. მსხვილი კომპანიების წილმა ელექტრომოხმარებაში 25%-ს გადააჭარბა
საქართველოში ნოემბერში ელექტროენერგიის მოხმარება 15%-ით 1.204 მლრდ კვტ/სთ-მდე, ხოლო 11 თვეში 13%-ით 12.407 მლრდ კვტ/სთ-მდე გაიზარდა. ყველაზე მაღალი, თითქმის 18%-იანი ზრდა, ოკუპირებულ აფხაზეთში დაფიქსირდა, თუმცა ზრდა შეინიშნებოდა დანარჩენ საქართველოშიც როგორც მოქალაქეების, ასევე მსხვილი კომპანიების მხრიდან.
7. 80 მილიონი დოლარი, რომლის გადახდა სასამართლომ საქართველოს დააკისრა ნოღაიდელის და ხეთაგურის სინდისზეა – თემურ ჭიჭინაძე
საოცარია, მაგრამ ფაქტია, საზოგადოებისათვის მხოლოდ ერთდღიანი „ვნებათა ღელვის“ საბაბი აღმოჩნდა ისეთი მნიშვნელოვანი საკითხი, როგორიცაა რუსულ ენერგოკომპანია «Интер РАО»-სა და საქართველოს შორის წარმოებული სასამართლო დავა, სტოკჰოლმის არბიტრაჟის მიერ ქართული მხარისთვის რუსული კომპანიის სასარგებლოდ $80 მლნ-ის კომპენსაციის გადახდის დაკისრება.
8. გლობალურ რეიტინგებში საქართველოს პოზიციები უმეტესად უმჯობესდება
გარკვეული გამოწვევების მიუხედავად, საქართველოს რეიტინგი უსაფრთხოების, კორუფციასთან ბრძოლის და რამდენიმე სხვა მიმართულებით აშკარად პოზიტიურია. მაგალითისთვის, გლობალური კონკურენტუნარიანობის რეიტინგში შემავალი ერთ-ერთი კომპონენტით – უსაფრთხოების დონით, საქართველო 27-ე ადგილზეა.
9. მსოფლიოში ყველაზე ცუდი 10 ავიაკომპანიიდან 2 საქართველოშიც ოპერირებს
ბარგის შენახვის სერვისმა Bounce ყველაზე ცუდი ავიაკომპანიების ათეული გამოავლინა. მათგან ორი: დაბალი ფასის გამო პოპულარული რეინეარი და უკრაინის ავიახაზები საქართველოშიც ოპერირებს.
10. დღეიდან ღამის კლუბები იხსნება
თითქმის ორწლიანი პაუზის შემდეგ, საქართველოში საკლუბო სივრცეები მომხმარებლისთვის დღეს, 17 დეკემბერს იხსნება. პანდემიამდელი პერიოდისგან განსხვავებით კლუბებს მომხმარებელთა 50%-ის დაშვება შეუძლიათ, რაც ერთ კვადრატულ მეტრზე ერთ ადამიანს გულისხმობს.
საინტერესო ამბები
