დღის TOP10 საინტერესო ამბავი:
1. „ხელისუფლება ეკონომიკის დირექტორია“ - 62 დეპუტატის შეუთავსებელი საქმიანობა და არადეკლარირებული კომპანიები
ბიზნესმენები პოლიტიკაში და პოლიტიკოსები ბიზნესში დიდი ხანია საქართველოში არავის უკვირს, თუმცა ბიზნესინტერესების მქონე დეპუტატების სიმრავლით მეათე მოწვევის პარლამენტი მაინც გამორჩეულია.
2. მიწის არასისტემური რეგისტრაცია ფასიანი ხდება
დაახლოებით 2 კვირაში მიწის უფასო რეგისტრაციის ვადა იწურება. ხელისუფლების გადაწყვეტილებით, პროგრამა გაგრძელდება. ცნობილია, რომ მიწის არასისტემური რეგისტრაცია ფასიანი გახდება.
3. ,,ნაგვის ბუნკერში გელოდებით ყველას, აქ უკვე აღარაფრის შეგვრცხვება“ - ალეკო შუღლაძე
მაღალი ეკონომიკური ზრდა და მოსახლეობის კეთილდღეობა რომ წლებია, იმიჯნება, ვიცით. მუდმივად ვაწყდებით ადამიანების თითქმის ჩუმ, ძლივს ამოთქმულ უკმაყოფილებას, რადგან საკუთარ მატერიალურ პრობლემაზე საუბარი ამ საზოგადოებაში სტიგმაა.
4. ქართული მულჩი მომავალი წლიდან ექსპორტზე გავა
კომპანია ,,ტიჩის“ მიერ წარმოებული მულჩი მომავალი წლიდან ექსპორტზე გავა. შეთანხმება პოტენციურ ინვესტორთან თითქმის მიღწეულია. როგორც კომპანიის დამფუძნებელი, მეწარმე გოჩა წერეთელი ,,კომერსანტთან“ ამბობს, ,,ტიჩის“ ერთ-ერთი კონტრაქტორი ლატვიის წარმომადგენელია, რომელიც მზადაა, ქართულ წარმოებაში ინვესტიცია ჩადოს.
5. ლირამ 17.5-იან ნიშნულს გადააჭარბა
თურქული ლირა რეკორდულ ვარდნას განაგრძობს. ორშაბათს, 20 დეკემბერს Bloomberg-ის სავაჭრო პლატფორმაზე ის კიდევ 6.7%-ით გაუფასურდა. თბილისის დროით 11:00 სთ-ზე 1 აშშ დოლარის ღირებულება 17.5 ლირას გაუთანაბრდა.
6. საქართველოში ომიკრონ შტამით ინფიცირება დადასტურდა
საქართველოში „ომიკრონ“ შტამით ინფიცირების ორი შემთხვევა გამოვლინდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.
7. 2021 წელს პრივატიზაციით მიღებულმა შემოსავალმა 297 მლნ ლარს გადააჭარბა
2021 წელს მთავრობამ აუქციონი 7 ეტაპად ჩაატარა. გაყიდული 269 ლოტის საწყისი ფასი 147 მლნ ლარი იყო, მიღებულმა შემოსავალმა კი 297 მლნ-ს გადააჭარბა. წინა პერიოდების მსგავსად, განსაკუთრებულად მსხვილი გარიგება არც წელს დაფიქსირებულა.
8. ჩინეთში ექსპორტმა 11 თვეში $569 მლნ-ს გადააჭარბა
ნოემბერში ექსპორტმა $430 მლნ-ს, 11 თვეში კი $3.8 მლრდ-ს გადააჭარბა. იანვარ-ნოემბერში ყველაზე მეტი - $569 მლნ-ის ღირებულების პროდუქცია ჩინეთში გავიდა, რაც გასული წლის ანალოგიური პერიოდის მაჩვენებელს 27.4%-ით აღემატება.
9. Zarbazani Wine & Beauty-მ ღვინის კოსმეტიკის წარმოება დაიწყო
ღვინის მწარმოებელმა კომპანიამ Zarbazani wine and beauty დაახლოებით ორი კვირის წინ ღვინის კოსმეტიკის წარმოება დაიწყო. როგორც „კომერსანტს“ კომპანიის დირექტორმა ნანა დავითაძემ უთხრა, საწარმო წავკისში ააშენეს და ძვირადღირებული დანადგარები ჩამოიტანეს.
10. დავოსის ფორუმი გადაიდო
„ომიკრონის“ გამო დავოსში დაგეგმილი ყოველწლიური მსოფლიო ეკონომიკური ფორუმი გადაიდო. ამის შესახებ ფორუმის ოფიციალურ საიტზე გამოქვეყნებულ განცხადებაშია ნათქვამი.
საინტერესო ამბები
